အမှိုက် စွန့်ပစ်ရာနေရာမှ မင်္ဂလာပွဲ ကျင်းပရာနေရာဖြစ်လာသည့် ဂျကာတာ၏ Ciliwung မြစ်

ဇန်န၀ါရီ ၁၊ ၂၀၁၇
M-Media

Ciliwung မြစ်ထဲမှ မင်္ဂလာမောင်နှံ

– လွန်ခဲ့တဲ့ တစ်နှစ်တုန်းကဆိုရင် အင်ဒိုနီးရှားရဲ့မြို့တော် ဂျကာတာက Ciliwung ဆိုတဲ့မြစ်ဟာ အင်မတန်အနံ့ဆိုးပြီး ပလက်စတစ်ပစ္စည်းတွေ၊ အခြားအမှိုသရိုက်တွေနဲ့ ပြည့်နှက်နေတဲ့ မြစ်ပြင်ကျယ်ကြီး ဖြစ်ခဲ့ပါတယ်။

ဒါပေမယ့် စေတနာ့ဝန်ထမ်းတွေရဲ့ သန့်ရှင်းမှုနဲ့အတူ အခုအချိန်မှာတော့ ဒီမြစ်ဟာ မြစ်ကမ်းနဖူးမှာ နေထိုင်ကြီးပြင်းကြတဲ့ လူငယ်စုံတွဲတွေ မင်္ဂလာပွဲကျင်းပရာ နေရာတစ်ခု ဖြစ်လို့နေပါပြီ။ ဒီလိုကျင်းပခြင်းဟာ အင်ဒိုနီးရှားရဲ့ တစတစ ယိုယွင်းပျက်စီးလာတဲ့ သဘာဝပတ်ဝန်းကျင်ကို ထိန်းသိမ်းကာကွယ်ရေးမှာ ကူညီနိုင်ရေး အခြားသူတွေကို လှုံ့ဆော်မှုလည်း ဖြစ်ပါတယ်။

“ကျွန်တော်တို့ဟာ နိုင်ငံရဲ့ ဘာသာစကား၊ ယဉ်ကျေးမှုတွေကို ကျွန်တော်တို့ရဲ့ ချစ်ခြင်းမေတ္တာနဲ့ ဖော်ပြပြီးပါပြီ။ အခုအချိန်ဟာ သဘာဝပတ်ဝန်းကျင်အကြောင်းကို ကျွန်တော်တို့ရဲ့ ချစ်ခြင်းမေတ္တာနဲ့ ဖော်ပြရမယ့် အချိန်ပါပဲ” လို့ သတို့သား နိုဗန်တို ရဟ်မန်က ပြောကြားခဲ့ပါတယ်။ သူရဲ့ ဇနီးလောင်း ဆန်ဒါရာ ဖီဒဲလ်လီယာ နိုဗီယန်တီဟာ Ciliwung မြစ်သန့်ရှင်းရေးအတွက် ၂၀၁၅ ခုနှစ်မှာ အစိုးရနဲ့ ပူးပေါင်းဆောင်ရွက်ခဲ့တဲ့ Depok Ciliwung အဖွဲ့က စေတနာ့ဝန်ထမ်းတစ်ယောက်လည်း ဖြစ်ပါတယ်။

သူတို့ ဇနီးမောင်နှံနှစ်ယောက်ဟာ မင်္ဂလာပွဲကို ဒီဇင်ဘာ ၈ ရက်နေ့မှာ ပန်းပေါင်းစုံနဲ့ ဆင်ယင်ချယ်သထားတဲ့ လေထိုး သင်္ဘောကို Ciliwung မြစ်အတွင်း လှော်ခတ်ကျင်းပခဲ့ကြပါတယ်။ အရင်တုန်းကဆိုရင် အမှိုက်တွေပြည့်ပြီး ညစ်ပတ်နေတဲ့ ဒီမြစ်ကြီးထဲမှာ ဒါမျိုးလုပ်ဖို့ဆိုတာ မဖြစ်နိုင်ပါဘူး။

Ciliwung မြစ်ဟာ အနောက်ဂျာဗားကနေ ဂျကာတာပင်လယ်အော်အထိ စီးဆင်းတဲ့ ကီလိုမီတာ ၁၀၀ အရှည်ရှိ မြစ်ကြီးတစ်စင်းဖြစ်ပြီး ၁၇ ရာစုနှစ်ကတည်းက မြို့တော်နေပြည်သူတွေရဲ့ အသက်သွေးကြောဖြစ်ခဲ့တာပါ။

မြစ်ထဲမှ အမှိုက်များကို ရှင်းလင်းနေစဉ်

ဒီမြစ်ရဲ့ ရေအရည်အသွေးဟာ ဆိုးရွားပြီး မြစ်ဘေးမှာနေထိုင်တဲ့ ဆင်းရဲသူဆင်းရဲသားတွေဟာ ဒီရေကို အ၀တ်လျှော်ဖို့နဲ့ ရေချိုးဖို့အတွက်လောက်သာ သုံးစွဲကြတာ ဖြစ်ပါတယ်။

ဒါပေမယ့် နောက်ပိုင်းမှာ အမှိုက်ပစ်ရာနေရာဖြစ်လာခဲ့ပြီး ဂျကာတာပင်လယ်အော်အထိ စီးဆင်းမှုကိုပါ အနှောက်အယှက်ဖြစ်ခဲ့ပါတယ်။ ဒါ့ကြောင့် ဂရိတ်တားဂျကာတာဒေသရဲ့ ရေ၀ပ်ဧရိယာတွေမှာ ရေလျှံမှုတွေကို ဖြစ်စေပြီး လွန်ခဲ့တဲ့ နှစ်ပေါင်း ၃၀ အတွင်းမှာ ၄ မီတာလောက်အထိ ရေမြုပ်လေ့ရှိပါတယ်။

ဂျကာတာအုပ်ချုပ်ရေးမှူး ဘာဆီကီ ဂျာဟာဂျာ ပူရ်နာမာက မြစ်ရေ ကောင်းကောင်းစီးဆင်းနိုင်ဖို့အတွက် မြစ်ကမ်းနံဘေးက ကျူးကျော်တွေကို ရွှေ့ပြောင်း နေရာချထားပေးခဲ့ပါတယ်။

Depok Ciliwung အဖွဲ့ကိုတည်ထောင်သူ သောင်ဖစ်က် ဒဲဆိုက မိမိတို့အဖွဲ့အနေနဲ့ ဒီမြစ်ကို သန့်ရှင်းပေးတာက ဒီပြဿနာအပေါ် အစိုးရရဲ့အာရုံစိုက်မှု ပိုရစေဖို့ မျှော်လင့်တယ်လို့ ပြောကြားခဲ့ပါတယ်။

ဂျကာတာရေဆိုးသန့်ရှင်းရေး ဌာနကတော့ သူတို့ဌာနက ၀န်ထမ်းပေါင်း ၄၀၀၀ လောက်ဟာ လူပေါင်း ၁၀ သန်းရှိတဲ့ ဂျကာတာမြို့က မြစ်ပေါင်း ၁၃ စင်းနဲ့ ချောင်းမြောင်းရာပေါင်းများစွာက အမှိုက်တွေကို ရှင်းနေရတယ်လို့ ဆိုပါတယ်။

Ciliwung မြစ်၏ တစ်နေရာ

လက်ရှိအချိန်မှာ Ciliwung မြစ်ပေါ်က အမှိုက်သရိုက်တွေ တော်တော်လေးရှင်းသွားပေမယ့် ရေအရည်အသွေး မြင့်တက်လာဖို့ဆိုရင်တာ့ မြစ်ထဲအမှိုက်စွန့်ပစ်သူတွေကို အရေးယူနိုင်မယ့် လက်ရှိ ဥပဒေတွေကို အားကောင်းအောင်လုပ်ဖို့ လိုတယ်လို့ သဘာဝပတ်ဝန်းကျင်ပညာရှင်တွေက ထောက်ပြထားပါ
တယ်။

“မြစ်ထဲကို အညစ်အကြေးစွန့်ပစ်တဲ့ ကုမ္ပဏီက နည်းတယ်လို့ တွေ့ရပေမယ့် ဒီကုမ္ပဏီတွေဟာ သူတို့ရဲ့ လုပ်ငန်းတွေကို ဆက်လက် လုပ်ဆောင်နိုင်ပါသေးတယ်” လို့ အင်ဒိုနီးရှား သဘာဝပတ်ဝန်းကျင်ဆိုင်ရာ ဖိုရမ်က တာဝန်ရှိသူ ဒီဝီ ဆာဝွန်က ပြောကြားခဲ့ပါတယ်။

Ref: Straits Times