ဒက်ခ်ျလက်ယာစွန်းရောက် နိုင်ငံရေးသမားတစ်ဦး အမုန်းစကားပြောမှုအတွက် အရေးယူခံရမည်

ဒီဇင်ဘာ ၉၊ ၂၀၁၆
M-Media

– ဟော်လန်နိုင်ငံက လက်ယာစွန်းရောက် နိုင်ငံရေးသမား ဂါ့တ် ၀ိုင်းလ်ဒါးဟာ အမုန်းစကားပြောမှု၊ လူမျိုးရေးခွဲခြားမှုတို့အတွက် အပြစ်ရှိကြောင်း တွေ့ရှိရတယ်လို့ အမ်စတာဒမ် တရားရုံးက ဒီနေ့မှာ ဆုံးဖြတ်လိုက်ပါတယ်။

တရားသူကြီး ဟန်းဒရစ် စတင်းဟုစ်က ၀ိုင်းလ်ဒါးဟာ လွှတ်တော်အမတ်တစ်ဦး ဖြစ်နေတဲ့အတွက် အပြစ်ပေးသွားမှာ မဟုတ်ဘူးလို့ ပြောကြားခဲ့ပြီး တရားလိုရှေ့နေတွေကတော့ ယူရို ၅၀၀ (ကန်ဒေါ်လာ ၅၃၀၀) ဒဏ်ရိုက်ဖို့ တောင်းဆိုခဲ့ပါတယ်။

ဒီနေ့ကြားနာမှုကို PVV Freedom ပါတီရဲ့ အကြီးအကဲဖြစ်တဲ့ ၀ိုင်းလ်ဒါးတစ်ယောက် တက်ရောက်ခဲ့ခြင်း မရှိဘဲ ရှေ့နေဖြစ်သူက ဒီဆုံးဖြတ်ချက်အတွက် အယူခံဝင်သွားမယ်လို့ ကြေငြာချက်ထုတ်ခဲ့ပါတယ်။

၂၀၁၄ ခုနှစ်က သည်ဟေ့ဂ်မြို့မှာ ရွေးကောက်ပွဲမဲဆွယ်မှုအတွင်း ၀ိုင်းလ်ဒါးက တိုင်းပြည်အတွင်း မော်ရိုကန်တွေကို စော်ကားပြောဆိုခဲ့တာပါ။ အဲဒီလုပ်ရပ်အတွက် တရားဝင် ကန့်ကွက်တိုင်ကြားမှုပေါင်း ၆၅၀၀ နီးပါး ရှိခဲ့တာကြောင့် တရားစွဲဆိုခံခဲ့ရတာ ဖြစ်ပါတယ်။

တရားရုံးက ဒီလို လူမျိုးရေးခွဲခြားစော်ကားမှုဟာ တမင်စီစဉ်ဆောင်ရွက်ခဲ့တယ်ဆိုတ သိသာနေပြီး နိုင်ငံရေးသမားတစ်ယောက်ရဲ့ လွတ်လပ်စွာပြောခွင့်ဘောင်ကို ကျော်လွန်ခဲ့တယ်လို့ ဆုံးဖြတ်ခဲ့ပါတယ်။

ဝိုင်းလ်ဒါးကတော့ ဒီလိုတရားစွဲဆိုမှုဟာ သူ့ကို နိုင်ငံရေးအရ ထိုးနှက်တာဖြစ်တယ်လို့ ဆိုပြီး ကြားနာမှုအတွင်းမှာလည်း တရားရုံးကို မထီမဲ့မြင်ပြုလုပ်တာမျိုးတွေ ရှိခဲ့ပါတယ်။ တရားသူကြီးတွေက ၀ိုင်းလ်ဒါးရဲ့ အပြုအမူဟာ နိုင်ငံရေးသမားတစ်ယောက် မဖြစ်ထိုက်တဲ့ အပြုအမူဖြစ်တယ်လို့ တုန့်ပြန်ခဲ့ပါတယ်။

Ref: Telegraph