မြန်မာနိုင်ငံတွင် တိုက်ခိုက်မှုပြုလုပ်ရန် စီစဉ်နေသူ IS အကြမ်းဖက်သမားကို မလေးရှား ဖမ်းဆီး

ဇန်န၀ါရီ ၄၊ ၂၀၁၇

• အမေရိက

M-Media

– မြန်မာနိုင်ငံသို့လာရောက်ကာ တိုက်ခိုက်မှုပြုလုပ်ရန် စီစဉ်နေသည့် IS အကြမ်းဖက်အဖွဲ့ဝင်တစ်ဦးဟု သံသယရှိသူကို မလေးရှားအာဏာပိုင်များက ဖမ်းဆီးလိုက်သည်ဟု နိုင်ငံ၏ အကြမ်းဖက်တိုက်ဖျက်ရေး အကြီးအကဲ အယွဘ်ခန်း မိုင်ဒင် ပစ်ချေးက ပြောကြားလိုက်သည်။

အင်တာဗျူးတစ်ခုတွင် ထိုကဲ့သို့ ပြောကြားလိုက်ခြင်းဖြစ်ပြီး ဖိနှိပ်ခံ ရိုဟင်ဂျာမွတ်စလင်များဘက်မှ ရပ်တည်သည့် နိုင်ငံရပ်ခြား IS အကြမ်းဖက်သမားများ၏ ခြိမ်းခြောက်မှုအန္တရာယ်ကို မြန်မာနိုင်ငံက တိုးမြှင့်ရင်ဆိုင်နေရသည်ဟုလည်း ထည့်သွင်းပြောဆိုခဲ့သည်။

ယခုသံသယရှိသူမှာ အင်ဒိုနီးရှားနိုင်ငံသားတစ်ဦးဖြစ်ပြီး ပြီးခဲ့သည့်လက ထိန်းသိမ်းခံခဲ့ရခြင်း ဖြစ်သည်။ ၎င်းကို အကြမ်းဖက်အုပ်စုများနှင့် ဆက်နွယ်သည့် လက်နက်ပစ္စည်းများ ပိုင်ဆိုင်မှုဖြင့် ယနေ့တွင် တရားစွဲဆိုခဲ့ပြီး ပြစ်မှုထင်ရှားပါက ထောင်ဒဏ် ၇ နှစ် သို့မဟုတ် ဒဏ်ငွေကျခံရမည်ဟု အယွဘ်ခန်းက ဆိုသည်။

ထို့ပြင် အခြားစစ်သွေးကြွများမှာလည်း ရိုဟင်ဂျာပြဿနာကို အသုံးချကာ ၎င်း၏ ခြေရာကို လိုက်နင်းနိုင်သည်ဟု သတိပေးခဲ့သည်။

“သူဟာ ရခိုင်ပြည်နယ်က ရိုဟင်ဂျာလူမျိုးစုအတွက် မြန်မာအစိုးရကို တိုက်ခိုက်ဖို့၊ မြန်မာနိုင်ငံမှာ ဂျီဟတ်လုပ်ဖို့ စီစဉ်နေတာပါ”

လုံခြုံရေးဆိုင်ရာ ကျွမ်းကျင်သူများက ရခိုင်ပြည်နယ်မှ ရိုဟင်ဂျာပြဿနာမှာ အရှေ့တောင်အာရှအတွင်း ၎င်းတို့၏ ကွန်ယက်ကို ချဲ့ထွင်ရေး အကြမ်းဖက်သမားများအတွက် အသုံးချစရာဖြစ်နေသည်ဟု သတိပေးထားသည်။

အင်ဒိုနီးရှား၊ မလေးရှားနှင့် ဖိလစ်ပိုင်တို့မှ အများစုပါအ၀င် အရှေ့တောင်အာရှမှ မွတ်စလင်များမှာ IS အကြမ်းဖက်အဖွဲ့နှင့် ပူးပေါင်းရန်အတွက် အရှေ့အလယ်ပိုင်းသို့ သွားရောက်ခဲ့ကြသည်။

ပြီးခဲ့သည့်နှစ်အတွင်း IS မှာ အင်ဒိုနီးရှား၊ မလေးရှားနှင့် ဖိလစ်ပိုင်တို့တွင် အကြမ်းဖက်တိုက်ခိုက်မှုများစွာ ပြုလုပ်ခဲ့သည်။

“(နိုင်ငံရပ်ခြားက) မွတ်စလင်တွေဟာ IS ဒါမှမဟုတ် အခြားအဖွဲ့တွေရဲ့ အဖွဲ့ဝင်တွေအဖြစ် မြန်မာနိုင်ငံကိုသွားပြီး ရိုဟင်ဂျာမွတ်စလင်တွေကို ကူညီဖို့ နည်းလမ်းရှာနိုင်ချေ မြင့်မားနေပါတယ်” ဟု အယွဘ်ခန်းက ပြောကြားခဲ့သည်။

မြန်မာနိုင်ငံသို့သွားရောက်ကာ တိုက်ခိုက်မှုပြုလုပ်ရန် ကြံစည်သူမှာ အင်ဒိုနီးရှားနိုင်ငံ ဆူလာဝေစီကျွန်းသို့ လက်နက်မှောင်ခိုတင်ပို့ရန် စီစဉ်မှုတွင်လည်း ပါဝင်ပြီး ၎င်းအပါအ၀င် IS နှင့် ဆက်နွယ်သည်ဟု သံသယရှိသူ ၇ ဦးကို မလေးရှားက ဖမ်းဆီးခဲ့ခြင်းဖြစ်သည်။

စက်ရုံအလုပ်သမားဖြစ်သူ ၎င်းမှာ ၂၀၁၄ ခုနှစ်ကတည်းက မလေးရှားသို့ ရောက်ရှိခဲ့ခြင်ဖြစ်ပြီး မြန်မာနိုင်ငံမှ အဆက်သွယ်ကိုရှာနေကြောင်း၊ ပြီးခဲ့သည့်ဇွန်လက မလေးရှား အရက်ဘားတစ်ခုကို လက်ပစ်ဗုံးဖြင့် တိုက်ခိုက်မှုမှာ IS က ပြုလုပ်ခြင်းဖြစ်သည်ဟု ပြောကြားခဲ့သော ဆီးရီးယားအခြေစိုက် မလေးရှားစစ်သွေးကြွ မိုဟာမက် ၀မ်ဒီ မိုဟာမက် ဂျေဒီနှင့် အဆက်အသွယ်ရှိနေကြောင်း အယွဘ်ခန်းက ထပ်လောင်း ပြောကြားခဲ့သည်။

Ref: CNA