ယူကရိန်းမှ အချမ်းသာဆုံးပုဂ္ဂိုလ် ထူးခြားသည့် ခရစ္စမတ်အလှူ ပြုလုပ်

ဒီဇင်ဘာ ၁၉၊ ၂၀၁၆
M-Media

ယူကရိန်းမှ အချမ်းသာဆုံးပုဂ္ဂိုလ် ရီနတ် အက်ခ်မီတော့ဗ်

– ယူကရိန်းဘောလုံးကလပ် ရှက်တာဒိုးနက်အသင်း၏ ပိုင်ရှင်ဖြစ်ပြီး၊ နိုင်ငံ၏ အချမ်းသာဆုံးပုဂ္ဂိုလ်လည်းဖြစ်သူ ရီနတ် အက်ခ်မီတော့ဗ်က ခရစ္စမတ်ပွဲတော်အကြိုအဖြစ် ကလေးငယ်ပေါင်း ၁၄၀,၀၀၀ အတွက် လက်ဆောင်များ လှူဒါန်းမည်ဟု သိရသည်။

အက်ခ်မီတော့ဗ်မှာ တေးရေးဆရာ အီဂေါရ် ကရူတွိုင်နှင့်အတူ စာသင်ကျောင်းများနှင့် ကလေးငယ် စောင့်ရှောက်ရေးစင်တာများသို့သွားရောက်ကာ အရုပ်များ၊ လွယ်အိတ်များ ပေးအပ်မည်ဖြစ်ပြီး၊ မသန်စွမ်းကလေးငယ်များကိုလည်း အခြားလက်ဆောင်ပစ္စည်းများ ဝေငှရန် ရှိနေသည်။

“ကျွန်တော်တို့ရဲ့ မိဘတွေကို ကျွန်တော်တို့ မစောင့်ရှောက်ရင် ကျွန်တို့ဟာ ဘယ်လို သားသမီးမျိုးတွေဖြစ်မလဲ။ ဒီလိုပဲ ကျွန်တော်တို့ကလေးတွေကို မစောင့်ရှောက်ရင်လည်း ကျွန်တော်တို့ဟာ ဘယ်လို မိဘတွေဖြစ်မလဲ။ ဒါ့ကြောင့် ကျွန်တော်တို့ဟာ သက်ကြီးရွယ်အိုတွေနဲ့ ကလေးငယ်တွေကို လှူဒါန်းတာပါ” ဟု အက်ခ်မီတော့ဗ်က ပြောကြားခဲ့သည်။

အဆိုပါ လှူဒါန်းမှုကို ရီနတ် အက်ခ်မီတော့ဗ်ဖောင်ဒေးရှင်းက ဦးစီးပြုလုပ်ခြင်းဖြစ်ပြီး ယူကရိန်းနိုင်ငံတစ်ဝှမ်းမှ ကလေးငယ်ပေါင်း ၁၃၀,၀၀၀ ကျော်နှင့် မသန်စွမ်းကလေးငယ် ၆၀၀၀ နီးပါးမှာ ထိုလှူဒါန်းမှုမှ အကျိုးခံစားရမည်ဖြစ်သည်။

အက်ခ်မီတော့ဗ်မှာ ကူညီကယ်ဆယ်ရေးအဖွဲ့များကိုလည်း ဒေါ်လာသန်းပေါင်းများစွာ လှူဒါန်းထားသူလည်းဖြစ်ပြီး၊ ကင်ဆာ သုတေသနစင်တာတစ်ခု ဆောက်လုပ်ရေးအတွက်လည်း ကန်ဒေါ်လာ ၁၉ သန်း မတည်ပေးထားသည်။

Ref : Goal