ဗိုလ်လုပွဲနဲ့လွဲပေမယ့် ခြေစွမ်းမရှုံးခဲ့တဲ့ မြန်မာ

ဒီဇင်ဘာ ၈၊ ၂၀၁၆
M-Media

– ဆူဇူကီးဖလား ဆီမီးဖိုင်နယ် ဒုတိယအကျော့အဖြစ် ဘန်ကောက်မြို့က ရာဇမင်္ဂလာ အားကစားကွင်းမှာ ဒီနေ့ကစားခဲ့တဲ့ ထိုင်းနဲ့မြန်မာတို့ရဲ့ ဒုတိယကျော့မှာ မြန်မာအသင်းက ပြိုင်ပွဲတစ်လျှောက် အကောင်းဆုံးခြေစွမ်းကို ပြသနိုင်ခဲ့ပါတယ်။

လူအပြောင်းအလဲနဲ့အတူ ပွဲအစကတည်းက တိုက်စစ်ဖွင့်ကစားခဲ့ပြီး ၉ မိနစ်မှာပဲ မြန်မာက ထိုင်းအသင်းဂိုးပေါက်ကို ခြိမ်းခြောက်နိုင်ခဲ့ပါတယ်။ ဒါပေမယ့် နောက်ပိုင်းမှာ ထိုင်းအသင်းက ပြန်လည်တိုက်စစ်ဆင်နိုင်ခဲ့ပြီး ၃၃ မိနစ်မှာတော့ အဖွင့်ဂိုး ရခဲ့ပါတယ်။ ဒီဂိုးကို တိုက်စစ်မှူး ဆရာဝပ်က ခေါင်းတိုက်သွင်းယူသွားခဲ့တာပါ။

၃၇ မိနစ်မှာ မြန်မာတို့ ဂိုးရဖို့ အကောင်းဆုံးအခွင့်အရေးရခဲ့ပြီး အသင်းခေါင်းဆောင် ရန်အောင်ကျော် ဂိုးစည်းထိပ်ကနေ လှလှပပ ကန်သွင်းခဲ့တာကို ထိုင်းဂိုးသမား ပုတ်ထုတ်ကာကွယ်သွားနိုင်ခဲ့ပါတယ်။

ဒုတိယပိုင်းအစမှာတော့ မြန်မာတိုက်စစ် ပိုသွက်ခဲ့ပြီး ၄၇ မိနစ်မှာ သန်းပိုင်ရဲ့ အပိုင်ကန်သွင်းချက် တိုင်တိထွက်ခဲ့ပါတယ်။ မိနစ် ၆၀ မှာလည်း မျိုးကိုထွန်းရဲ့ ပိတ်သွင်းချက်ကို ထိုင်းဂိုးသမား ကာကွယ်သွားနိုင်ခဲ့ပါတယ်။

၆၄ မိနစ်မှာ ဆာရာဝပ်ကို ရန်အောင်ကျော်က ဂိုးစည်းတွင်းမှာ အဖျက်ကြမ်းတဲ့အတွက် ပင်နယ်တီပေးခဲ့ရပြီး သီရာသွန် ဘူမာသန်က အမှားအယွင်းမရှိကန်သွင်းကာ တစ်ဂိုး၊ ၇၆ မိနစ်မှာ ဆီရို့ခ်ျက မြန်မာနောက်တန်းကစားသမားတွေကို လိမ်ခေါက်ပြီးတစ်ဂိုး၊ ၈၃ မိနစ်မှာ ထိုင်းကစားသမားတွေ ဂိုးစည်းထဲ အပေးအယူကနေတစ်ဆင့် ချာနာသစ်က တစ်ဂိုး သွင်းယူခဲ့ပြီး ၄ ဂိုး ဂိုးမရှိနဲ့ ပွဲပြီးခဲ့ပါတယ်။

ဒါ့ကြောင့် ထိုင်းအသင်းဟာ နှစ်ကျော့ပေါင်း ၆ ဂိုး ဂိုးမရှိနဲ့ ဗိုလ်ပွဲတက်ခဲ့ပြီး အင်ဒိုနီးရှားနဲ့ ဒီဇင်ဘာ ၁၄၊ ၁၇ တို့မှာ ၂ ကျော့ ယှဉ်ပြိုင်ကစားရမှာ ဖြစ်ပါတယ်။

မြန်မာအသင်းကတော့ ဒီနေ့ပွဲမှာ အကောင်းဆုံးခြေစွမ်းနဲ့ အကောင်းဆုံးတိုက်စစ်ကို ပြသွားခဲ့ပြီး ကံတရားရဲ့ ဖေးမမှုမရှိခဲ့တာနဲ့ ထိုင်းဂိုးသမားကောင်းလွန်းတာ၊ မြန်မာနောက်တန်းက လူကပ်ကစားပုံ မသေသပ်တာကြောင့် လိုချင်တဲ့ရလဒ်ကို မရခဲ့တာဖြစ်ပါတယ်။