အိန္ဒိယ သံမဏိအမျိုးသမီး၏ ဈာပန ပြည်သူသိန်းချီ တက်ရောက်

ဒီဇင်ဘာ ၆၊ ၂၀၁၆
M-Media

အိန္ဒိယ၏ သံမဏအမျိုးသမီး ဂျေ ဂျာယာလာလီသာ

– အိန္ဒိယတွင် အကျော်ကြားဆုံး နိုင်ငံရေးသမားများထဲမှ တစ်ဦးဖြစ်ပြီး သံမဏိအမျိုးသမီးဟုလည်း အမည်တွင်သူ တမီလ်နာဒူးပြည်နယ် အုပ်ချုပ်ရေးမှူး ဂျေ ဂျာယာလာလီသာ၏ ဈာပနကို ယနေ့တွင် ကျင်းပပြုလုပ်ခဲ့ပြီး လူသိန်းချီ ပါဝင်ခဲ့ကြသည်ဟု သိရသည်။

အသက် ၆၈ နှစ်အရွယ်ရှိ ဂျေ ဂျာယာလာလီသာမှာ တနင်္ဂနွေညက ရုတ်တရတ် နှလုံးဖောက်မှုဝေဒနာကို ခံစားခဲ့ရပြီးနောက် တနင်္လာနေ့တွင် ကွယ်လွန်သွားခြင်းဖြစ်သည်။ ယနေ့တွင်ပြုလုပ်သည့် သူမ၏ နိုင်ငံတော်ဈာပနကို ၀န်ကြီးချုပ် မိုဒီနှင့် သမ္မတ မူခါဂျီတို့လည်း တက်ရောက်ခဲ့သည်။

သူမ၏ ရုပ်အလောင်းကို သူမ လေးစားအားကျသည့် နိုင်ငံရေးသမား အမ်ဂျီ ရာမာချန်ဒရန်၏ အုတ်ဂူဘေးတွင် မြှုပ်နှံခဲ့သည်။ ရာမာချန်ဒရန်မှာ ရုပ်ရှင်မင်းသားဘ၀မှ နိုင်ငံရေးသမား ဖြစ်လာခဲ့ခြင်းဖြစ်ပြီး ဂျာယာလာလီသာကိုလည်း နိုင်ငံရေး လောကထဲသို့ ဆွဲခေါ်ခဲ့သူဖြစ်သည်။

အများပြည်သူကို ပြသထားသည့် ဂျေ ဂျာယာလာလီသာ၏ ရုပ်ကလပ်

ထိုကဲ့သို့ ဂူသွင်းမှုမှာ မီးသင်္ဂြီုဟ်သော သူမ၏ မျိုးနွယ်ဓလေ့နှင့် ဆန့်ကျင်နေသော်လည်း သူမ၏ ပါတီဝင်များကမူ ထိုကဲ့သို့ မြှုပ်နှံခြင်းက ပြည်သူများအနေဖြင့် သူမကို အမှတ်ရစေရန် အထိမ်းအမှတစ်ခု ပြုလုပ်ပေးခြင်းဖြစ်သည်ဟု ပြောကြားခဲ့သည်။

သူမကွယ်လွန်မှုအတွက် တမီလ်နာဒူးပြည်နယ်တွင် ၀မ်းနည်းဖွယ်နေ့ကို ၇ ရက်တာ ကြေငြာခဲ့ပြီး အိန္ဒိယအစိုးရကလည်း ဂျာယာလာလီသာအား ဂုဏ်ပြုသည့်အနေဖြင့် အင်္ဂါနေ့ကို အစိုးရရုံးပိတ်ရက်အဖြစ် ကြေငြာခဲ့သည်။

ဂျယာလာလီသာမှာ နာမည်ကျော် ရုပ်ရှင်မင်းသမီးဟောင်းဖြစ်ပြီး ဇာတ်ကားပေါင်း ၁၀၀ ကျော်တွင် ပါဝင်သရုပ်ဆောင်ခဲ့ကာ ၁၉၈၀ ပြည့်နှစ်များတွင် နိုင်ငံရေးလောကထဲသို့ ၀င်ရောက်လာခဲ့သည်။

ခြစားမှုရှိသည်ဆိုသော စွပ်စွဲချက်ဖြင့် ၂၀၁၄ ခုနှစ်တွင် ၂ ကြိမ်တိုင်တိုင် ထိန်းသိမ်းခံခဲ့ရသော်လည်း သူမ၏ နိုင်ငံရေးဘ၀မှာ အောင်မြင်ကာ ပြည်သူများ၏ ချစ်ခင်နှစ်သက်မှုကို ရရှိခဲ့ပြိး အိန္ဒိယ၏ စီးပွားရေးအရ အရေးပါသည့် တမီလ်နာဒူးပြည်နယ် ဖွံ့ဖြိုးတိုးတက်မှုအတွက် အဓိကအခန်းကဏ္ဍမှ ပါဝင်ခဲ့သည်ဟု မှတ်ယူကြသည်။

Ref : BBC