အိန္ဒိယမှ ၁၄ နှစ်အရွယ် ကျောင်းသားလေး မိုင်းရှင်းဒရုန်းကို တီထွင်နိုင်ခဲ့

ဇန်န၀ါရီ ၁၆၊ ၂၀၁၇
M-Media

၎င်းတီတွင်ထားသည့် မိုင်းရှင်းဒရုန်းကို သရုပ်ပြနေသည့် ဟာရ်ှဝါဒန် ဇာလာ

– အိန္ဒိယမှ အသက် ၁၄ နှစ်အရွယ် ကျောင်းသားတစ်ဦးမှာ မြေမြှုပ်မိုင်းရှင်းလင်းရေး ဒရုန်းတစ်ခုကို တီထွင်ခဲ့ပြီးနောက် အစိုးရက စီးပွားဖြစ်ထုတ်လုပ်ရန်အတွက် ၎င်းနှင့် စာချုပ်ချုပ်ခဲ့သည်ဟု သိရသည်။

နိုင်ငံအနောက်ပိုင်း ဂူဂျာရတ်ပြည်နယ်မှ ဟာရ်ှဝါဒန် ဇာလာ အမည်ရှိ ၁၀ တန်းကျောင်းသားဖြစ်ပြီး မြေမြှုပ်မိုင်းများကြောင့် စစ်သားများ ထိခိုက်ဒဏ်ရာရမှု မြင့်မားနေသည့်သတင်းကို ကြားခဲ့ရပြီးနောက် အဆိုပါဒရုန်းကို တီထွင်ရန် စိတ်ကူးရခဲ့ခြင်းဟု ဖွင့်ဟခဲ့သည်။

လက်ရှိတွင် ၎င်းမှာ နမူနာတစ်ခုကို ထုတ်လုပ်ထားပြီး ဇန်န၀ါရီ ၁၀ ရက်နေ့မှ ၁၇ ရက်နေ့အထိ ကျင်းပမည့် စီးပွားရေးအခွင့်အလမ်းများပြပွဲ Vibrant Gujarat တွင် အဆိုပါဒရုန်းကို စီးပွားဖြစ် ထုတ်လုပ်ရန်အတွက် အစိုးရ၏ ဂူဂျာရတ် သိပ္ပံနှင့် နည်းပညာဌာနနှင့် ရူပီး ၅ ကုဋေတန် သဘောတူစာချုပ်ကို ချုပ်ဆိုနိုင်ခဲ့သည်။

ဇာလာမှာ အဆိုပါ မြေမြှုပ်မိုင်းရှင်း ဒရုန်းကို ၂၀၁၆ ခုနှစ်က တီထွင်ခဲ့ခြင်းဖြစ်ပြီး ရူပီး ၅ သိန်း (ကန်ဒေါ်လာ ၇၃၀၀) ကျသင့်ခဲ့ကာ အစိုးရကလည်း တစ်စိတ်တစ်ပိုင်း အကုန်အကျခံခဲ့သည်။

ဒရုန်းတွင် အနီအောက်ရောင်ခြည်၊ RGB ဆင်ဆာ၊ အပူချိန်တိုင်းမီတာ၊ ၂၁ မီဂါပစ်ဆဲလ် ကင်မရာတို့ ပါဝင်သည်။

“အဲဒီဒရုန်းဟာ မြေမြှုပ်မိုင်းတွေကို ဖျက်ဆီးနိုင်ပြီး အလေးချိန် ၅၀ ဂရမ်ရှိတဲ့ ဗုံးတစ်လုံးကို သယ်ဆောင်နိုင်ပါတယ်” ဟု ဇာလာက ပြောကြားခဲ့သည်။

ယခင်က မိုင်းရှင်းစက်ရုပ်ကို တီထွင်ခဲ့သော်လည်း အလွန်လေးပြီး မိုင်းဖြင့် ပေါက်ကွဲပျက်ဆီးနိုင်သောကြောင့် ဒရုန်းကို ပြောင်းလဲတီထွင်ခဲ့ခြင်းကြောင်း၊ မိမိ၏ အဆိုပါဒရုန်းမှာ လက်ရှိ စစ်တပ်တွင် သုံးစွဲနေသည့် ဒရုန်းများထက် ဈေးပိုပေါမည်ဟု ယုံကြည်ကြောင်း ပြောကြားခဲ့သည်။

၎င်းမှာ လက်ရှိတွင် Aerobatics 7 ဟုခေါ်သည့် ကုမ္ပဏီတစ်ခုကိုလည်း တည်ထောင်ထားသည်။ ဇာလာ၏ ဖခင်မှာ စာရင်းစစ်တစ်ဦးဖြစ်ပြီး၊ မိခင်မှာ အိမ်ထောင်ရှင်မဖြစ်သည်ဟု အိန္ဒိယ မီဒီယာများက ဖော်ပြကြသည်။

Ref: RT