အမေရိကန်၏ ရေအောက်ဒရုန်းတစ်ခုကို တရုတ်သိမ်းဆည်း

ဒီဇင်ဘာ ၁၇၊ ၂၀၁၆
M-Media

– တောင်တရုတ်ပင်လယ် နိုင်ငံတကာရေပိုင်နက်ရှိ အမေရိကန်၏ သမုဒ္ဒရာဗေဒ သင်္ဘောမှ စေလွှတ်လိုက်သော ရေအောက် ဒရုန်းတစ်စင်းကို တရုတ်ရေတပ်သင်္ဘောက သိမ်းဆည်းလိုက်သည်ဟု သိရသည်။

ကြာသာပတေးနေ့က သိမ်းဆည်းလိုက်ခြင်းဖြစ်ပြီး မိမိတို့ကလည်း သံတမန်နည်းလမ်းဖြင့် ထိုလုပ်ရပ်ကို ဆန့်ကျင်ကြောင်း ပြောကြားခဲ့ကာ အဆိုပါဒရုန်းကိုလည်း ပြန်တောင်းခဲ့သည်ဟု ကန်ကာကွယ်ရေးဌာနမှ တာဝန်ရှိသူတစ်ဦးက ပြောကြားခဲ့သည်။

‘ရေအောက် ဂလိုက်ဒါ’ ဟုခေါ်သည့် အဆိုပါဒရုန်းမှာ ရေအောက်လမ်းကြောင်း ရှာဖွေသတ်မှတ်ရာတွင် အကူအညီဖြစ်စေရန်အတွက် ရေ၏ ဆားပါဝင်မှုနှင့် အပူချိန်တို့ကို တိုင်းတာရန်ဖြစ်ပြီး တောင်တရုတ်ပင်လယ်ရှိ ဆူဘစ်ပင်လယ်အော်မှ ၅၀ မီတာအကွာ နိုင်ငံတကာရေပိုင်နက်တွင် တရုတ်က သိမ်းယူခဲ့ခြင်းဖြစ်သည်ဟု ၎င်းက ထည့်သွင်းပြောဆိုခဲ့သည်။

တရုတ်စစ်တပ်၏ သင်္ဘောမှာ သင်္ဘောငယ်တစ်စင်းကို ရေထဲသို့လွှတ်၍ ကန် သမုဒ္ဒရာဗေဒသင်္ဘော USNS Bowditch က ပြန်လည် ယူဆောင်ရန် ဆောင်ရွက်နေသော ရေအောက်ဒရုန်းနှစ်ခုမှ တစ်ခုကို သိမ်းဆည်းခဲ့ခြင်းဖြစ်သည်။ အမေရိကန်ကမူ အဆိုပါဒရုန်းအား ပြန်ပေးရန် ရေဒီယိုမှတစ်ဆင့် တောင်းဆိုခဲ့သော်လည်း တရုတ်က လစ်လျူရှုခဲ့သည်ဟု ဆိုသည်။

တရုတ်မှာ တောင်တရုတ်ပင်လယ်ရှိ ၎င်းတို့၏ ကျွန်းတုများတွင် လေကြောင်းကာကွယ်ရေး လက်နက်များ တပ်ဆင်ထားသည်ဟု အမေရိကန် တတ်သိပညာရှင်များအဖွဲ့က ပြီးခဲ့သည့်ရက်ပိုင်းအတွင်း ပြောကြားခဲ့ပြီး တင်းမာမှု မြင့်တက်နေစဉ် ယခုအဖြစ်အပျက် ဖြစ်လာခြင်းဖြစ်သည်။

တောင်တရုတ်ပင်လယ်တွင် အမေရိကန်က ၎င်းတို့၏လေယာဉ်များ၊ သင်္ဘောများဖြင့် လေ့ကျင့်မှုများ၊ ကင်းလှည့်မှုများ ပြုလုပ်နေပြီး လွတ်လပ်စွာ ရေကြောင်းသွားလာခွင့်အောက်တွင် ဆောင်ရွက်ခြင်းဖြစ်သည်ဟု ပြောကြားထားသည်။

Ref: Aljazeera