လူ ၃၀ ကျော်သေဆုံးခဲ့သည့် ဘဂ္ဂဒတ်ကားဗုံးကွဲမှု IS လက်ချက်ဖြစ်

ဇန်န၀ါရီ ၂၊ ၂၀၁၇
M-Media

– အီရတ်နိုင်ငံ ဘဂ္ဂဒတ်မြို့ရှိ လူစည်ကားရာ ဆဒါရ်စီးတီးရပ်ကွက်တွင် အသေခံကားဗုံးခွဲမှုတစ်ခု ယနေ့တွင် ဖြစ်ပွားခဲ့သောကြောင့် အနည်းဆုံး လူ ၃၉ ဦး သေဆုံးခဲ့ပြီး IS အကြမ်းဖက်အဖွဲ့က ၎င်းတို့၏ လက်ချက်ဖြစ်သည်ဟု ကြေငြာခဲ့သည်။

ဗုံးခွဲသမားမှာ ပစ်ကက်ကားတစ်စီးကို ဟင်းရွက်ဈေးအပြင်ဘက်တွင် ပါကင်ထိုးကာ ဖောက်ခွဲခဲ့ခြင်းဖြစ်ပြီး အလုပ်သမားများနှင့် ရဲကင်းစခန်းတစ်ခုတို့ ထိခိုက်မိသည်ဟု ရဲတပ်ဖွဲ့ဝင်တစ်ဦးက ပြောကြားခဲ့သည်။

ဘဂ္ဂဒတ်မြို့မှာ ပြီခဲ့သည့် သီတင်းပတ်အနည်းငယ်အတွင်း အကြမ်းဖက်တိုက်ခိုက်မှုများ တစ်ကျော့ပြန်ဖြစ်ပွားရာနေရ ဖြစ်လာခဲ့ပြီး၊ စနေနေ့က လူ ၂၇ ဦးသေဆုံးခဲ့သည့် ဘဂ္ဂဒတ်မြိှု့လယ်ကောင် တိုက်ခိုက်မှုကိုလည်း IS က တာဝန်ယူခဲ့သည်။

အမေရိကန်ကျောထောက်နောက်ခံပြုထားသည့် အီရတ်တပ်ဖွဲ့မှာ နိုင်ငံမြောက်ပိုင်းမှ IS ၏ နောက်ဆုံး ခြေကုပ်မြို့ မူဆိုးလ်ကို အောက်တိုဘာ ၁၇ ရက်နေ့ကတည်းက ထိုးစစ်ဆင်မှုများ ပြုလုပ်နေပြီး လက်ရှိတွင် မြို့၏ ၄ ပုံ ၁ ပုံကို သိမ်းယူထားနိုင်သည်။

Ref: Aljazeera