အမျိုးသမီးများ စော်ကားခံရမှုမှာ သရုပ်ပျက်အ၀တ်အစားကြောင့်ဟု အိန္ဒိယ၀န်ကြီးပြော

ဇန်န၀ါရီ ၃၊ ၂၀၁၇
M-Media

– နိုင်ငံအတွင်း မိန်းကလေးများ လိင်ပိုင်းဆိုင်ရာ စော်ကားခံရမှု၏ အကြောင်းအရင်းမှာ အနောက်တိုင်းဆန်ဆန် ၀တ်စားမှုကြောင့်ဖြစ်သည်ဟု ကာရ်နာတာကာပြည်နယ် ပြည်ထဲရေးဝန်ကြီး ဂျီ ပါရာမက်ရ်ှဝါရာက ပြောကြားလိုက်ပြီး ထိုမှတ်ချက်ကြောင့် ဝေဖန်မှုများကိုလည်း ပြင်းပြင်းထန်ထန် ခံနေရသည်။

နှစ်သစ်ကူးညတွင် ပြည်နယ်မြို့တော် ဘန်ဂလောရ်၌ အမျိုးသမီးများ လိင်ပိုင်းဆိုင်ရာ အနှောက်အယှက်ပြုခံရမှု ကျယ်ကျယ်ပြန့်ပြန့်ဖြစ်ပွားခဲ့သည်ဆိုသော သတင်းများနှင့်ပတ်သက်၍ ၀န်ကြီးက ထိုကဲ့သို့ ပြောကြားခဲ့ခြင်းဖြစ်သည်။

“သူတို့တွေဟာ အနောက်တိုင်းသားတွေရဲ့ တွေးခေါ်မှုကိုသာမဟုတ်ဘဲ အ၀တ်အစားကိုပါ အတုခိုးကြတာ။ (ဒါ့ကြောင့်) မိန်းကလေးတွေ နှောက်ယှက်ခံရတာမျိုးက ဖြစ်မှာပဲဗျ”

ပါရာမက်ရ်ှဝါရာမှာ ထိုပြောကြားမှုကြောင့် ပြင်းပြင်းထန်ထန် ဝေဖန်ခံနေရသည်။

အိန္ဒိယနိုင်ငံလုံးဆိုင်ရာ အမျိုးသမီးကော်မရှင် အကြီးအကဲ လာလီသာ ကူမာရာမန်ဂါလမ်က ၀န်ကြီးအနေဖြင့် ထိခိုက်ခံစားရသူများအား တောင်းပန်ကာ ရာထူးမှ နှုတ်ထွက်သင့်သည်ဟု ပြောကြားခဲ့သည်။

“ပျော်ပွဲရွှင်ပွဲနေ့တွေမှာ အနောက်တိုင်းအ၀တ်စားနဲ့ အမျိုးသမီးတွေကိုမြင်ရင် မနေနိုင်မထိုင်နိုင် ဖြစ်ရလောက်အောင် အိန္ဒိယအမျိုးသားတွေက အရမ်းစိတ်နုနေကြပြီလားလို့ ၀န်ကြီးကို ကျွန်မ မေးချင်ပါတယ်”

၂၀၁၂ ခုနှစ်တွင် နယူးဒေလီရှိ ဘတ်စ်ကားပေါ်တွင် အမျိုးသမီးငယ်တစ်ဦး အုပ်စုဖွဲ့အဓမ္မပြုကျင့်ခံရကာ သေဆုံးခဲ့ပြီးနောက် အိန္ဒိယနိုင်ငံတွင် အမျိုးသမီးများအပေါ် အကြမ်းဖက်မှုမှာ နိုင်ငံတကာ စာမျက်နှာသို့ ရောက်ရှိလာခဲ့သည်။

နှစ်သစ်ကူးညတွင် ဘန်ဂလောရ်၌ ဖြစ်ပွားခဲ့သည့် လိင်ပိုင်းဆိုင်ရာ နှောက်ယှက်မှုများအတွက် ရဲတပ်ဖွဲ့က မည်သူကိုမှ တရားစွဲဆိုခြင်း မပြုသေးသော်လည်း၊ လုံခြုံရေးကင်မရာပုံရိပ်များမှ ကျူးလွန်သူများကို ရှာဖွေနေသည်ဟု ဆိုသည်။

Ref: Aljazeera