အိမ်ကွင်းအရှုံးနဲ့မြန်မာ ဗိုလ်လုပွဲရောက်ဖို့ ရုန်းကန်ရတော့မည်

ဒီဇင်ဘာ ၄၊ ၂၀၁၆
M-Media

– AFF ဆူဇီကီးဖလား ဆီးမီးဖိုနယ် ပထမအကျော့အဖြစ် ဒီနေ့ညနေ သုဝဏ္ဍကွင်းမှာ ကစားတဲ့ မြန်မာအသင်းနဲ့ ထိုင်းအသင်းတို့ ပွဲမှာတော့ ထိုင်းအသင်းက ၂ ဂိုး ဂိုးမရှိနဲ့ အနိုင်ရရှိခဲ့ပြီး ဗိုလ်လုပွဲတက်ဖို့ အခြေအနေကောင်းသွားခဲ့ပါတယ်။

ပွဲအစကတည်းက ထိုင်းအသင်းဟာ ဘောလုံးပိုင်ဆိုင်မှုအသာရဖို့ ကြိုးစားခဲ့ပြီး ၉ မိနစ်မှာ မြန်မာအသင်းရဲ့ တိုက်စစ်ဆင်မှုကနေ ကောင်းဆက်နိုင် ကန်သွင်းခွင့်ရခဲ့ပေမယ့် ထိုင်းဂိုးသမား ဖမ်းမိခဲ့ပါတယ်။ နောက်ပိုင်းမှာတော့ ထိုင်းက ပွဲကို ထိန်းကစားသွားခဲ့ပြီး ၂၃ မိနစ်မှာ နံပါတ် ၁၀ တီရာစီလ် ဒန်ဒါ အဖွင့်ဂိုးမသွင်းခင် ၂ ကြိမ်လောက် အပိုင်ဂိုးသွင့်ခွင့် ရခဲ့ပါသေးတယ်။

၃၇ မိနစ်မှာ မောင်မောင်လွင်ရဲ့ အပိုင်ပိတ်သွင်းမှု လူကျွံနေတာကြောင့် အိမ်ရှင်မြန်မာတို့ နစ်နာခဲ့ရပါတယ်။ ဒုတိယပုိုင်းမှာလည်း ထိုင်းသာ ဘောလုံးပိုင်ဆိုင်မှု ပိုများခဲ့ပြီး ၅၅ မိနစ်မှာ ဒန်ဒါကပဲ ဂိုးစည်းထိပ်ကနေ ဘယ်ခြေနဲ့ လှလှပပကန်သွင်းကာ ဒုတိယဦးဆောင်ဂုိုး ရယူခဲ့ပါတယ်။

ဒုတိယဂိုးပေးလိုက်ရပြီးနောက်ပိုင်း မြန်မာအသင်းက အချိတ်အဆက်မိမိနဲ့ ထိုင်းဘက်ကို ပိုပြီး ထိုးဖောက်လာနိုင်ကာ သန်းပိုင်၊ အောင်သူတို့ရဲ့ ကန်သွင်းချက်ကို ထိုင်းဂိုးသမား ကာကွယ်သွားနိုင်ခဲ့ပါတယ်။ ထိုင်းကတော့ နောက်ပိုင်းမှာ အဝေးကန်ချက်တွေနဲ့ဘဲ ဂိုးထပ်ရဖို့ ကြိုးစားခဲ့ပြီး မြန်မာဂိုးသမား ကျော်ဇင်ဖြိုး အပိုင် ၂ လုံးလောက်ကို ပုတ်ထုတ် ကာကွယ်နိုင်ခဲ့ပါတယ်။

ဆီမီးဖိုင်နယ် ဒုတိယအကျော့ကို ဒီဇင်ဘာ ၈ ရက်နေ့ ဘန်ကောက်မြို့က ရာဇမင်္ဂလာ အားကစားကွင်းမှာ ယှဉ်ပြိုင်သွားမှာဖြစ်ပြီး မြန်မာအသင်းဟာ ဗိုလ်လုပွဲတက်ဖို့ ရုန်းကန်ရတော့မှာ ဖြစ်ပါတယ်။