အစ္စရေးက မြန်မာနိုင်ငံကို လက်နက်တင်ပို့မှု ရုပ်သိမ်းရန် တက်ကြွလှုပ်ရှားသူများ တောင်းဆို

ဒီဇင်ဘာ ၁၆၊ ၂၀၁၆
M-Media

အစ္စရေးရေတပ်စခန်းတစ်ခုတွင် စက်တင်ဘာလကတွေ့ရသည့် ဗိုလ်ချုပ်မှူးကြီး မင်းအောင်လှိုင်

– လူနည်းစုများအပေါ် လူ့အခွင့်အရေးဆိုင်ရာ ချိုးဖောက်ကျူးလွန်မှုများ ဆက်လက်ရှိနေသောကြောင့် မြန်မာစစ်တပ်ကို စစ်လက်နက်ပစ္စည်း ပေးပို့မှုအား ပယ်ဖျက်ရန် သို့မဟုတ် ရပ်ဆိုင်းရန် အစ္စရေးရှိ လူအခွင့်အရေး တက်ကြွလှုပ်ရှားသူများနှင့် ရှေ့နေများက ကာကွယ်ရေးဝန်ကြီးဌာနကို တိုက်တွန်းလိုက်သည်။

ဝန်ကြီးဌာန၏ စစ်လက်နက်ပစ္စည်းတင်ပို့မှု ထိန်းချုပ်ရေးဌာန အကြီးအကဲ ရေချယ်လီ ချန်ထံသို့ စာရေးသားတောင်းဆိုခဲ့ခြင်းဖြစ်ပြီး မြန်မာအစိုးရ၏ လက်နက်ဝယ်ယူတင်သွင်းမှု လိုင်စင်ကို ပြန်လည်သုံးသပ်ရန်လည်း တိုက်တွန်းခဲ့သည်။

“အီရန်နိုင်ငံအပေါ် အရေးယူပိတ်ဆို့မှုတွေဆက်ထားဖို့ လုံးပန်းနေတဲ့ အစ္စရေးအနေနဲ့ ဆိုးရွားတဲ့ ရာဇ၀တ်မှုတွေကို ကျူးလွန်နေတဲ့ မြန်မာနိုင်ငံကို အမေရိကန်နဲ့ အီးယူတို့က ဆန်ရှင်တွေ ရုပ်သိမ်းလိုက်တဲ့အပေါ် ဘာမှမဖြစ်တာဟာ ထူးဆန်းနေပါတယ်” ဟု ဒီဇင်ဘာ ၁၁ ရက်နေ့ နေ့စွဲဖြင့် ပေးပို့ခဲ့သည့် အဆိုပါစာတွင် ဖော်ပြခဲ့သည်။

ုထို့ပြင် မြန်မာစစ်တပ်မှာ နိုင်ငံမြောက်ပိုင်းနှင့် အရှေ့ပိုင်းတို့ရှိ တိုင်းရင်းသားလူနည်းစုများအပေါ် စစ်ဆင်နွှဲနေခြင်း၊ နိုင်ငံအနောက်ပိုင်းရှိ ရိုဟင်ဂျာမွတ်စလင် လူနည်းစုများအပေါ် လူ့အခွင့်အရေး ဆိုးရွားစွာ ချိုးဖောက်နေခြင်းတို့ကိုလည်း ထိုစာတွင် ထောက်ပြထားသည်။

“စက်လက်နက်ပစ္စည်းတွေက (မြန်မာနိုင်ငံကို) မပို့ရသေးဘူးဗျ။ ကျွန်တော်တို့က ဒါကို တားဆီးချင်ပါတယ်။ ကျွန်တော်တို့ရဲ့ လုပ်ပိုင်ခွင့်ကို အသုံးချပြီး တစ်ခုခုလုပ်နိုင်ဖို့ မျှော်လင့်ပါတယ်” ဟု ဂျေရုစလင်မှ လူ့အခွင့်အရေးဆိုင်ရာ ရှေ့နေ အီတေး မက်ခ်က ပြောကြားခဲ့သည်။

ပြီးခဲ့သည့် စက်တင်ဘာလက ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ဦးဆောင်သော အဖွဲ့မှာ အစ္စရေးသို့ လည်ပတ်စဉ် အစ္စရေးအခြေစိုက် လက်နက်စက်ရုံတစ်ခုဖြစ်သော Elbit Systems သို့ သွားရောက်ကြည့်ရှုခဲ့သည်။

အစ္စရေး တက်ကြွလှုပ်ရှားသူများ၏ အဆိုပါစာတွင် မြန်မာနိုင်ငံ၌ အပြုသဘောဆောင်သည့် အသွင်ကူးပြောင်းမှု ရှိသော်လည်း မြန်မာစစ်တပ်နှင့် စစ်တပ်အရာရှိများက တိုင်းပြည်အား ဆက်လက်ချုပ်ကိုင်ထားဆဲဖြစ်ကြောင်း၊ လွှတ်တော်တွင် ၂၅ ရာခိုင်နှုန်း ရယူထားခြင်းက မည်သည့်ပြုပြင်ပြောင်းလဲရေး ဆောင်ရွက်ချက်ကိုမဆို ပယ်ချနိုင်သည့် အခွင့်အရေး ရှိနေကြောင်း၊ အဓိက ၀န်ကြီးဌာနများဖြစ်သော ကာကွယ်ရေး၊ နယ်စပ်ရေးရာနှင့် ပြည်ထဲရေးဝန်ကြီးဌာန ၃ ခုကို ဆက်လက်ထိန်းချုပ်ထားကြောင်း ပြောကြားခဲ့သည်။

ထို့ပြင် မြန်မာစစ်တပ်၊ ၎င်းနှင့် ဆက်စပ်နေသော ပြည်သူ့စစ်အဖွဲ့များမှာ တိုင်းရင်းသားနှင့် ဘာသာရေးလူနည်းစုများ၊ အတိုက်အခံများနှင့် တက်ကြွက်လှုပ်ရှားသူများ၊ မြေယာသိမ်းခံရမှုကို ဆန့်ကျင်သော လယ်သမားများ၊ ဂျာနယ်လစ်များနှင့် ကျောင်းသားများကို ငြှင်းပမ်း၊ နှိပ်စက်၊ သတ်ဖြတ်မှုများ ဆက်လက်ပြုလုပ်နေသည်ဟုလည်း ထိုစာတွင် ထည့်သွင်းဖော်ပြခဲ့သည်။

“ဒါတွက နိုင်ငံတကာဥပေဒနဲ့ အခြခံလူ့ကျင့်ဝတ်ကို ချိုးဖောက်တာပါ”

အစ္စရေးမှာ အမြဲတမ်းမဟုတ်သော်လည်း စစ်အာဏာရှင်လက်ထက်ကတည်းက မြန်မာနိုင်ငံနှင့် စစ်တပ်ရေးရာ ဆက်ဆံမှုရှိသည်ဟု သတင်းများ ထွက်ပေါ်ခဲ့ဖူးပြီး၊ ပြီးခဲ့သည့် ဇွန်လကလည်း အစ္စရေး၏ စစ်လက်နက်တင်ပို့မှုဌာနမှ အကြီးအကဲ ဗိုလ်ချုပ် မီခေလ်း ဘန် ဘာရုခ်ျမှာ မြန်မာနိုင်ငံသို့ လာရောက်ကာ မြန်မာစစ်တပ် ခေါင်းဆောင်များနှင့် တွေ့ဆုံခဲ့သည်။

Ref: Irrawaddy