ခရစ်ယာန်ပွဲတော်ရက်တွင် ဗုံးခွဲရန် ကြံစည်ထားသူများကို အင်ဒိုက အသေပစ်ခတ်ဖမ်းဆီး

ဒီဇင်ဘာ ၂၂၊ ၂၀၁၆
M-Media

– ခရစ္စမတ်နှင့် နှစ်သစ်ကူးအကြိုညများတွင် အသေခံဗုံးခွဲရန် ကြံစည်ထားသည်ဟု သံသယရှိ ၃ ဦးကို အသေဖမ်းဆီးနိုင်ခဲ့သည်ဟု အင်ဒိုနီးရှား ရဲတပ်ဖွဲ့က ပြောကြားလိုက်သည်။

ဂျကာတာမြို့ဆင်ခြေဖုံးတွင် ယမန်နေ့က ပြုလုပ်ခဲ့သည့် စီးနင်းမှုအတွင်း အပြန်အလှန်ပစ်ခတ်မှု ဖြစ်ပွားခဲ့ပြီးနောက် ထိုကဲ့သို့ အသေဖမ်းဆီးနိုင်ခဲ့ခြင်းဖြစ်သည်။ ထိုအဖြစ်အပျက်မှာ အင်ဒိုရဲတပ်ဖွဲ့က ၂ ပတ်အတွင်း အကြမ်းဖက်တိုက်ခိုက်ရန် ကြံစည်ထားမှု နှစ်ခုကို ဖော်ထုတ်ရှင်လင်းနိုင်ခဲ့ခြင်းလည်း ဖြစ်သည်။

ရဲတပ်ဖွဲ့ကမူ IS ကို အားပေးထောက်ခံသော အဆိုပါ သံသယရှိသူ ၃ ဦးမှာ ယာဉ်ထိန်းရဲရုံးတစ်ခုရှိ အရာရှိများကို ဓားဖြင့်ထိုးကာ လူထုကြားထဲ၌ လက်လုပ်ဗုံးအကြီးစားတစ်ခုကို ဖောက်ခွဲရန် ကြံစည်ခဲ့ခြင်းဖြစ်သည်ဟု ဆိုသည်။

“အသေခံဗုံးခွဲဖို့ ကြံစည်တာပါ။ နှစ်တိုင်း ခရစ္စမတ်နဲ့ နှစ်သစ်ကူးပွဲတော်တို့ဟာ အသေခံဗုံးခွဲသမားတွေ ပစ်မှတ်ထားရာ ဖြစ်နေပါတယ်” ဟု အင်ဒိုရဲတပ်ဖွဲ့မှ ပြောရေးဆိုခွင့်ရှိသူ ရစ်ဝမ်တိုက ပြောကြားခဲ့သည်။

စီးနင်းမှုအတွင်း ဗုံး ၅ လုံးကို တွေ့ရှိခဲ့ရပြီး၊ ရစ်ဝမ်တိုကမူ သံသယရှိသူတစ်ဦးကို အရှင်ဖမ်းဆီးရမိခဲ့သည်ဟု ပြောကြားခဲ့သည်။

ဂျကာတာရှိ သမ္မတအိမ်တော်နှင့် ဂျဗာကျွန်းရှိ အမည်မဖော်ပြသည့် နေရာတို့အား ပစ်မှတ်ထားတိုက်ခိုက်ရန် ကြံစည်ခဲ့သည့် အနည်းဆုံး လူ ၁၄ ဦးကို စစ်ကြောနေသည်ဟု ယခုတစ်ပတ်စောပိုင်းတွင် အင်ဒိုရဲတပ်ဖွဲ့က ပြောကြားခဲ့သည်။

ယခုဖော်ထုတ်နိုင်သည့် အကြမ်းဖက်တိုက်ခိုက်ရန် ကြံစည်မှု နှစ်ခုစလုံးတွင် အမျိုးသမီး အသေခံဗုံးခွဲရေးသမားများလည်း ပါဝင်သည်။

Ref: Aljazeera