၂၀၁၆ ခုနှစ်အတွင်း မွတ်စ်လင်မ့်အခွင့်အရေးကို ခုခံကာကွယ်ပေးခဲ့ကြသူများ (၃)

ဇန်န၀ါရီ ၁၆၊ ၂၀၁၇
M-Media

– ကမ္ဘာကြီးအတွက် ၂၀၁၆ နှစ်ပတ်လည်စလုံး ပွက်လောရိုက်စေခဲ့သူများကို ယခုအခါ တခုတ်တရ ဖော်ပြလျက် ရှိကြပါသည်။ အလားတူစွာ မွတ်စ်လင်မ်များအတွက်လည်း စိန်ခေါ်မှုများစွာ ကြုံခဲ့ကြရသည်။ ဆီးရီးယား၊ ယီမင်၊ အီရတ်ရှိ ရှေ့ဆက်ဖြစ်တည်နေသည့် ပဋိပက္ခမှသည် အမေရိကန်နိုင်ငံရွေးကောက်ပွဲဝင်သူများအထိ အရှိန်တက်လာသော အစ္စလာမ်ကြောက်ရောဂါ၏ လားရာလမ်းကြောင်းထဲ အခက်အခဲများစွာဖြင့် ရင်ဆိုင်ခဲ့ရသလို ရှေ့ဆက်ကြုံနိုင်ဖွယ်လည်းရှိ၏။ မည်သို့ပင်ဆိုစေ လူပုဂ္ဂိုလ်တစ်ဦးချင်းသော်လည်းကောင်း၊ သင်းပင်းစုဖွဲ့လိုက်သော်လည်းကောင်း မွတ်စ်လင်မ်တို့နှင့်ပတ်သက်ပြီး ရပ်တည်ပေးကြသော၊ အသံထုတ်ပေးခဲ့ကြသောသူများကိုမူ အသိအမှတ်ပြုကြရပေမည်။ ဤမုန်တိုင်း၏ဒဏ်အပေါ် ကြံ့ကြံ့ခံရပ်တည်ပေးခဲ့ကြသူ အများအပြားရှိကြသည့်အနက် ထူးခြားစွာ စွမ်းဆောင်နိုင်ခဲ့ကြသူအချို့ကို အမှတ်တရ ဖော်ပြပါမည်။

၅။ ဒေါက်တာ ခရေ့ဂ်ျ ကွန်စီဒိုင်း – Dr. Craig Considine

အိုင်းရစ်ရ်ှနွယ် အမေရိကန်လူမျိုး ဒေါက်တာ ခရေ့ဂ်ျ ကွန်စီဒိုင်း သည် ဒပ်ဘလင်နှင့် ဘော့စတွန်မြို့နေ ပါကစ္စတန်လူငယ်များ၏တွေ့ကြုံခံစားမှုများအပေါ် လေ့လာဆန်းစစ်ချက်များဖြင့် သူ၏ ပါရဂူဘွဲ့ကို Trinity College Dublin မှ ရယူခဲ့သည်။ လက်ရှိတွင် Houston Texas ရှိ Rice University ၌ သင်ကြားရေးတာဝန်ကို ထမ်းဆောင်နေသည်။ သူ၏ ဆိုရှယ်မီဒီယာပေါ် ရေးတင်ချက်များ၊ ဆောင်းပါးများ၊ ကိုယ်ပိုင်စာမျက်နှာနှင့် Huffington Post ကဲ့သို့ မီဒီယာများမှ ပုံမှန်ရေးသားတင်ဆက်နေမှုများကို နှစ်သက်လက်ခံသူ များပြားလှသည်။ ရိုးသားနှိမ့်ချစွာ နေတတ်သော ဤကက်သလစ်ဘာသာဝင်ပညာရှင်သည် ခံစားချက်ကို ရှေ့တန်းမတင်ဘဲ စာနာစိတ်ဖြင့် အစ္စလာမ်နှင့်ပတ်သက်၍ ကာကွယ်ချေပပေးလျက်ရှိ၏။ သူ၏ သာသနာ့ရေးရာရပ်တည်ချက်မှာကား ခန္တီပါရမီမြှင့်တင်ရေးနှင့် ဘာသာတရားများကို ချစ်ခင်စိတ်သာဖြစ်သည်။ သူသည် အစ္စလာမ်နှင့် မွတ်စ်လင်မ်များအတွက် တကယ့်မိတ်ဆွေကောင်းတစ်ဦးပင်။

၆။ နေတန် လင်း – Nathan Lean

နေတန်လင်းသည် အရှေ့အလယ်ပိုင်း၊ တစ်ဖက်သတ်အစ္စလာမ်ကြောက်ရောဂါနှင့် ဘာသာရေးသင့်ြ့မတ်မှုများအပေါ် အထူးပြုကျွမ်းကျင်သည့် အမေရိကန်လူမျိုး စာရေးဆရာနှင့် ပညာရှင်တစ်ဦးဖြစ်သည်။ သူ၏ ဆောင်းပါးများမှာ Los Angeles Times, Washington Post, Christian Science Monitor, Salon, CNN, Religion Dispatches နှင့် Huffington Post ကဲ့သို့ အထင်ကရမီဒီယာများတွင် အကျယ်တ၀င့်ဖော်ပြခြင်းခံရသည်။ သူ၏ ၂၀၁၂ စာအုပ် The Islamophobia Industry သည် ခေတ်ပြိုင်မွတ်စ်လင်မ်ရေးရာအကြောင်း စိတ်ဝင်စားသူ မှန်သမျှ မဖြစ်မနေ ဖတ်ရှုသင့်သည်။ သူသည် ဤလောကတွင် Maajid Nawazs ၊ Ayaan Hirsi Alis နှင့် Bill Mahers တို့နှင့် အမြဲတစေ အတိုက်အခံဖြစ်နေ၏။ အမှန်တရားကို ကိုယ်စားပြုထားသော သူ့တန်ဖိုး၊ သူ့အရည်အသွေးကို မသိပါလျှင် သူနှင့် သူ့ရေးသားချက်များအပေါ် တိုက်ခိုက်နေခြင်းများကိုလည်း နားလည်နိုင်မည် မဟုတ်ပါ။

(ဆက်လက်ဖော်ပြပါမည်)

(http://mvslim.com/ မှ 9 People Who Defended The Rights Of Muslims In 2016 ဆောင်းပါကို မင်းထွဋ်ခေါင်မှ ဆီလျော်အောင် ဘာသာပြန်ဆိုသည်)

ယခင်အပိုင်းများ