နိုင်ငံကူးလက်မှတ် အရေးပါမှုတွင် စင်ကာပူ ဒုတိယနေရာ၌ ရပ်တည်

ဇန်န၀ါရီ ၁၆၊ ၂၀၁၇
M-Media

– နာမည်ကျော် အကြံပေးလုပ်ငန်းတစ်ခုဖြစ်သည့် Arton Capital မှ ထုတ်ပြန်သော နိုင်ငံကူးလက်မှတ် အညွှန်းကိန်း (Passport Index) တွင် စင်ကာပူမှာ ဒုတိယအဆင့်တွင် ရှိနေသည်ဟု သိရသည်။

ဇန်န၀ါရီ ၁၂ ရက်နေ့က ထုတ်ပြန်ခဲ့သည့် အဆိုပါအညွှန်းကိန်းတွင် ဂျာမနီမှာ ဗီဇာကင်းလွတ်ခွင့် ၁၅၇ နိုင်ငံဖြင့် ထိပ်ဆုံး၌ ဦးဆောင်နေပြီး စင်ကာပူကမူ၊ ဆွီဒင်နှင့်အတူ ဗီဇာကင်းလွတ်ခွင့် ၁၅၆ နိုင်ငံဖြင့် ဒုတိယနေရာတွင် ရှိနေသည်။

တတိယနေရာတွင်မူ ဒိန်းမတ်၊ ဖင်လန်၊ ဆွစ်ဇာလန်၊ ပြင်သစ်၊ စပိန်၊ နော်ဝေ၊ ယူကေနှင့် အမေရိကန်တို့က ပူးတွဲတည်ရှိနေပြီး ထိုနိုင်ငံများအတွက် ဗီဇာကင်းလွတ်ခွင့်ပေးသော နိုင်ငံမှာ ၁၅၅ နိုင်ငံ ရှိသည်။ အာဖဂန်နစ္စတန်ကမူ အညွှန်းကိန်း၏ နောက်ဆုံးအဆင့်တွင် ရှိနေသည်။

ထိုအညွှန်းကိန်းကို ဗီဇာကင်းလွတ်ခွင့်နှင့် ဆိုက်ရောက်ဗီဇာထုတ်ပေးမှု ရမှတ်၊ ထိုရမှတ်တွင် ဗီဇာကင်းလွတ်ခွင့် ပမာဏနှင့် ဆိုက်ရောက်ဗီဇာကြား ခြားနားချက်၊ ကုလသမဂ္ဂ ဖွံ့ဖြိုးတိုးတက်ရေး အစီအစဉ်၏ လူသားဆိုင်ရာ ဖွံ့ဖြိုးမှုအညွှန်းကိန်း စသည့် အချက် ၃ ချက်ဖြင့် သတ်မှတ်ခြင်းဖြစ်သည်။

Arton Capital မှာ အဆိုပါအညွှန်းကိန်းကို နှစ်စဉ် တွက်ချက်ထုတ်ပြန်လေ့ရှိသည်။ ပြီးခဲ့သည့်နှစ်က ထုတ်ပြန်ခဲ့သည့် Henley & Partners Visa Restrictions Index အညွှန်းကိန်းတွင် စင်ကာပူသည် လွတ်လပ်စွာ ခရီးသွားလာမှုတွင် ၃ နှစ်ဆက်တိုက် အဆင့် ၅ နေရာ၌ ရပ်တည်ခဲ့သည်။ ဂျာမနီသည် ထိုအညွှန်းကိန်းတွင်လည်း ထိပ်ဆုံး၌ ရှိခဲ့သည်။

Ref : CNA