ရခိုင် လက်နက်ကိုင်များကို လက်နက်ခဲယမ်း အမြောက်အများနှင့် အိန္ဒိယတွင် ဖမ်းမိပြန်

ဒီဇင်ဘာ ၁၂၊ ၂၀၁၆
M-Media

အာသံရိုင်ဖယ်အသင်းမှ ဖမ်းမိခဲ့သူ ၂ ဦးနှင့် လက်နက်ခဲယမ်းများ

– ရခိုင်လွတ်မြောက်ရေးတပ်မတော် (ALA) မှ တပ်ဖွဲ့ဝင် ၈ ဦးကို အိန္ဒိယနိုင်ငံ မီဇိုရမ်ဒေသတွင် ဖမ်းမိခဲ့ပြီး လက်နက်ခဲယမ်းမြောက်များစွာကိုလည်း သိမ်းဆည်းရမိခဲ့သည်ဟု သိရသည်။

ဖမ်းဆီးရမိခဲ့သူများမှာ တိုက်ပွဲဝင်ဝတ်စုံများနှင့်ဖြစ်ပြီး သောကြာနေ့က Lwangtlai ခရိုင် Tuithumnar ဒေသအနီးတွင် မီဇိုရမ် ရဲတပ်ဖွဲ့နှင့် အာသံရိုင်ဖယ်အသင်းတို့ ပူးပေါင်းပြုလုပ်သည့် စစ်ဆင်ရေးတစ်ခုတွင် ဖမ်းမိခဲ့ခြင်းဖြစ်ကာ ခရိုင်အာဏာပိုင်များကို လွှဲပြောင်းပေးခဲ့သည်။

သိမ်းဆည်းရမိသည့် လက်နက်များတွင် တစ်လုံးထိုး ဂျောက်ဂျက်သေနတ်တစ်လက်နှင့် ၎င်းတွင်အသုံးပြုသည့် ကျည် ၁၀ တောင့်၊ ၇.၆၂ မမ ချေမှုန်းရေး သေနတ်တစ်လက်၊ ၅.၅၆ မမ M16 ရိုင်ဖယ် တစ်လက်၊ M-11 ချေမှုန်းရေး ရိုင်ဖယ်တစ်လက်၊ ဂျီသရီး ရိုင်ဖယ်တစ်လက်၊ တရုတ်နိုင်ငံလုပ် လက်ပစ်ဗုံး ၂ လုံး၊ ကျည်ဆံအများအပြားနှင့် ကျည်ကပ်များ ပါဝင်သည်။

မီဇိုရမ် ရဲတပ်ဖွဲ့နှင့် အာသံရိုင်ဖယ်အသင်းတို့ ဖမ်းဆီးခဲ့သည့် ရခိုင်လက်နက်ကိုင်များထံမှ သိမ်းဆည်းရိမ်သော လက်နက်များ

“ဘာသာစကားအခက်အခဲကြောင့် သူတို့ဝင်ရောက်လာတဲ့အကြောင်းအရင်းကို မသိရှိရသေးပါဘူး။ ဒါပေမယ့် သူတို့ဟာ ရခိုင်လွတ်မြောက်ရေးတပ်မတော်က ဖြစ်တယ်ဆိုတာ ကျွန်တော်တို့ သိခဲ့ရပါတယ်” ဟု အိန္ဒိယ ကာကွယ်ရေး ရင်းမြစ်တစ်ခုက ပြောကြားခဲ့သည်။

ရဲတပ်ဖွဲ့မှ ထိပ်တန်းအရာရှိတစ်ဦးကမူ အဆိုပါ လက်နက်ကိုင် ၈ ဦးမှာ အိန္ဒိယသို့ ၀င်ရောက်ရန် ကြိုးစားစဉ်အတွင်း ဖမ်းမိခဲ့ခြင်းဖြစ်သည်ဟု ဆိုသည်။

ဖမ်းဆီးခံခဲ့ရသူ ရခိုင်လက်နက်ကိုင်များမှာ ခိုင်သီဇော်၊ ခိုင်မျိုး၊ ခိုင်ရေမင်း၊ ခိုင်မင်း၊ ခိုင်မင်းထူး၊ ခိုင်ရိုင်း၊ ခိုင်မျိုးနိုင်နှင့် ခိုင်ဇော်တို့ ဖြစ်ကြသည်။

ထို့ပြင် အာသံရိုင်ဖယ်အသင်းမှာ မြန်မာနိုင်ငံသား ၂ ဦးကို လက်နက်ခဲယမ်းများနှင့်အတူ ဖမ်းဆီးရမိခဲ့ပြီး လက်နက်များမှာ အေကေရိုင်ဖယ် ၆ လက်အပါအ၀င် နောက်ဆုံးပေါ် သေနတ် ၁၀ လက်၊ ကျည်ကပ် ၁၂ ခု၊ မြန်မာငွေ ၁၀ သိန်းတို့ ပါဝင်သည်။

Ref: Indiablooms, The News Indian Express

အာသံရိုင်ဖယ်အသင်းမှ ဖမ်းမိခဲ့သူ ၂ ဦးထံမှ သိမ်းဆည်းရမိသည့် မြန်မာငွေများ