တောင်တရုတ်ပင်လယ်တွင် တရုတ်က လေကြောင်းကာကွယ်ရေးစနစ်များ ချထားပုံရ

ဒီဇင်ဘာ ၁၅၊ ၂၀၁၆
M-Media

လေကြောင်းကာကွယ်ရေး လက်နက်များ ဖြစ်ပုံရသည်ဟု ဖော်ပြထားသော ဂြိုဟ်တု ဓာတ်ပုံ

– နိုင်ငံအများအပြားနှင့် ရေပိုင်နက် အငြင်းပွားမှုများရှိနေသော တောင်တရုတ်ပင်လယ်တွင် တရုတ်က ဆောက်လုပ်ထားသည့် ကျွန်းတု ၇ ခုစလုံးတွင် လေယာဉ်ပစ်လက်နက်နှင့် ဒုံးခွင်းလက်နက်ကဲ့သို့ လက်နက်များ တပ်ဆင်ထားပုံရသည်ဟု အာရှရေကြောင်း ပွင့်လင်းမြင်သာရေး ရှေ့ဆောင်အဖွဲ့ (AMTI) က ပြောကြားလိုက်သည်။

ဂြိုဟ်တုပုံရိပ်များကို အခြေခံကာ အမေရိကန် တတ်သိပညာရှင်များအဖွဲ့ဖြစ်သော AMTI က ယမန်နေ့တွင် ၎င်းတို့၏ တွေ့ရှိချက်များကို ဖော်ပြခဲ့ခြင်းဖြစ်သည်။ တရုတ်နိုင်ငံကမူ ကုန်သွယ်ရေးအရ မဟာဗျူဟာကျသည့် အဆိုပါ ပင်လယ်ပြင်ရှိ ကျွန်းများတွင် စစ်ဖက်နေရာများဖြစ်အောင် ဆောင်ရွက်လိုခြင်းမရှိဟု ယခင်က ပြောကြားထားသည်။

AMTI ကမူ စပရက်တလေကျွန်းစုရှိ ဖာယာရီခရော့စ်၊ မစ်ချီဖ်နှင့် ဆူဘီ ကျွန်းများတွင် ဆဌဂံပုံ အဆောက်အဦးများကို ဇွန်လနှင့် ဇူလိုင်လကတည်းက စောင့်ကြည့်ခဲ့ခြင်းဖြစ်သည်ဟု ဆိုသည်။ တရုတ်မှာ အဆိုပါကျွန်းစုတွင် စစ်သုံး လေယာဉ်ကွင်းတစ်ခုကိုလည်း တည်ဆောက်ထားခဲ့သည်။

ဂြိုဟ်တုဓာတ်ပုံများအရ အဆိုပါ အဆောက်အဦးများမှာ လေယာဉ်ပစ်စက်သေနက်၊ ခရုဇ်ဒုံးကျည်များဖြင့် တိုက်ခိုက်မှုကို ကာကွယ်သောစနစ် CIWS နှင့် တူညီသည့် အဆောက်အဦးများဖြစ်သည်ဟု AMTI က ဆိုသည်။

အဖွဲ့၏ ဒါရိုက်တာဖြစ်သူ ဂရဂ်ျ ပိုလင်းကမူ မိမိတို့အနေဖြင့် အဆိုပါ အဆောက်အဦးများ၏ ရည်ရွယ်ချက်ကို သိရှိရန်အတွက် လပေါင်းများစွာ ဆန်းစစ်ခဲ့ပြီး ယခုအချိန်တွင် ယုံကြည်မှုအပြည့်ဖြင့် ထုတ်ပြောခြင်းဖြစ်ကြောင်း၊ သို့သော်လည်း အဆိုပါ စနစ်များက မည်မျှကြီးမားပြီး၊ မည်မျှ အဆင့်မြင့်သလဲဆိုသည်ကို မသိရှိသေးကြောင်း ပြောကြားခ့သည်။

တရုတ်နိုင်ငံကမူ ထိုပြောကြားမှုအတွက် မည်သည့်တုန့်ပြန်မှုမှ မပြုလုပ်သေးပေ။

Ref : Aljazeera