ဆော်ဒီက ဗီဇာကြေးရုပ်သိမ်းမှုသတင်း မဟုတ်မှန်

ဒီဇင်ဘာ ၈၊ ၂၀၁၆
M-Media

– အောက်တိုဘာ ၂ ရက်နေ့မှစ၍ အကျုံးဝင်သည့် ဆော်ဒီအာရေဗျ၏ ဗီဇာကြေး တိုးမြှင့်သတ်မှတ်မှုကို ပြန်လည်ရုပ်သိမ်းလိုက်သည်ဆိုသည့် သတင်းများမှာ မဟုတ်မှန်၏ မလေးရှား နိုင်ငံခြားရေးဝန်ကြီးဌာနက ပြောကြားလိုက်သည်။

ထိုသတင်းများမှာ ပြီးခဲ့သည့် ရက်ပိုင်းအတွင်း နိုင်ငံတကာ သတင်းစာမျက်နှာ၌ ပြန့်နှံ့ခဲ့ပြီး ရီယာ့ဒ်ရှိ မလေးရှားသံရုံးက ဆော်ဒီနိုင်ငံခြားရေးဝန်ကြီးဌာနကို မေးမြန်းမှုတွင် ဒီဇင်ဘာ ၆ ရက်နေ့အထိ အစိုးရက ထိုကဲ့သို့ ဗီဇာကြေးရုပ်သိမ်းသည့် သတင်းမျိုး ထုတ်ပြန်ခဲ့ခြင်းမရှိဟု ဆိုသည်။

ကွာလာလမ်ပူရှိ ဆော်ဒီသံရုံးကလည်း ဆော်ဒီအစိုးရထံမှ ဗီဇာနှင့်ပတ်သက်သည့် ညွှန်ကြားမှုအသစ် ရရှိခြင်းမရှိဟု အတည်ပြုခဲ့သည်။

“ဒါ့ကြောင့် ရှုပ်ထွေးမှုတွေမဖြစ်အောင် မခိုင်မာတဲ့သတင်းတွေကို မယုံကြည်ဖို့ မီဒီယာနဲ့ ပြည်သူလူထုကို တိုက်တွန်းပါတယ်” ဟု မလေးရှား နိုင်ငံခြားရေးဝန်ကြီးဌာနက ယနေ့တွင်ထုတ်ပြန်သော ကြေငြာချက်တွင် ဖော်ပြထားသည်။

ထို့ပြင် ဗီဇာနှင့်ပတ်သက်၍ မည်သည့်ပြောင်းလဲမှုမျိုးမဆို ဆော်ဒီအစိုးရက ၎င်းတို့၏ သံရုံးများနှင့် တရားဝင်မီဒီယာမှတစ်ဆင့် ကြေငြာသွားမည်ဖြစ်ကြောင်း ၀န်ကြီးဌာနက ထည့်သွင်းပြောကြားခဲ့သည်။

ဆော်ဒီက အောက်တိုဘာ ၂ ရက်နေ့ကစ၍ ပြင်ဆင်သတ်မှတ်လိုက်သည့် ဗီဇာကြေးမှာ နိုင်ငံအားလုံးအပေါ် သက်ရောက်မည်ဖြစ်သည်။

အဆိုပါ ဗီဇာကြေားတွင် ပထမဆုံး ဟဂ်ျနှင့် အွမ္မရာဟ် လာရောက်သည့်သူမှလွဲ၍ အခြားလည်ပတ်သူများမှာ တစ်ဦးလျှင် ဗီဇာကြေး ရီယဲလ် ၂၀၀၀ (ကန်ဒေါ်လာ ၈၀၀) ခန့် ပေးဆောင်ရမည်ဖြစ်သည်။

Ref: Freemalaysiatoday