မလေးရှားမှ ရခိုင်သို့ အကူအညီပေးပို့ရေးအစီအစဉ် ရက်ရွှေ့ဆိုင်း

ဇန်န၀ါရီ ၆၊ ၂၀၁၇
M-Media

ယမန်နေ့ သတင်းစာရှင်းလင်းပွဲတွင် တွေ့ရသည့် ဘုန်းတော်ကြီး ကေ စရီ ဓမ္မရတ္တနာ

– ရခိုင်ပြည်နယ်ရှိ လူ့အဖွဲ့အစည်းနှစ်ခုစလုံးအတွက် သင်္ဘောများဖြင့် မလေးရှားနိုင်ငံမှ အကူအညီများပေးပို့မှု အစီအစဉ်ကို ရက်ရွှေ့ဆိုင်းလိုက်သည်ဟု ထိုလှုပ်ရှားမှုကို ဆောင်ရွက်နေသည့် အန်ဂျီအိုများက ပြောကြားလိုက်သည်။

မလေးရှားရှိ အစိုးရမဟုတ်သောအဖွဲ့များ ပူးပေါင်းစီစဉ်သည့် အဆိုပါ အကူအညီပေးရေး သင်္ဘောအုပ်စုကို ဇန်န၀ါရီ ၁၀ ရက်နေ့တွင် စတင်ထွက်ခွာရန် စီစဉ်ထားခဲ့သော်လည်း ထွက်ခွာမည့်နေ့ကို ယခုလကုန်ပိုင်းသို့ ရွှေ့ခဲ့သည်ဟု ယမန်နေ့က ပြုလုပ်ခဲ့သော သတင်းစာရှင်းလင်းပွဲတွင် ဦးဆောင်စီစဉ်သူ Putera 1Malaysia Club အဖွဲ့က ပြောကြားခဲ့သည်။

၎င်းတို့မှာ မြန်မာရေပိုင်နက်အတွင်းသို့ ၀င်ရောက်ရန်အတွက် ဒီဇင်ဘာ ၁၂ ရက်နေ့က စာဖြင့် ခွင့်ပြုချက် တောင်းခံခဲ့သော်လည်း မြန်မာအစိုးရက ခွင့်ပြုခြင်း မရှိသေးပေ။ သို့သော်လည်း စီစဉ်သူများကမူ ၎င်းတို့အနေဖြင့် ခွင့်ပြုချက် ရသည်ဖြစ်စေ၊ မရသည်ဖြစ်စေ ဆက်လက်ဆောင်ရွက်သွားမည်ဖြစ်ပြီး၊ မြန်မာနိုင်ငံမှ ပူးပေါင်းဆောင်ရွက်မှု မရှိပါက ဘင်္ဂလားဒေ့ရ်ှဘက်တွက် ဆိုက်ကပ်သွားမည်ဟု ဆိုသည်။

“ကျွန်တော်တို့က အကြမ်းဖက်သမားလည်းမဟုတ်ဘူး။ သူတို့ကိုတိုက်ဖို့ သွားမှာလည်းမဟုတ်ဘူး။ သူတို့ပြဿနာကို ဖြေရှင်းပေးဖို့သွားမှာဗျ။ လူသားချင်းစာနာထောက်ထားမှု အစီအစဉ်ကနေ သူတို့အတွက် ကူညီရေးမှာ သူတို့ပါဝင်လာဖို့ ကျွန်တော်တို့က ခခယယ ပြောနေတာ” ဟု ထိုအစီအစဉ်တွင် ပါဝင်လှုပ်ရှားနေသူ မစ္စတာ အဘ်ဒူလ် အဇစ်က ပြောကြားခဲ့သည်။

ထို့ပြင် ထိုအကူအညီပေးရေး လှုပ်ရှားမှုကို စီစဉ်သူများကမူ မိမိတို့မှာ ရည်ရွယ်ချက်ကောင်းဖြင့် ဆောင်ရွက်ခြင်းဖြစ်သည်ဟုဆိုသည်။

“မြန်မာနိုင်ငံရဲ့ အချုပ်အခြာကို စိန်ခေါ်ဖို့ ရည်ရွယ်ချက်လည်း မရှိဘူး။ တိုင်းပြည်ကို စော်ကားဖို့လည်း အစီအစဉ်မရှိဘူး။ ကျွန်တော်တို့ဟာ အာဆီယံမိသားစုဝင်တွေပါ” ဟု MAPIM အဖွဲ့မှ ဥက္ကဌ မစ္စတာ မိုဟာမက် အဇ်မီ အဘ်ဒူလ် ဟာမစ်က ပြောကြားခဲ့သည်။

ရခိုင်ပြည်နယ်သို့ ထိုကဲ့သို့ အကူအညီပေးမည့်အစီအစဉ်ကို ကွာလာလမ်ပူရှိ အကြီးဆုံး ဗုဒ္ဓဘာသာဘုန်းကြီးကျောင်းမှ သြဇာကြီးမားသော ဆရာတော် ကေ စရီ ဓမ္မရတ္တနာကလည်း ထောက်ခံခဲ့သည်။

“လျှို့ဝှက်ထားတာ ဘာမှမရှိဘူး။ အကြမ်းဖက်မှုလည်းမဟုတ်ဘူး။ ဘုန်းကြီးတို့လုပ်နေတာက တကယ့် စိတ်ရင်းစေတနာအမှန်နဲ့ပါ” ဟု ဆရာတော်က မိန့်ကြားခဲ့သည်။

ယခုအစီအစဉ်တွင် အင်ဒိုနီးရှား၊ ထိုင်းနှင့် ဖိလစ်ပိုင်နိုင်ငံတို့မှ အန်ဂျီအိုအဖွဲ့များလည်း ပူးပေါင်းပါဝင်နေသည်။

မစ္စတာ အဘ်ဒူလ် အဇစ်ကမူ မိမိတို့တွင် တန်ပေါင်း ၂၀၀၀ ခန့်ရှိသည့် အကူအညီများ အဆင်သင့်ရှိနေပြီး ရခိုင်ပြည်နယ်ရှိ မွတ်စလင်များနှင့် မွတ်စလင်မဟုတ်သူ လူ့အဖွဲ့အစည်းနှစ်ခုစလုံးကို ပေးအပ်သွားမည်ဟု ပြောကြားခဲ့သည်။

Ref : CNA