လေယာဉ်ပျက်ကျသေဆုံးခဲ့သည့် ဘောလုံးအသင်းမှ ရုပ်အလောင်းများ ဘရာဇီးလ်သို့ရောက်ရှိ

ဒီဇင်ဘာ ၃၊ ၂၀၁၆
M-Media

– ယခုတစ်ပတ်အစောပိုင်းက လေယာဉ်ပျက်ကျမှုတွင် သေဆုံးသွားခဲ့သည့် ဘရာဇီးလ်ကလပ် Chapecoense အသင်းမှ ကစားသမားများ၊ နည်းပြများနှင့် ၀န်ထမ်း စုစုပေါင်း ၅၀ ၏ ရုပ်အလောင်းများမှာ ယနေ့တွင် ဘရာဇီးလ်သို့ ရောက်ရှိလာခဲ့သည်ဟု သိရသည်။

အသင်းအခြေစိုက်ရာ နိုင်ငံတောင်ပိုင်း ချာပီကိုမြို့သို့ ပြန်လည် ဆိုက်ရောက်လာခြင်းဖြစ်ပြီး၊ မြို့ခံပြည်သူများက ၀မ်းနည်းပူဆွေးမှုနှင့်အတူ ဆီးကြိုခဲ့ကြသည်။ အလောင်းသယ်ဆောင်လာသည့် လေယာဉ်များ လေယာဉ်ကွင်းသို့ ဆင်းသက်သည်နှင့် တစ်ပြိုင်နက် Chapecoense အသင်း၏ ကွင်းမှ မီးရှူးမီးပန်းများကို ပစ်လွှတ် ဂုဏ်ပြုခဲ့ကြသည်။

ဘရာဇီးပထမတန်းတွင် ကစားနေသည့် အသင်းငယ်လေးဖြစ်သော Chapecoense မှာ ယခုနှစ်တွင် အံ့သြလောက်ဖွယ် စွမ်းဆောင်မှုမျိုးကို ပြသခဲ့ပြီး တောင်အမေရိက၏ ဒုတိယအဆင့်အမြင့်ဆုံး ကလပ်အသင်းပြိုင်ပွဲတွင် ဗိုလ်လုပွဲသို့ တက်ရောက်နိုင်သည်အထိ အောင်မြင်ခဲ့သည်။

သို့သော်လည်း ဗိုလ်လုပွဲ ပထမအကျော့ ကစားရန် ကိုလံဘီယာသို့ စင်းလုံးငှားလေယာဉ်ဖြင့် သွားရောက်စဉ် ယခုကဲ့သို့ အဖြစ်ဆိုးမျိုးနှင့် ကြုံတွေ့ခဲ့ရကာ အသင်းတစ်သင်းလုံးတွင် ၃ ဦးသာ အသက်ရှင်ခဲ့သည်။ ၎င်းတို့ ၃ ဦးမှာလည်း စိုးရိမ်ရသည့် အခြေအနေတွင် ရှိနေသည်။

Chapecoense ၏ အိမ်ကွင်း Conda Arena တွင် ပြုလုပ်မည့် ဈာပနအခမ်းအနားသို့ ချာပီကိုမြို့၏ လူဦးရေ ထက်ဝက်ဖြစ်သော လူပေါင်း ၁ သိန်းခန့် တက်ရောက်မည်ဟု ခန့်မှန်းထားပြီး၊ ဖီဖာဥက္ကဌ ဂီယာနီ အင်ဖန်တီနိုလည်း တက်ရောက်ရန် ရှိနေသည်။

လေယာဉ်မှူးနှင့် မြေပြင်ထိန်းချုပ်ရေးစခန်းတို့၏ နောက်ဆုံး ဆက်သွယ်ပြောကြားမှုအရ လေယာဉ်ပျက်ကျမှု အကြောင်းအရင်းမှာ ဆီကုန်သွားခြင်းကြောင့် ဖြစ်နိုင်ပြီး၊ အသေးစိတ် စုံစမ်းစစ်ဆေးမှုများကို ပြုလုပ်နေသည်။ လေယာဉ်ပျက်မှုတွင် သေဆုံးသွားခဲ့သည့် ဘိုလီးဗီးယားနှင့် ဗင်နီဇွဲလား နိုင်ငံသားများ၏ ရုပ်အလောင်းများကိုလည်း ကြာသာပတေးနှင့် သောကြာနေ့များတွင် သက်ဆိုင်ရာနိုင်ငံများသို့ ပို့ဆောင်ပေးခဲ့သည်။

Ref: Aljazeera