ဘောလီးဝုဒ် နာမည်ကျော် မွတ်စလင် ရုပ်ရှင်မင်းသားများကို အစွန်းရောက်များ စနစ်တကျ ၀ါဒဖြန့် နာမည်ဖျက်

ဒီဇင်ဘာ ၂၉၊ ၂၂၀၁၆
M-Medai

– အိန္ဒိယက အာဏာရ ဟိန္ဒူအမျိုးသားရေးပါတီ BJP ဟာ တိုင်းပြည်က နာမည်ကြီး မွတ်စလင်မင်းသားတွေအပေါ် ပြည်သူလူထုက အထင်မှားအောင် ဆိုရှယ်မီဒီယာမှာ ၀ါဒဖြန့် တိုက်ခိုက်မှုတွေကို အစီအစဉ်တကျ ပြုလုပ်နေတယ်လို့ BJP ရဲ့ IT အဖွဲ့မှာ စေတနာ့ဝန်ထမ်း လုပ်ကိုင်ခဲ့သူတစ်ဦးက ပြောကြားလိုက်ပါတယ်။

BJP ရဲ့အဲဒီ IT အဖွဲ့ဟာ အထူးသဖြင့် နိုင်ငံအတွင်း ဘာသာရေးသည်းမခံနိုင်မှုတွေ မြင့်တက်လာတယ်လို့ မနှစ်က ပြောကြားခဲ့တဲ့ ဘောလီးဝုဒ်အကျော်အမော် မင်းသား အမီးရ်ခန်းကို ပစ်မှတ်ထားတာဖြစ်ပါတယ်။

၂၀၁၄ မှာ တောင်ပြိုကမ်းပြိုအနိုင်နဲ့အတူ ဝန်ကြီးချူပ် ဖြစ်လာတဲ့ BJP က မိုဒီအစိုးရကို ဝေဖန်ခဲ့တဲ့ ဒီမှတ်ချက်ကြောင့် ဟိန္ဒူလက်ယာစွန်းရောက်တွေက တော်တော်လေး နေမထိထိုင်မသာ ဖြစ်ခဲ့ကြပါတယ်။

ဒီဂယက်ကြောင့် အသက် ၅၁ နှစ်အရွယ် အမီးရ်ခန်းဟာ နောက်ပိုင်းပိုင်းမှာ အိန္ဒိယ အီလက်ထရောနစ်ကုန်သွယ်ရေးလုပ်ငန်း Snapdeal ရဲ့ သံတမန်အဖြစ် ခန့်အပ်ထားမှုကို ရုပ်ခံခဲ့ရပါတယ်။

BJP ရဲ့ ဆိုရှယ်မီဒီယာအဖွဲ့မှာ ၂၀၁၃ ကနေ ၂၀၁၆ ခုနှစ်အထိ စေတနာ့ဝန်ထမ်းအဖြစ် တာဝန်ထမ်းဆောင်ခဲ့တဲ့ ဆဒ်ဟာဗီ ခိုစ်လာက BJP ဟာ ဆိုရှယ်မီဒီယာကို အသုံးချပြီး သူတို့ကို ဆန့်ကျင်သူတွေနဲ့ ထင်ရှားတဲ့ ဂျာနယ်လစ်တွေအပေါ်မှာ ရန်ညှိုးထားတဲ့ …. လှုပ်ရှားမှုတွေ ပြုလုပ်နေတယ်လို့ ပြောကြားခဲ့ပါတယ်။

“အမီးရ်ခန်းက သံတမန်အဖြစ် ဆောင်ရွက်နေတဲ့အတွက် Snapdeal ကို တစ်ကိုယ်ရေ သပိတ်မှောက်ဖို့ BJP IT အဖွဲ့ရဲ့ (အဲဒီအချိန်က) ဥက္ကဌ အာရ်ဗင်းဒ် ဂွပ်တာက မက်ဆေ့ခ်ျပို့ ညွှန်ကြားတာမျိုး ကျွန်မ သက်သေပြလို့ ရပါတယ်။ IT အဖွဲ့က မက်ဆေ့ခ်ျမျိုးဟာ ပါတီကလာပြီဆိုရင် ဒါဟာ ပါတီရဲ့ သဘောထား အလိုလိုဖြစ်လာတာပါပဲ” လို့ ဂွပ်တာက ဆိုပါတယ်။

ခိုစ်လာရဲ့ အဲဒီပြောကြားမှုကို ဂျာနယလစ် စွာတီ ချာတူရ်ဗီဒီ ရေးသားတဲ့ I Am A Troll ဆိုတဲ့ စာအုပ်မှာလည်း ဖော်ပြထားပါတယ်။

အမီးရ်ခန်းဟာ နိုင်ငံရဲ့ ခရီးသွားလာရေးအစီအစဉ် Incredible India ရဲ့ မျက်နှာဖုံးအဖြစ် အသုံးပြုမှုကနေလည်း ပယ်ဖျက်ခံလိုက်ရပါတယ်။ ဒါပေမယ့် အိန္ဒိယအစိုးရကတော့ နိုင်ငံအတွင်းမှာ သည်းမခံနိုင်မှုတွေ မြင့်တက်လာတယ်ဆိုတဲ့ ခန်းရဲ့မှတ်ချက်ကြောင့် ဒီလို ဖယ်ရှားလိုက်တာ မဟုတ်ဘူးလို့ ငြင်းဆိုခဲ့ပါတယ်။

ဒါပေမယ့် အိန္ဒိယ ကာကွယ်ရေးဝန်ကြီးဖြစ်ပြီး BJP ရဲ့ အကြီးတန်းခေါင်းဆောင်တစ်ဦးလည်းဖြစ်တဲ့ မာနိုဟာရ် ပါရီကာက ခန်းဟာ သင်ခန်းစာကောင်းကောင်းရသွားခဲ့ပြီလို့ နောက်ပိုင်း ဟောပြောပွဲတစ်ခုမှာ ပြောကြားခဲ့ပါတယ်။

ခိုစ်လာက ဆလ်မန်းခန်းနဲ့အတူ ဘောလီးဝုဒ်ရဲ့ ခန်း ၃ ဆူထဲမှာ ပါဝင်တဲ့ အမီးရ်ခန်းနဲ့ ရှာရွတ်ခန်းတို့ဟာ သူတို့ဘာပဲပြောပြော BJP ပါတီရဲ့ ပစ်မှတ်ထားခြင်းကို ခံရတယ်လို့ ဖွင့်ဟခဲ့ပါတယ်။

“၂၅ နှစ်လုံးလုံး ကျွန်မက သူတို့ရဲ့ဇာတ်ကားတွေကိုကြည့်ပြီး ကြီးပြင်းလာတာပါ။ ကျွန်မအတွက်တော့ သူတို့ဟာ စူပါစတားတွေပါပဲ။ သူတို့ဟာ ဘောလီးဝုဒ်ရဲ့ အတောက်ပဆုံး ကြယ်ပွင့်တွေပါ။ မိုဒီ အာဏာရပြီးနောက်ပိုင်း သူတို့တွေဟာ ပစ်မှတ်ထား ခံလာရတယ်ဆိုတာ ကျွန်မ သိခဲ့ပါတယ်” လို့ သူမက ဆိုပါတယ်။

ငြင်းဆို

BJP ရဲ့ IT အဖွဲ့က ဥက္ကဌဟောင်းဖြစ်တဲ့ ဂွပ်တာကတော့ ခိုစ်လာရဲ့ ပြောဆိုချက်တွေဟာ မဟုတ်မတရား ပြောဆိုတာတွေသာဖြစ်ပြီး BJP ဟာ ဘယ်တုန်းကမှ ဒီလို ၀ါဒဖြန့် နာမည်ဖျက်မှုတွေကို အားမပေးဘူးလို့ Indian Express ကို ပြောကြားခဲ့ပါတယ်။

ပါတီကို ပြန်လည်ဖွဲ့စည်းခဲ့တဲ့ ၂၀၁၅ ခုနှစ်ကတည်းက သူဟာ ဆိုရှယ်မီဒီယာလုပ်ငန်းတွေကို တိုက်ရိုက်ကြီးကြပ်တယ်ဆိုတာကိုလည်း သူက ငြင်းဆိုခဲ့ပါတယ်။

လက်ရှိ BJP IT အဖွဲ့အကြီးအကဲ အေမစ် မာလ်ဗီယာကလည်း ပါတီဟာ ဒီလိုလုပ်ရပ်တွေကို လုပ်နေတာမျိုး မရှိဘူးလို့ ငြင်းဆုိုခဲ့ပါတယ်။

“အာရ်ဗင်ဒ် (ဂွပ်တာ) ဟာ တန်ဖိုးရှိတဲ့ လုပ်ဖော်ကိုင်ဖက်တစ်ဦးပါ။ သူပြီးရင် အားလုံးပြီးပါတယ်။ ဒီလိုကိစ္စမျိုးတွေနဲ့ပတ်သက်ပြီး ပါတီရဲ့ဝဘ်ဆိုက်မှာ သင့်လျော်တဲ့ လမ်းညွှန်ချက်တွေကို ဖော်ပြထားတာ ရှိပါတယ်”

နိုင်ငံရေးပါတီတွေ မဲဆွယ်ဖို့အတွက် ဆိုရှယ်မီဒီယာကို အသုံးပြုမှုမှာ BJP က နိုင်ငံရေးပါတီတွေအကြားမှာ ရှေ့ရောက်နေပါတယ်။ မိုဒီဟာ ဂူဂျာရတ်ပြည်နယ် အုပ်ချုပ်ရေးမှူးအဖြစ် ဆောင်ရွက်စဉ်ကတည်းက ဆိုရှယ်မီဒီယာတွေကို စတင်အသုံးပြုခဲ့သူဖြစ်ပြီး အိန္ဒိယမှာ ဆိုရှယ်မီဒီယာကို အစောဆုံးအသုံးပြုတဲ့ နိုင်ငံရေးသမားတွေထဲမှာ ပါဝင်ခဲ့ပါတယ်။

၂၀၁၄ ခုနှစ်ရွေးကောက်ပွဲမှာ ပါတီဟာ ဆိုရှယ်မီဒီယာက ၀ါဒဖြန့်ဖို့အတွက် နိုင်ငံအတွင်းနဲ့ နိုင်ငံပြင်ပမှာ စေတနာ့ဝန်ထမ်း ထောင်နဲ့ချီ လူစုခဲ့ပြီး သူတို့ကိုတော့ အခကြေးငွေယူထားတဲ့ ၀န်ထမ်း တစ်ထောင်လောက်က ကြီးကြပ်တာ ဖြစ်ပါတယ်။

ဟိန္ဒူကာကွယ်ရေး လိဂ် (HDL) တို့လို BJP ကို ထောက်ခံတဲ့သူတွေဟာ လူနည်းစုဆန့်ကျင်ရေး မှတ်ချက်တွေကို ပေးတယ်လို့ စွပ်စွဲချက်တွေရှိခဲ့ကြောင်း မာလ်ဗီယာက ပြောကြားခဲ့ပါတယ်။

“သူတို့နဲ့ဆိုင်တဲ့သူကို မေးကြည့်ဗျ။ ကျွန်တော်က သူတို့အတွက် ပြောပေးလို့မရဘူး”

အိန္ဒိယအစိုးရဟာ သူတို့ကို ကောင်းကောင်း ကာကွယ်ပြောဆိုပေးတဲ့၊ အတိုက်အခံ နိုင်ငံရေးသမားတွေ၊ ဂျာနယ်လစ်တွေကို ပုဂ္ဂိုလ်ရေးအရ တိုက်ခိုက်မှုတွေပြုလုပ်တဲ့ အွန်လိုင်းဝါဖြန့်သမားတွေကို လစ်လျူရှုထားတယ်လို့ စွပ်စွဲခံထားရပါတယ်။

ဆိုရှယ်မီဒီယာ စစ်တပ်

အထူးသဖြင့် အမျိုးသမီး တက်ကြွလှုပ်ရှားသူတွေ၊ ဂျနယ်လစ်တွေကို အဓမ္မကျင့်မယ်လို့  Twitter ကနေတစ်ဆင့် ခြိမ်းခြောက်တဲ့ ဘလော့ဂါတွေ ဆိုရှယ်မီဒီယာ စေတနာ့ဝန်ထမ်းတွေကို တွေ့ဆုံမှုအတွက် မိုဒီဟာ ဝေဖန်မှုတွေကိုလည်း ခံခဲ့ရပါတယ်။

အွန်လိုင်းအမုန်းစကားတားမြစ်ရေးဥပဒေ အိန္ဒိယမှာ ရှိနေပေမယ့် ဒါကို မဟုတ်မတရား ၀ါဒဖြန့်မှုတွေမှာ အသုံးချရမယ့်အစား ပြီးခဲ့တဲ့နှစ်တွေအတွင်း အစိုးရဟာ သဘောထားကွဲလွဲသူတွေအပေါ်မှာ လက်နက်တစ်ခုသဖွယ် အသုံးပြုခဲ့ပါတယ်။

“BJP ဟာ ဆိုရှယ်မီဒီယာ စစ်တပ်ကြီးတစ်ခုကို ကိုင်တွယ် ထိန်းကျောင်းနေတယ်ရှင့်။ သူတို့ရဲ့လှုပ်ရှားမှုကို ကြည့်မယ်ဆိုရင် လုပ်ကြံထားတဲ့ မုသားစကားတွေကို အခြေခံတယ်။ အဲဒီ မုသားတွေကို အမှန်လို့ ထင်လာတဲ့အထိ ထပ်ခါထပ်ခါ ပြောနေတာပါ” လို့ ခိုစ်လာက ပြောကြားခဲ့ပါတယ်။

နောက်ပြီး သူမဟာ အလုပ်အကိုင်တွေ ဖန်တီးပေးမယ်၊ လူနေမှုအဆင့်အတန်းကို မြှင့်တင်ပေးမယ် ဆိုတဲ့ ကတိတွေကြောင့် ၂၀၁၄ ရွေးကောက်ပွဲမှာ မိုဒီကို ထောက်ခံခဲ့တာဖြစ်တယ်လို့လည်း ဆိုပါတယ်။

“အာဏာရပြီး ၆ လကနေ ၈ လလောက် ကြာပြီးတဲ့နောက်ပိုင်း ကျွန်မ မွန်းကြပ်လာသလို၊ ယုံကြည်မှုတွေလည်း လျော့ပါးလာပါတယ်။ ဒါက ကျွန်မလိုချင်တဲ့ အစိုးရမျိုး၊ ခေါင်းဆောင်မျိုး မဟုတ်ပါဘူး။ ဒါပေမယ့် ၂၀၁၅ အလယ်ပိုင်းလောက်မှာတော့ ဒီပါတီကို ထောက်ခံမိတာ မှားပြီလို့ ကျွန်မ ဆုံးဖြတလိုက်ပါတယ် ” လို့ ခိုစ်လာက ဆိုပြီး နှစ်ကုန်ပိုင်းမှာတော့ BJP မှာ စေတနာ့ဝန်ထမ်း လုပ်နေတာတွေကို ရပ်တန့်လိုက်တယ်လို့ ပြောကြားခဲ့ပါတယ်။

Save cow တို့လို၊ Love Jihad တို့လို လှုပ်ရှားမှုတွေကို လုပ်လာတဲ့ ဟိန္ဒူလက်ယာစွန်းရောက်အုပ်စုတွေနဲ့ ပတ်သက်လို့ မိုဒီရဲ့ မသိကျိုးကျွန်ပြုမှုဟာ သိသာလာပါတယ်။

ပြီးခဲ့တဲ့ စက်တင်ဘာမှာဆိုရင် မြို့တော် နယူးဒေလီအနီးက မွတ်စလင်အမျိုးသားတစ်ဦးဟာ အမဲသားစားတယ်ဆိုတဲ့ ကောလဟာလတွေကြောင့် ဟိန္ဒူ နွားချစ်သူတွေရဲ့ အသေရိုက်သတ်ခြင်းကို ခံခဲ့ရပါတယ်။ နောက်ပိုင်း စုံစမ်းစစ်ဆေးမှုတွေအရေ ကောလဟာလကို တမင်ဖန်တီးတာဖြစ်တယ်ဆိုတာ တွေ့ခဲ့ရပါတယ်။

“ဒီအဖြစ်အပျက်အတွက် ကျွန်မ တော်တော်လေး တုန်လှုပ်သွားတယ်ရှင့်။ ကျွန်မရော၊ ကျွန်မမိသားစုရော အမဲသားမစားပါဘူး။ ဒါပေမယ့် အမဲသားစားလို့ လူသတ်တာကိုလည်း ကျွန်မ မထောက်ခံပါဘူး။ ဒါဟာ ကျွန်မ စိတ်ကူးယဉ်ထားတဲ့ အိန္ဒိယနိုင်ငံမျိုး မဟုတ်ပါဘူး”

Ref : Aljazeera

http://www.aljazeera.com/news/2016/12/bjp-targeted-bollywood-star-khan-critical-remarks-161227183259484.html