နိုက်ဂျီးရီးယားတွင် ပလက်စတစ်ဆန် အမြောက်အများ ဖမ်းမိ

ဒီဇင်ဘာ ၂၂၊ ၂၀၁၆
M-Media

သိမ်းဆည်းရမိသည့် ပလက်စတစ်ဆန်

– နိုင်ငံအတွင်းသို့ တရားမ၀င် တင်သွင်းလာသည့် ပလက်စတစ်ဆန် ၂.၅ တန်ကို သိမ်းဆည်းလိုက်ပြီး အဆိုပါဆန်ကို ယခု ခရစ္စမတ်ပွဲတော်အတွင်း ရောင်းချရန် စီစဉ်ထားခြင်ဖြစ်သည်ဟု နိုက်ဂျီးရီးယား အကောက်ခွန်ဌာနမှ တာဝန်ရှိသူ ဟာရူနာ မာမူဒူက ပြောကြားလိုက်သည်။

တစ်အိတ်ကို ဆန် ၂၅ ကီလိုဂရမ်ပါသည့် အိတ်ပေါင်း ၁၀၂ အိတ်ကို ယခုသီတင်းပတ်အတွင်း သိမ်းဆည်းရမိခဲ့ခြင်းဖြစ်ပြီး မည်သည့်နိုင်ငံမှ တင်သွင်းခြင်းဖြစ်သည်ကို ရှင်းရှင်းလင်းလင်း မသိရသေးပေ။ ပလက်စတစ်ဆန်များကို ထုတ်လုပ်မှုကို ပြီးခဲ့သည့်နှစ်အတွင်း တရုတ်နိုင်ငံ၌ တွေ့ရှိခဲ့ရသည်။

အဆိုပါ ဆန်မှာ ချက်ပြီးနောက် အလွန်စေးထန်းပြီး စားသုံးပါက မည်သည့်ဆိုးကျိုးဖြစ်လာမည်ကို ဘုရားသခင်သာသိသည်ဟု မာမူဒူက ပြောကြားခဲ့သည်။

ဆန်မှာ နိုက်ဂျီးရီးယားပြည်သူများ အဓိကအားထားသည့် စားသုံးကုန်တစ်ခုဖြစ်ပြီး ဘီဘီစီသတင်းထောက် ပီတာ အော့က်ဝူချီကမူ ထိုပလက်စတစ်ဆန်မှာ တကယ့်ဆန်အစစ်နှင့် ခွဲမရအောင်တူကြောင်း၊ ရှူကြည့်သည့်အခါမှသာ ဓာတုဗေဒအနံ့ ရရှိကြောင်း ပြောကြားခဲ့သည်။

အကောက်ခွန်ဌာနကမူ အဆိုပါဆန်များကို ဓာတ်ခွဲခန်းသို့ ပို့ဆောင်ထားပြီး မည်သည့်အရာဖြင့် ပြုလုပ်ထားသည်ကို ဆန်းစစ်နေကာ ပြည်သူကိုလည်း အန္တရာယ်ရှိကြောင်း သတိပေးထားသည်။

နိုက်ဂျီးရီးယားတွင် အစားအသောက်နှင့်ပတ်သက်၍ မသမာမှုများမှာ အဖြစ်နည်းသော်လည်း ပြီးခဲ့သည့်နှစ်အတွင်း ဆေးဝါးအတုများကြောင့် လူအများအပြား သေဆုံးခဲ့သည်။

လက်ရှိတွင် အဆိုပါ ပလတ်စတစ်ဆန် မည်မျှရောင်းချထားသည်ကို သိရှိရန်အတွက် စုံစမ်းစစ်ဆေးမှုများကို နိုက်ဂျီးရီးယားက ပြုလုပ်နေသည်။

Ref: BBC