အင်္ဂလိပ်ဘောလုံးလောကရှိ လိင်ပိုင်းဆိုင်ရာ စော်ကားမှုများ ပွင့်အံထွက်လာ

ဒီဇင်ဘာ ၇၊ ၂၀၁၆
M-Media

– အင်္ဂလန်က ဘောလုံးအသင်းငယ်လေးတစ်သင်းဖြစ်တဲ့ ခရူဝီအသင်း နောက်ခံလူဟောင်း အန်ဒီ ၀ုဒ်ဝါ့ဒ်က ဘောလုံးသမားပေါက်စအရွယ်မှာ လိင်ပိုင်းဆိုင်ရာ အစော်ကားခံခဲ့ရတယ်လို့ ပြောကြားအပြီး ၃ ပတ်မပြည့်တပြည့်မှာတော့ ဒီလို အဖြစ်အပျက်မျိုး ကြုံတွေ့ခဲ့ရတယ်လို့ ဖွင့်ဟလာတဲ့ ဘောလုံးသမား ၂၀ ကျော် ရှိလာခဲ့ပါတယ်။

အဲဒီအထဲမှာ လူငယ်ကစားသမားဟောင်းတွေ၊ နည်းပြတွေနဲ့ ပရော်ဖက်ရှင်နယ်ကစားသမားတွေ ပါဝင်ပြီး အင်္ဂလိပ် ဘောလုံးလောကမှာ လိင်ပိုင်းဆိုင်ရာစော်ကားမှုတွေ သမိုင်းနဲ့ချီ ရှိခဲ့တယ်ဆိုတာကို ဖွင့်ဟလိုက်တာပဲ ဖြစ်ပါတယ်။

အင်္ဂလန်ဘောလုံးအဖွဲ့ချုပ် FA ကတော့ သူတို့ရဲ့ သိုသိုသိပ်သိပ် စုံစမ်းမှုအတွင်းမှာ ဘောလုံးသမားပေါင်း ၃၅၀ လောက်ဟာ လိင်ပိုင်းဆိုင်ရာစော်ကားမှုရဲ့ သားကောင်ဖြစ်ခဲ့ရပြီး၊ အပျော်တမ်းနဲ့ ပရော်ဖက်ရှင်နယ်ဘောလုံးအသင်း ၅၅ သင်းလောက်က ဒီစွပ်စွဲချက်တွေနဲ့ ဆက်နွယ် ပတ်သက်နေတယ်လို့ ဆိုပါတယ်။

FA ဥက္ကဌ ဂရက်ဂ်ျ ကလာကီက ဒီပြဿနာဟာ FA မှာ သူမှတ်မိသမျှထဲက အကြီးမားဆုံး အကြပ်အတည်းကြီးဖြစ်တယ်လို့ ပြောကြားခဲ့ပါတယ်။

သတင်းတွေ ဘယ်လို ထွက်လာသလဲ

နိုဝင်ဘာ ၁၆ ရက်နေ့မှာ ဘူရီနဲ့ ရှက်ဖီးယူနိုက်တက်ကစားသမားဟောင်း အသက် ၄၃ နှစ်အရွယ် ၀ုဒ်ဝ့ါဒ်ဟာ သူ့အနေနဲ့ လူငယ်ကစားသမားဘ၀မှာ လိင်ပိုင်းဆိုင်ရာ အစော်ကားခံခဲ့ရတယ်လို့ ဂါးဒီယန်းသတင်းစာကို ဖွင့်ဟခဲ့ပါတယ်။ အဲဒီပြောကြားမှုအတွက် သူ့အမည်ကို ဖုံးထားလို့ရပေမယ့် သူက ဖုံးမထားခဲ့ပါဘူး။

အဲဒီနောက်ပိုင်းမှာတော့ အင်္ဂလန်နဲ့ စပါးကစားသမားဟောင်း ပေါလ်စတီးဝပ်၊ မန်ယူတိုက်စစ်မှူးဟောင်း ဒေးဗစ်ဝှိုက်တို့ အပါအ၀င် ကစားသမာတော်တော်များများဟာ သူတို့လည်း ဒီလို ကျူးလွန်ခံခဲ့ရတယ်ဆိုတာ လူသိရှင်ကြား ဖွင့်ဟလာခဲ့ပါတယ်။

တနင်္လာနေ့မှာတော့ ခရူဝီအလက်ဇန်းဒါး ကစားသမားဟာင်း ၀ုဒ်ဝါ့ဒ်နဲ့ စတိဗ်ဝေါလ်တာ၊ မန်စီးတီး လူငယ်ကစားသမားဟာင်း ခရစ် အန်စ၀ါ့သ်တို့ဟာ လွတ်လပ်တဲ့ အဖွဲ့တစ်ခု ဖွဲ့စည်းခဲ့ပြီး ထိခိုက်ခံစားခဲ့ရသူတွေအတွက် အားပေးကူညီသွားမှာဖြစ်သလို တရားမျှတရေးအတွက်လည်း တိုက်ပွဲဝင်သွားမယ်လို့ ဆိုပါတယ်။

Offisede Trust လို့ အမည်ပေးထားတဲ့ အဲဒီအဖွဲ့ဟာ အင်္ဂလိပ်ဘောလုံးလိဂ်၊ FA၊ ပရီးမီးယားလိဂ်၊ ပရော်ဖက်ရှင်နယ် ဘောလုံးသမားများအသင်းနဲ့ ဘောလုံးပွဲကနေ အကျိုးအမြတ်တွေရနေတဲ့ စီးပွားရေးလုပ်ငန်းတွေအနေနဲ့ အလှူငွေထည့်ဝင်ဖို့ တောင်းဆိုခဲ့ပါတယ်။

ဘယ်ကလပ်တွေပါလဲ

ဒီလိင်ပိုင်းဆိုင်ရာ စော်ကားမှုတွေနဲ့ ဆက်နွယ်နေတဲ့ ကလပ်အသင်းတွေကတော့ လက်ရှိမှာ အပျော်တမ်းနဲ့ ပရော်ဖက်ရှင်နယ် စုစုပေါင်း ၅၅ သင်းရှိနေပြီး၊ အသင်းတော်တ်ာများများကလည်း သူတို့ကလပ်အသင်းထဲမှာ စုံစမ်းစစ်ဆေးမှုတွေ ပြုလုပ်ပြီးတဲ့နောက် ဒီအဖြစ်အပျက်တွေ ရှိခဲ့တယ်ဆိုတာ ၀န်ခံခဲ့ပါတယ်။

ကစားသမားဟောင်း ဂယ်ရီ ဂျွန်ဆင် ၁၉၇၀ ပြည့်နှစ်တွေမှာ ခံစားခဲ့ရတဲ့ လိင်ပိုင်းဆိုင်ရာ စော်ကားမှုတွေအတွက် အနူးအညွတ်တောင်းပန်တယ်လို့ ချယ်ဆီးအသင်းက ပြောကြားခဲ့ပြီး အဲဒီကိစ္စအတွက် အသင်းက ဆန်းစစ်မှုတွေ ပြုလုပ်နေတယ်လို့လည်း ဆိုပါတယ်။

ကျူပီအာရ်အသင်းကလည်း အလုပ်သမားဟောင်း ခရစ် ဂီးလား စော်ကားမှုတွေပြုလုပ်ခဲ့တယ်ဆိုတဲ့ စွဲချက်တွေအတွက် အဓိကထား ဆောင်ရွက်နေပြီး လာမယ့် စုံစမ်းစစ်ဆေးမှုတွေကို အပြည့်အ၀ ပူးပေါင်းဆောင်ရွက်မယ်လို့ ပြောကြားခဲ့ပါတယ်။

အမည်မဖော်လိုတဲ့ ကျူပီအာရ်ကစားသမားဟောင်း တစ်ဦးကတော့ ဘီဘီစီရဲ့ Victoria Derbyshire အစီအစဉ်မှာ သူ့အသက် ၁၅ နှစ်အရွယ် ၁၉၈၀ ပြည့်နှစ်လောက်တုန်းက မစ္စတာ ဂီးလားဟာ သူ့ရဲ့ငယ်ပါကို ကိုင်တွယ်ခဲ့တယ်လို့ ပြောကြားခဲ့ပါတယ်။

ချာလ်တန်၊ ခရူဝီ အလက်ဇန်းဒါးနဲ့ မန်စီးတီးအသင်းတွေဟာ ဒီလို လိင်ပိုင်းဆိုင်ရာစော်ကားမှုတွေအတွက် စုံစမ်းစစ်ဆေးမှုတွေ ပြုလုပ်နေပါတယ်။

နယူးကာဆယ်အသင်းကလည်း သက်ဆိုင်ရာ အာဏာပိုင်တွေရဲ့ စုံစမ်းစစ်ဆေးမှုမှာ အပြည့်အ၀ ပူးပေါင်းဆောင်ရွက်သွားမယ်လို့ ပြောကြားခဲ့ပြီး ဆောက်သက်တမ်အသင်းကတော့ ဟမ့်ရှိုင်းယားရဲတပ်ဖွဲ့က ပြုလုပ်နေတဲ့ စုံစမ်းစစ်ဆေးမှုကို အပြည့်အ၀ ပံ့ပိုးသွားမယ်လို့ ပြောထားပါတယ်။

အင်္ဂါနေ့က ဆောက်သက်တမ်ကြယ်ပွင့်ဟောင်း မတ် လီ တစ်စီယာက နည်းပြဟောင်း ဘော့ဘ်ဟစ်ဂင်ဟာ သူ့ကို ကိုယ်လုံတီးပုံ မက်ဆေ့ခ်ျပို့ခဲ့တယ်လို့ ပြောကြားခဲ့ပြီး ဟစ်ဂင်ကတော့ ဒီပြောကြားချက်ကို ငြင်းဆိုခဲ့ပါတယ်။

အရေးယူမှုလုပ်မလား

FA ကလည်း လက်ရှိမှာ အဖွဲ့အတွင်း သုံးသပ်မှုတွေပြုလုပ်နေပြီး ဘယ်အသင်းတွေ၊ ဘယ်တာဝန်ရှိသူတွေက ဒါမျိုးတွေကို သိခဲ့သလဲဆိုတာကို စုံစမ်းနေပါတယ်။ FA အနေနဲ့ ဘယ်လိုအချက်အလက်တွေရမလဲ၊ ဘယ်လိုအရေးယူမှုတွေ လုပ်မလဲဆိုတာ စောင့်ကြည့်ရမှာပါ။

သူတို့အနေနဲ့ ရဲတပ်ဖွဲ့နဲ့ အနီးကပ်ပူးပေါင်းဆောင်ရွက်နေပြီး ရာဇ၀တ်မှုလုပ်ငန်းတွေအတွက်တော့ ကြားဝင်သွားမှာမဟုတ်ဘူးလို့ ဆိုပါတယ်။ ဘောလုံးလောကမှာ လုပ်ထုံးလုပ်နည်းတွေအတိုင်း ဖြစ်စေဖို့ FA ကို ၂၀၀၀ ပြည့်နှစ်ကတည်းက ကူညီခဲ့တဲ့ The Child Protection in Sport Unit က FA ရဲ့ ဆောင်ရွက်မှုတွေအတွက် လွတ်လပ်တဲ့ သုံးသပ်မှုတွေ ပြုလုပ်သွားမှာ ဖြစ်ပါတယ်။

လက်ရှိမှာ ရဲတပ်ဖွဲ့ ၂၁ ခုက ဒီစွပ်စွဲချက်တွေအတွက် စုံစမ်းစစ်ဆေးမှု ပြုလုပ်နေပြီး အခြားသော အကူအညီပေးရေး အဖွဲ့အစည်းတွေကလည်း ဒီကိစ္စတွေကို ဖော်ထုတ်ဖို့ သက်ဆိုင်သူတွေကို ကူညီပေးနေကြပါတယ်။

ပတ်ဝန်းကျင်မှာလည်း ရှိနေ

လူငယ်နည်းပြဟောင်းတစ်ဦးဖြစ်ပြီး ထိပ်တန်းလက်ထောက်ဒိုင်တစ်ဦးဖြစ်တဲ့ ဟုဂ်ျစတီဗင်ဆန်ဟာ စကော့တလန်မှာ လူငယ်ကစားသမားတွေအပေါ် လိင်ပိုင်းဆိုင်ရာ စော်ကားမှုတွေ ပြုလုပ်ခဲ့တယ်လို့ သတင်းတွေ ထွက်လာပါတယ်။

အသက် ၅၀ အရွယ် ပီတီ ဟေးနက်စ်က ၁၉၇၉ ခုနှစ်ကစလို့ နောက်ပိုင်း ၃၊ ၄ နှစ်အတွင်း စတီဗင်ဆန်ဟာ သူ့ကို လိုင်ပိုင်းဆိုင်ရာစော်ကားမှုတွေ ရှိခဲ့တယ်လို့ ဖွင့်ဟခဲ့ပါတယ်။ စတီဗင်ဆန်ကတော့ ၂၀၀၄ ခုနှစ်မှာ ကွယ်လွန်သွားပြီ ဖြစ်ပါတယ်။

စတော့တလန် ဘောလုံးအဖွဲ့ချုပ်ရဲ့ အမှုဆောင်အကြီးအကဲ စတီးဝတ် ရေဂန်က ဟေးနက်စ်ကို အနူးအညွတ် တောင်းပန်ခဲ့ပြီး ယခင်က ကလေးငယ်တွေကို ကာကွယ်ဖို့ ပျက်ကွက်ခဲ့တာတွေအတွက် အပြည့်အ၀တာဝန်ယူမယ်လို့ ဘီဘီစီကို ပြောကြားခဲ့ပါတယ်။

ဝေးလ်နိုင်ငံရဲ့ ရဲတပ်ဖွဲ့ ၄ ခုက ၃ ခု၊ မြောက်အိုင်ယာလန် ရဲတပ်ဖွဲ့တွေကလည်း ဘောလုံးအသင်းတွေမှာ ကလေးငယ်တွေ လိင်ပိုင်းဆိုင်ရာ စော်ကားခံရမှု ရှိခဲ့တယ်ဆိုတဲ့ စွပ်စွဲချက်တွေအတွက် စုံစမ်းစစ်ဆေးမှု ပြုလုပ်နေပါတယ်။

ဘယ်လောက်များနိုင်မလဲ

စပါးကွင်းလယ်လူဟောင်း စတီးဝပ်ကတော့ ဘောလုံးလောကဟာ ယခင် ဒီဂျေနဲ့ တီဗီအစီအစဉ်ကြေညာသူဟောင်း ဆာဗီလီရဲ့ လိင်ပိုင်းဆိုင်ရာ စော်ကားမှု ပြဿနာလိုမျိုး အကြပ်အတည်းတစ်ခုကို ကြုံရနိုင်တယ်လို့ မှတ်ချက်ပြုခဲ့ပါတယ်။

လူအများရဲ့ ဂုဏ်ပြုမှုကိုခံခဲ့ရတဲ့ ဆာဗီလီ ကွယ်လွန်သွားပြီးတဲ့နောက်မှာ သူရဲ့ လိင်ပိုင်းဆိုင်ရာကျူးလွန်မှု ရာပေါင်းများစွာ ထွက်ပေါ်လာခဲ့ပြီး ရဲတပ်ဖွဲ့က ဆာဗီလီကို လိင်ရာဇ၀တ်ကောင်အဖြစ် သတ်မှတ်ခဲ့ရတဲ့အထိ ဖြစ်ခဲ့ပါတယ်။

Offside Trust အတွက် ဆောင်ရွက်ပေးနေတဲ့ ရှေ့နေတစ်ဦးက ကလင်အသင်းတွေဟာ လျော်ကြေပေးကာ နှုတ်ပိတ်စာချုပ်ကို အတင်းလက်မှတ်ထိုးခိုင်းမှုတွေ ပြုလုပ်ခဲ့တယ်လို့ ဖုန်းနဲ့တစ်မျိုး၊ အီးမေးလ်နဲ့တစ်ဖုံ ပြောကြားတဲ့သူတွေ ရှိနေတယ်လို့ဖွင့်ဟခဲ့ပါတယ်။

Ref: BBC

(BBC တွင်ဖော်ပြသည့် Football child sex abuse claims: What has happened so far? ဆောင်းပါးကို လေးမောင်မှ
ကောက်နှုတ်ပြန်ဆိုသည်။)