ဒလ၊ ကော့မှူးနှင့် ကွမ်းခြံကုန်းတို့တွင် အထူးစီးပွားရေးဇုန်တစ်ခု တည်ဆောက်မည်

ဒီဇင်ဘာ ၁၄၊ ၂၀၁၆
M-Media

– ရန်ကုန်တိုင်းဒေသကြီးတွင် ဒုတိယမြောက် စီးပွားရေးဇုန်တစ်ခု တည်ဆောက်ရန် ရှိနေပြီး အဆိုပါ စီးပွားရေးဇုန်တွင် နိုင်ငံတကာ လေဆိပ်တစ်ခုနှင့် ရေနက်ဆိပ်ကမ်းတစ်ခုတို့ ပါဝင်မည်ဟု တိုင်းဒေသကြီးအစိုးရ တာဝန်ရှိသူများက ပြောကြားလိုက်သည်။

ရန်ကုန်တောင်ပိုင်း မြို့နယ်များဖြစ်သော ဒလ၊ ကော့မှူးနှင့် ကွမ်းခြံကုန်းမြို့များတွင် အကောက်အထည်ဖော်သွားမည်ဖြစ်ပြီး ထိုအစီအစဉ်နှင့်ပတ်သက်၍ ယခုလအစောပိုင်းက ပြုလုပ်ခဲ့သည့် အထူးအစည်းအဝေးတွင် ရန်ကုန်တိုင်းဝန်ကြီးချုပ် ဦးဖြိုးမင်းသိန်းက လွှတ်တော်အမတ်များကို အသိပေးခဲ့သည်ဟု ဆိုသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအ၀င် ပြည်ထောင်စုအစိုးရနှင့် အစည်းအဝေးတွင် မိမိနှင့် ရန်ကုန်မြို့တော်ဝန် ဦးမောင်မောင်စိုးတို့က ထိုစီမံကိန်းကို တင်ပြခဲ့သည်ဟု ဦးဖြိုးမင်းသိန်းက ပြောကြားခဲ့ခြင်းဖြစ်သည်။

ရန်ကုန်တိုင်းဒေသကြီး၏ လျှပ်စစ်၊ စက်မှုနှင့် ပို့ဆောင်ရေးဝန်ကြီး ဒေါ်နီလာကျော်ကမူ အဆိုပါ အထူးစီးပွားရေးဇုန် ဆောက်လုပ်ရန် ဆောင်ရွက်နေမှုအတွက် အတည်ပြုခဲ့ပြီး ဦးမောင်မောင်စိုးကလည်း အဆိုပါ စီမံကိန်းကို ပြည်ထောင်စုအစိုးရက အတည်ပြုခဲ့သည်ဟု ပြောကြားခဲ့သည်။

ထိုစီးပွားရေးဇုန် အကောင်အထည်ပေါ်လာပါက သီလ၀ါ အထူးစီးပွားရေးဇုန်ပြီးနောက် ရန်ကုန်တိုင်းဒေသကြီးတွင် ဒုတိယမြောက် ဖြစ်လာမည်ဖြစ်သည်။ လက်ရှိ သီလ၀ါ အထူးစီးပွားရေးဇုန်တွင် နိုင်ငံပေါင်း အနည်းဆုံး ၁၄ နိုင်ငံမှ ကုမ္ပဏီ ၇၀ ကျော် လာရောက်လုပ်ကိုင်နေသည်။

ဒလ၊ ကွမ်းခြံကုန်းနှင့် ကော့မှူးမြို့နယ်တို့တွင် ဆောက်လုပ်မည့် အဆိုပါ အထူးစီးပွားရေးဇုန်တွင် နိုင်ငံတကာ လေယာဉ်ကွင်းတစ်ခုနှင့် ရေနက်ဆိပ်ကမ်းတစ်ခုလည်း ပါဝင်မည်ဖြစ်ပြီး ရေနက်ဆိပ်ကမ်းကို ကွမ်းခြံကုန်းမြို့နယ် လက်ခုပ်ကုန်းတွင် တည်ဆောက်မည်ဖြစ်သည်။ လက်ခုပ်ကုန်းနှင့် ဒလကို ၆ လမ်းသွားလမ်းနှင့် ဆက်သွယ်မည်ဟု ဆိုသည်။

Ref: mmtimes