ကက်စထရို၏ အရိုးပြာကို ၎င်း၏ တော်လှန်ရေး အစပြုရာမြို့တွင် မြှုပ်နှံ

ဒီဇင်ဘာ ၄၊ ၂၀၁၆
M-Media

– ကျူးဘားအား အမေရိကန်၏ အမြတ်ထုတ်ခံ နိုင်ငံအဖြစ်မှ လွတ်မြောက်စေခဲ့သူ သမ္မတဟောင်း ဖီဒဲလ် ကက်စထရို၏ အရိုးပြာကို ယနေ့တွင် နိုင်ငံအရှေ့တောင်ပိုင်း ဆန်တီယေဂိုမြို့တွင် မြှုပ်နှံခဲ့သည်ဟု သိရသည်။

ဖီဒဲလ်ကက်စထရိုမှာ နိုင်ငံအား ရာစုနှစ် ထက်ဝက်ကြာ အုပ်စိုးခဲ့သူဖြစ်ပြီး အသက် ၉၀ အရွယ် ပြီးခဲ့သည့် နိုဝင်ဘာ ၂၅ ရက်နေ့တွင် ကွယ်လွန်ခဲ့ခြင်းဖြစ်သည်။ နိုင်ငံတော် အောက်မေ့ဖွယ်နေ့ကို ၉ ရက်တာ ကျင်းပခဲ့ပြီးနောက် ယနေ့တွင် အရိုးပြာ မြှုပ်နှံခြင်းဖြင့် အဆုံးသတ်ခဲ့သည်။

ဈာပနအခမ်အနားကို မြို့တော် ဟာဗာနားတွင် ၂ ရက်ကြာ ကျင်းပပြုလုပ်ခဲ့ပြီး ပြည်သူသန်းချီ တက်ရောက်ခဲ့ကြသည်။ ယနေ့ပြုလုပ်သည့် အရိုးပြာ မြှုပ်နှံမှုမှာ မိသားစုများသာ ပါဝင်သည့် သီးသန့်အခမ်းအနား ဖြစ်သည်။ ဖီဒဲလ်၏ အရိုးပြာကို တိုင်းပြည်ဟု လွတ်လပ်ရေးခေါင်းဆောင် ဂျိုဆေး မာတီ၏ အုပ်ဂူအနီးတွင် မြှုပ်နှံခဲ့သည်။

အရိုးပြာ သယ်ဆောင်လာသည့် ယာဉ်တန်းကို ကျူးဘားပြညသ်ူများက လမ်းတစ်လျှောက် စီတန်း ဂါရ၀ပြုခဲ့ကြပြီး ‘ဖီဒဲလ် ထာဝရှင်သန်ပါစေ’ ဟု ကြွေးကြော်ခဲ့ကြသည်။

ဆန်တီယေဂိုမြို့မှာ ကက်စထရိုခေါင်းဆောင်သည့် ကျူးဘားတော်လှန်ရေး အစပြုရာနေရာဖြစ်ပြီး အမေရိကန်ကျောထောက်နောက်ခံပြု ဘာတစ္စတာအစိုးရလက်ထက် ၁၉၅၃ ခုနှစ် ဇူလိုင်လ ၂၆ ရက်နေ့တွင် တော်လှန်ရေးတပ်ဖွဲ့မှာ ဆန်တီယေဂိုရှိ မွန်ကားဒါး စစ်စခန်းကို ၀င်ရောက်တိုက်ခိုက်ခဲ့သည်။

Ref: Aljazeera