နျူထိပ်ဖူးတပ်နိုင်မည့် ပြည်တွင်းဖြစ် တိုက်ချင်းပစ်ဒုံးကျည်ကို အိန္ဒိယ စမ်းသပ်အောင်မြင်

ဒီဇင်ဘာ ၂၇၊ ၂၀၁၆
M-Media

၂၀၁၃ ခုနှစ် လွတ်လပ်ရေးနေ့တွင် ပြသခဲ့သည့် Agni-V ဒုံးကျည်

– နျူကလီးယားထိပ်ဖူး တပ်ဆင်နိုင်ပြီး ပြည်တွင်းဖြစ် စွမ်းအားအမြင့်ဆုံး ဒုံးကျည်တစ်ခုကို အောင်မြင်စွာ စမ်းသပ်နိုင်ခဲ့ပြီဟု အိန္ဒိယနိုင်ငံက ယမန်နေ့တွင် ကြေငြာခဲ့သည်။

Agni-V ဟု အမည်ပေးထားသည့် မြေပြင်မှ မြေပြင်ပစ် တိုက်ချင်းပစ်ဒုံးကျည် (ICBM) အမျိုးအစားဖြစ်ပြီး နိုင်ငံအရှေ့ပိုင်းပြည်နယ် အိုဒီရှာတွင် ရွေ့လျားဒုံးပစ်စင်မှ စမ်းသပ်ပစ်လွှတ်ခဲ့ခြင်းဖြစ်သည်။ အဆိုပါ ဒုံးကျည်ကို ၂၀၁၂ ခုနှစ်တွင် ပထမဆုံး ထုတ်လုပ်ခဲ့သည်။

ကာကွယ်ရေးဝန်ကြီးဌာနကမူ အဆိုပါစမ်းသပ်မှုက ပြည်တွင်းထုတ် ဒုံးကျည်များ၏ စွမ်အားတိုးတက်လာမှုကို ပြသခြင်းဖြစ်ပြီး တိုင်းပြည်ကာကွယ်ရေးအတွက် အထောက်အကူ ဖြစ်လိမ့်မည်ဟု ဆိုသည်။

“Agni-V ဒုံးကျည်ကို အောင်မြင်စွာ စမ်းသပ်နိုင်မှုက အိန္ဒိယနိုင်ငံသားတိုင်းအတွက် ဂုဏ်ယူစရာ ဖြစ်ပါတယ်။ ဒီဒုံးကျည်က ကျွန်တော်တို့ရဲ့ မဟာဗျူဟာကာကွယ်ရေးအစွမ်းကို ပိုပြီး အားကောင်းစေမှာ ဖြစ်ပါတယ်” ဟု ၀န်ကြီးချုပ် နရန်ဒရာ မိုဒီက Twitter စာမျက်နှာတွင် ရေးသားခဲ့သည်။

အဆိုပါ Agni-V မှာ ရွေ့လျားဒုံးပစ်စင်ဖြင့် ပစ်ခတ်နိုင်မည်ဖြစ်သောကြောင့် ဒုံးကျည်အား ကာကွယ်နိုင်မှုတွင် အထောက်အကူဖြစ်စေကာ၊ အလျင်အမြန်တပ်ဖြန့် ပစ်ခတ်နိုင်မည်ဖြစ်သည်။

သို့သော်လည်း လာမည့်လတွင် အာဏာရယူမည့် အမေရိကန်သမ္မတသစ် ဒေါ်နယ်ထရမ့်နှင့် ရုရှားသမ္မတ ပူတင်တို့က ပြီးခဲ့သည့်ရက်ပိုင်းအတွင်း နျူလက်နက်တိုးချဲ့မည်ဟု ပြောကြားခဲ့ပြီးနောက် အိန္ဒိယက ယခုကဲ့သို့ နျူထိပ်ဖူးတပ်ဆင်နိုင်သည့် တာဝေးပစ်ဒုံးကျည်ကို ချပြခဲ့ခြင်းကြောင့် ကမ္ဘာတစ်ဝှမ်း နျူလက်နက်ပြန့်ပွားမှုအတွက် စိုးရိမ်မှုများ မြင့်တက်လာခဲ့သည်။

Ref : CNN