ငြိမ်းချမ်းရေးဆွေးနွေးပွဲအတွက် အသင့်ရှိသည်ဟု ဆီးရီးယားသမ္မတပြော

ဇန်န၀ါရီ ၉၊ ၂၀၁၇
M-Media

– ဆီးရီးယားသမ္မတ ဘာရှာ အလ်-အာဆတ်က ၎င်းတို့အစိုးရအနေဖြင့် လာမည့် ငြိမ်းချမ်းရေးဆွေးနွေးပွဲတွင် မည်သည့်အရာကို မဆို ညှိနှိုင်းဆွေးနွေးရန် အသင့်ရှိနေသည်ဟု ယနေ့တွင် ပြောကြားလိုက်သည်။

ရုရှားနှင့် တူရကီတို့က ကမကထပြုသည့် အဆိုပါ ငြိမ်းချမ်းရေးဆွေးနွေးပွဲကို ဇန်န၀ါရီနှောင်းပိုင်းတွင် ကာဇက်စတန်နိုင်ငံ အစ္စတာနာမြို့တွင် ပြုလုပ်ရန် ရှိနေခြင်းဖြစ်သည်။

ပြင်သစ်ဂျာနယ်လစ်များနှင့် အင်တာဗျူးတွင် အာဆတ်က အခြားတစ်ဖက်တွင် မည်သူများ ပါဝင်မည်ဆိုသည့် ကိစ္စအပါအ၀င် ဆွေးနွေးပွဲအတွက် မေးခွန်းများစွာ ရှိနေသေးသည်ဟု ပြောကြားခဲ့သည်။

ဆီးရီးယားသို့ အလယ်အပတ်ရောက်ရှိနေသည့် ပြင်သစ်နိုင်ငံရေးသမားများထဲမှ တစ်ဦးဖြစ်သူ သီယာရီ မာရီယာနီကလည်း အာဆတ်အနေဖြင့် အကြမ်းဖက်အုပ်စုများမှလွဲ၍ အစိုးရအား ဆန့်ကျင်တိုက်ခိုက်နေသည့် သူပုန်အုပ်စု အားလုံးနှင့် ဆွေးနွေးရန် ဆန္ဒရှိနေကြောင်း၊ သူပုန်များ လက်နက်စွန့်လွှတ်ပါက ပြန်လည်ရင်ကြားစေရေး ဆောင်ရွက်ရန် အဆင်သင့်ရှိနေကြောင်း ပြောကြားခဲ့သည်။

Ref : Aljazeera