သမ္မတသမီးကြိုက်သည့် အားကစားအတွက် ရုရှားအစိုးရက ဒေါ်လာသန်းချီတန် စင်တာဆောက်ပေး

ဒီဇင်ဘာ ၁၁၊ ၂၀၆
M-Media

– သမ္မတပူတင်၏သမီး နှစ်သက်သော အကအားကစားနည်းတစ်ခုဖြစ်သည့် acrobatic rock’n’roll အတွက် ရုရှားအစိုးရမှာ ကန်ဒေါ်လာ သန်း ၃၀ တန် အကစင်တာတစ်ခုကို ဆောက်လုပ်ပေးခဲ့သည်ဟု Reuters သတင်းဌာနကဖော်ပြခဲ့သည်။

Zhavoronki Acrobatic Rock’n’Roll အကစင်တာဖြစ်ပြီး မော်စကိုမြို့အနောက်ဖက် ဆင်ခြေဖုံးတွင် ဆောက်လုပ်ထားခြင်းဖြစ်သည်။ အဆိုပါအဆောက်အဦး ဆောက်လုပ်ရန်အတွက် စည်ပင်သာယာရေးဌာနက ငွေထုတ်ပေးခဲ့သည်။

World Rock’n’Roll Confederation (WRRC) အဖွဲ့ကမူ ထိုစင်တာမှာ acrobatic rock’n’roll အားကစားနည်းအတွက် ထူးရှယ်အဆောက်အဦးဖြစ်သည်ဟု ပြောကြားခဲ့သည်။ စင်တာအတွက် သုံးစွဲသည့် ငွေကြေးပမာဏမှာ ရုရှားတွင် ပို၍ လူကြိုက်များသည့် မြှားပစ်အားကစားနည်းနှင့် ဘိုင်သလွန်အားကစားနည်းတို့တွင် သုံးစွဲသည့် ငွေကြေးထက် အဆမတန် များပြားနေသည်။

သမ္မတပူတင်၏ အငယ်ဆုံးသမီးဖြစ်သူ ကက်ထရီနာ တီဟိုနိုဗာမှာ Moscow City Khamovniki အားကစားနှင့် အကသင်တန်းကျောင်းတွင် acrobatic rock’n’roll အက အားကစားနည်းကို သင်ကြားပေးနေပြီး အစိုးရကဆောက်ပေးသည့် Zhavoronki Acrobatic Rock’n’Roll စင်တာမှာ အဆိုပါ သင်တန်းကျောင်းအတွက် ဖြစ်သည်။

အသက် ၃၀ အရွယ်ရှိ တီဟိုနိုဗာမှာ ရုရှားရှိ ထိပ်တန်း acrobatic rock’n’roll အားကစားမယ်တစ်ဦးဖြစ်ပြီး WRRC ၏ ဒုတိယ ဥက္ကဌလည်းဖြစ်သည်။ ထို့ပြင် ရုရှား၏ အားကစားအဖွဲ့ချုပ်တွင် အကြီးတန်း တာဝန်ရှိသူဖြစ်ကာ နိုင်ငံတကာ ကော်မတီနှင့် ရုရှားဒေသဆိုင်ရာ ဖွံ့ဖြိုးရေးအဖွဲ့တွင်လည်း တာဝန်ယူထားသည်။

Ref: Reuters