အခွင့်အရေးမမျှတမှုကြောင့် အိုက်ဗရီကို့စ်နိုင်ငံတွင် တပ်တွင်းပုန်ကန်မှုဖြစ်ပွား

ဇန်န၀ါရီ ၆၊ ၂၀၁၇
M-Media

– စစ်တပ်အတွင်း အခွင့်အရေးများနည်းပါးမှုကို မကျေနပ်သည့်အတွက် အိုက်ဗရီကို့စ်နိုင်ငံရှိ မြို့သုံးမြို့တွင် စစ်သားဟောင်းများက ပုန်ကန်ခဲ့ကြသည်ဟု သိရသည်။

ယမန်နေ့က နိုင်ငံ၏ ဒုတိယအကြီးဆုံးမြို့ ဘူအာကေးတွင် စတင်ဖြစ်ပွားခဲ့ခြင်းဖြစ်ပြီး လက်နက်ကြီးများဖြင့် ပစ်ခတ်သည်အထိ ဖြစ်ခဲ့သည်။ အဆိုပါမြို့မှာ ၂၀၁၀ ခုနှစ် ရွေးကောက်ပွဲအပြီးနောက်ပိုင်း ဖြစ်ပွားခဲ့သည့် ပြည်တွင်းစစ်တွင် သူပုန်များ ကြီးစိုးရာမြို့ ဖြစ်ခဲ့သည်။

နောက်ပိုင်းတွင် မြို့ငယ်များဖြစ်သော ဒါလိုအာနှင့် ကိုရ်ဟိုဂိုတို့တွင်လည်း စစ်တပ်ကို ပုန်ကန်များ ဖြစ်ပွားခဲ့သည်။ နိုင်ငံအနောက်ပိုင်း ဒါလိုအာမြို့ရှိ စစ်စခန်းတစ်ခုတွင် ပစ်ခတ်မှု ဖြစ်ပွားခဲ့သည်ဟု သတင်းများ ထွက်ပေါ်ခဲ့သည်။

အိုက်ဗရီကို့စ် ကာကွယ်ရေးဝန်ကြီး အေလာအင် ရစ်ချက် ဒွန်ဝါဟီကမူ ပုန်ကန်သူများမှာ တောင်းဆိုချက်များကို တိတိကျကျ မပြောသေးဘဲ လစာတိုးမြှင့်ရန်နှင့် ဘောက်ဆူးများပေးရန် တောင်းဆိုနေကြသည်ဟု ပြောကြားခဲ့သည်။

ဘူအာကေးမြို့အား ထိန်းချုပ်နိုင်ရန်အတွက် လက်ရှိတာဝန်ထမ်းဆောင်နေသည့် စစ်သားများကလည်း ပုန်ကန်သည့် စစ်သားဟောင်းများနှင့် သွားရောက်ပူးပေါင်းမှု ရှိနေသည်။ ပုန်ကုန်သူများမှာ ဘူအာကေးရှိ ရဲစခန်းများကို ကြာသာပတေးနေ့က ၀င်ရောက်စီးနင်းကာ လက်နက်များ ရယူခဲ့ပြီး မြို့တွင်းသို့ ၀င်ရောက်သည့် နေရာများတွင် တပ်စွဲထားသည်။

ပုန်ကန်သည့် စစ်သားဟောင်းများမှာ လိုက်ဘေးရီးယားတွင် တာဝန်ထမ်းဆောင်ခဲ့ပြီးနောက် အိုက်ဗရီကို့စ်ပြည်တွင်းစစ်ကြောင့် နိုင်ငံသို့ပြန်လာကာ တည်ငြိမ်အေးချမ်းရေးကို ဆောင်ရွက်ခဲ့သူများ ဖြစ်သည်။ ၎င်းတို့ကမူ တာဝန်ထမ်းဆောင်မှုအတွက် မည်သည့်လခမှ မရဟု ပြောကြားခဲ့ကြသည်။

Ref: Aljazeera