အိန္ဒိယတွင် ကမ္ဘာ့အမြင့်ဆုံးရုပ်တု တည်ဆောက်မည်

ဒီဇင်ဘာ ၂၅၊ ၂၀၁၆
M-Media

အိန္ဒိယနိုင်ငံ၏ လွတ်လပ်ရေးသူရဲကောင်းဖြစ်သော ဆာဒါရ် ဗာလ်လာဘိုင် ပါတေးလ်၏ ရုပ်ထု

– ကမ္ဘာပေါ်တွင် အမြင့်ဆုံးရုပ်တု ဖြစ်လာမည့် ရုပ်တုတစ်ခု တည်ဆောက်ရန် အိန္ဒိယ၀န်ကြီးချုပ် နရန်ဒရာမိုဒီက ယမန်နေ့တွင် အုတ်မြစ်ချခဲ့ပြီး ဒေါ်လာသန်းရာချီ ကုန်ကျမည့် အဆိုပါစီမံကိန်းအတွက် ပြည်သူများက ဝေဖန်ကန့်ကွက်မှုများ ရှိနေသည်။

၁၇ ရာစု ဟိန္ဒူပြည့်ရှင် ချက်ထရာပတီ ရှီဝါဂျီ (Chhatrapati Shivaji) ၏ ရုပ်တုဖြစ်ပြီး အမေရိကန်ရှိ လေဘာတီရုပ်တု၏ အရွယ်အစားထက် ၂ ဆကြီးကာ၊ ဘရာဇီးလ်နိုင်ငံ ရီယိုဒီဂျနေရိုးရှိ ခရစ်တော်ရုပ်ထုထက် ၅ ဆ ပိုမြင့်မည်ဖြစ်သည်။

၁၉၂ မီတာ (ပေပေါင်း ၆၃၀) မြင့်မည့် အဆိုပါရုပ်တုကို မွန်ဘိုင်းမြို့ အနောက်ဖက်ကမ်းရိုးတမ်းမှ အရေဗျပင်လယ်အတွင်းရှိ ကျွန်းတစ်ခုတွင် တည်ဆောက်သွားမည်ဖြစ်သည်။

ဆောက်လုပ်ပြီးစီးသွားပါက လက်ရှိ ကမ္ဘာ့အမြင့်ဆုံး ရုပ်တုဖြစ်သော တရုတ်နိုင်ငံ ဟီနန်ပြည်နယ်မှ ၁၂၈ မီတာမြင့်သည့် Spring Temple Buddha ရပ်တော်မူ ဗုဒ္ဓရုပ်ပွားတော်ထက် ပို၍ မြင့်မည်ဖြစ်သည်။

ထိုရုပ်တုအတွက် ရူပီး ၃၆ ဘီလီယံ (ကန်ဒေါ်လာ သန်း ၅၃၀) ကုန်ကျမည်ဟု ခန့်မှန်းထားပြီး၊ မွန်ဘိုင်းမြို့တည်ရှိရာ မဟာရက်ရ်ှထရာပြည်နယ်အစိုးရက ကျခံရမည်ဖြစ်ကာ ၂၀၁၉ ခုနှစ်တွင် ပြီးစီးရန် လျာထားသည်။

သို့သော်လည်း တိုင်းပြည်အတွက် လိုအပ်နေသော အခြေခံအဆောက်အဦးများ၊ ပညာရေးကဏ္ဍနှင့် ဖွံ့ဖြိုးတိုးတက်ရေးတို့ကို လစ်လျူရှုကာ ရုပ်တုတစ်ခုအား ဒေါ်လာသန်းရာချီ သုံးစွဲမှုအတွက် အိန္ဒိယပြည်သူများက ဝေဖန်မှုများ ပြုလုပ်ခဲ့ကြသည်။

အဆိုပါစီမံကိန်း ရပ်ဆိုင်းရန်အတွက် အိန္ဒိယပြည်သူများမှာ အွန်လိုင်းတွင် တောင်းဆိုလွှာတစ်စောင်ကို ရေးသားခဲ့ပြီး စနေနေ့ ညနေပိုင်းအထိ လူပေါင်း ၂၇၀၀၀ ကျော် လက်မှတ်ထိုးထားသည်။

“ပိုက်ဆံဖြုန်းတာတင်မကဘဲ ဒီရုပ်တုကြီးဟာ သဘာဝပတ်ဝန်းကျင်တွက်၊ ဘုံဘေမြို့တောင်ပိုင်းက ယာဉ်ကျောအတွက် ဆိုးဆိုးဝါးဝါး ထိခိုက်မှာဖြစ်သလို လုံခြုံရေးဆိုင်ရာ အိပ်မက်ဆိုးလည်း ဖြစ်ပါတယ်” ဟု အဆိုပါတောင်းဆိုလွှာတွင် ဖော်ပြထားသည်။

မဟာရက်ရ်ှထရာပြည်နယ်တွင် အဆိုပါ ရှီဝါဂျီဘုရင်ကို အထွဋ်အမြတ်ထားကြပြီး ရထားဘူတာတစ်ခုနှင့် လေယာဉ်ကွင်းတစ်ခုတို့ကို ၎င်း၏အမည် ပေးထားသည်။

မိုဒီမှာ ယခင်ကလည်း ၎င်း၏ ဇာတိပြည်နယ် ဂူဂျာရတ်တွင် အိန္ဒိယနိုင်ငံ၏ လွတ်လပ်ရေးသူရဲကောင်းဖြစ်သော ဆာဒါရ် ဗာလ်လာဘိုင် ပါတေးလ်၏ ရုပ်ထုကို တည်ဆောက်ရန် စီစဉ်ခဲ့ပြီး၊ ၁၈၂ မီတာမြင့်ကာ  ရူးပီး ၂၅ ဘီလီယံ (ကန်ဒေါ်လာ ၃၆၈ သန်း) ကုန်ကျမည့် အဆိုပါစီမံကိန်းကို ၂၀၁၄ ခုနှစ်တွင် စတင်ခဲ့သည်။

Ref: The Star