အာရဘီစကားကို မိခင်ဘာသာ စကားကဲ့သို့ ကျွမ်းကျင်တဲ့ တရုတ်အမျိုးသမီး

ဇန်နဝါရီ ၂ ၊ ၂၀၁၇
M-Media

ဆော်ဒီနိုင်ငံဖွား တရုတ်အမျိုးသမီးတစ်ဦးသည် တရုတ်နှင့် အာရပ်လူမျိုးတို့အား အရေး၊ အဖတ်၊ အပြော သင်ကြားခြင်းဖြင့် အာရဘီဘာသာစကားကို အသက်သွင်းလျက်ရှိသည်။

ဟိုင်နန်ပြည်နယ် တောင်ဖက်စွန်းဒေသ တရုတ်မွတ်စ်လင်မ်မိဘနှစ်ပါးမှ မွေးဖွားလာသူ အိုင်ယာစအီးဒ်သည် သူမ၏မိသားစု ကူဝိတ်သို့ မပြောင်းရွှေ့မီ ဆော်ဒီအာရေဗျတွင် ကြီးပြင်းခဲ့သည်။ ယခုအခါ သူမသည် ကူဝိတ်တွင် စာသင်ကြားသူအဖြစ် လုပ်ကိုင်နေသည်။

“ကျွန်မရဲ့မိဘတွေက ကျွန်မတို့ကို ကျမ်းမြတ်ကုရ်အာန် သင်ပေးနေစဉ်မှာ ကျွန်မ အာရဘီဘာသာစကားကို စတင် လေ့လာခဲ့တယ်။ နှစ်အတန်ကြာအောင် ကျွန်မဟာ ဒီဘာသာစကားထဲ မွေ့လျော်နေခဲ့တယ်။ အခုဆိုရင် အာရပ်နဲ့ တရုတ်ကျောင်းသူကျောင်းသား နှစ်မျိုးစလုံးကို ပြန်လည်သင်ကြားပေးနေပါတယ်” ဟု သူမက Al Arabiya’s morning show သို့ ပြောပြသည်။

နွေရာသီကာလအတွင်း အိုင်ယဟ်သည် တရုတ်ပြည်သို့သွားရောက်ကာ အာရပ်ဒေသနှင့်ပတ်သက်၍ စိတ်ဝင်စားသူများအား ယင်းဘာသာစကားကို သင်ကြားပေးလေ့ရှိ၏။ နိုင်ငံရပ်ခြားကျောင်းသားများက ဤဘာသာစကားကို လေ့လာခြင်း၌ ပိုမိုအလေးထားကြောင်းကို “သူတို့ဟာ ဒီဘာသာစကားအပေါ် မဖော်ပြနိုင်လောက်အောင် စိတ်အားထက်သန်ကြတယ်။ ဘယ်လောက်အထိလဲဆိုရင် စကားလုံးတစ်လုံးချင်းစီရဲ့ အသံထွက်ကို အတိအကျ ရအောင် လေ့လာခြင်းမှာ စိတ်ပါဝင်စားမှု ရှိနေပါတယ်” ဟု သူမက ဆိုသည်။

အာရဘီဘာသာစကားကို ပြေပြစ်ကျနစွာ ပြောဆိုနိုင်သော နိုင်ငံခြားသားတစ်ဦးအား ရှာတွေ့နိုင်ဖို့ ခက်ခဲလွန်းလှသည်။ ယခုသော် ကူဝိတ်ပြည်သူ့ကျောင်းများတွင် ၎င်းတို့၏မိခင်ဘာသာစကားကို တရုတ်အမျိုးသမီးတစ်ဦးက သင်ကြားပေးနေလေပြီ။

“စလျှင်စချင်း ကျွန်မရဲ့ ကျောင်းသူငယ်လေးတွေက ကျွန်မလို ပုံသဏ္ဍာန်နဲ့ အာရဘစ်ကို ပြောဆိုနေတာတွေ့တော့ တော်တော် လန့်ဖျပ်သွားကြတယ်လေ” ဟု အလ်အာရေဗီးယားသတင်းဋ္ဌာနအား ကူဝိတ်လေသံသုံးကာ အာရဘီစကားဖြင့် ကျနသေသပ်စွာ ပြောကြားသည်။

သူမ၏လေယူလေသိမ်းအကြောင်း မေးမြန်းသောအခါ သူမသည် ဘာသာစကားအသုံးအနှုန်းနှင့် ၎င်း၏နောက်ကွယ်မှ အယူအဆများအား အထူးအာရုံစိုက်လေ့လာ မပျက်ကြောင်း ရှင်းပြ၏။

“ကျွန်မ ရောက်နေတဲ့ ဘယ်အသိုင်းအ၀ိုင်းမှာဖြစ်စေ အာရဘီဘာသာစကားကို အသုံးပြုဖို့၊ လေ့ကျင့်ဖို့ အရေးကြီးတဲ့အကြောင်း ကျွန်မ အမြဲနှလုံးသွင်းပါတယ်။ တရုတ်ပြည်ကလေဆိပ်တစ်ခုမှာ ခရီးသွားအစီအစဉ်နဲ့ပတ်သက်လို့ အခက်အခဲတစ်ချို့ဖြစ်နေတဲ့ အာရပ်မိသားစုတစ်စုကို ဆုံရတယ်။ ကျွန်မတို့က ဟိဂျာ့ဗ် ဆင်ယင်ထားတာကိုတွေ့တော့ ကျွန်မတို့ဆီ သူတို့ လာကြတယ်။ သူတို့က ကျွန်မတို့ကို ဋ္ဌာန်ကရိုဏ်းမကျတဲ့ အင်္ဂလိပ်စကားနဲ့ ပြောဆိုတယ်။ ကျွန်မတို့က အာရဘီစကားနဲ့ပြန်လည်အဖြေပေးတဲ့အခါ သူတို့ခမျာ အသံမထွက်နိုင်လောက်အောင် အံ့သြမှင်သက်နေခဲ့ကြပါတယ်။ ဒါပေမယ့် သူတို့က အင်္ဂလိပ်လိုပဲ တွန်းပြောနေတော့ ရယ်စရာဖြစ်ကုန်တယ်။ ဘာကြောင့်လဲဆိုရင် အာရှသားတစ်ဦးက သူတို့ရဲ့ဘာသာစကားကို ဒီလောက်ထိ ပီပီသသ ပြောဆိုနိုင်လိမ့်မယ်လို့ ဘယ်လိုမှ လက်ခံလို့မရနိုင်လို့ပါတဲ့ရှင်” ဟူ၍ ရယ်ရယ်မောမောနှင့် ပြောပြခဲ့လေသည်။

Ref : Al Arabiya