မြင့်မြတ်ရာနေရာများတွင် မသန်စွမ်းသူများ လွယ်ကူစေရေး ဆော်ဒီအစိုးရ စီစဉ်နေ

ဇန်န၀ါရီ ၁၇၊ ၂၀၁၇
M-Media

– မက္ကာဟ်၊ မဒီနာအပါအ၀င် နိုင်ငံအတွင်း မြင့်မြတ်ရာနေရာများတွင် မသန်စွမ်းသူများ အဆင်ပြေပြေဖြင့် သာသနာ့တာဝန်များ ဆောင်ရွက်နိုင်ရေး စီစဉ်ပေးရန် ဆော်ဒီအစိုးရက ညွှန်ကြားချက်များ ထုတ်ပြန်လိုက်သည်ဟု သိရသည်။

ဆော်ဒီဒုတိယ၀န်ကြီးချုပ်၊ ပြည်ထဲရေးဝန်ကြီးနှင့် ဟဂ်ျကော်မတီအဖွဲ့ချုပ် ဥက္ကဌ အိမ်ရှေ့မင်းသား မိုဟာမက် ဘင် နာအစ်ဖ်က ထုတ်ပြန်သော အဆိုပါညွှန်ကြားချက်တွင် ဟဂ်ျနှင့် အွမ္မရာဟ် ၀န်ကြီးဌာနက ပေးပို့ခဲ့သည့် အကြံပြုချက်များကို ဟဂ်ျဗဟိုကော်မတီအနေဖြင့် လေ့လာသုံးသပ် ဆောင်ရွက်ပေးရန် ဖော်ပြထားသည်။

အကြံပြုချက်များတွင် မြင့်မြတ်သော မြို့နှစ်မြို့နှင့် အခြား မြင့်မြတ်ရာနေရာများတွင် မသန်စွမ်းသူမျာ အဆင်ပြေလွယ်ကူ ချောမွေ့စေရန်အတွက် အသုံးအဆောင်များ ထားရှိပေးခြင်း၊ အဆောက်အဦးများ၊ ဟိုတယ်များ ဆောက်လုပ်ပေးခြင်းတို့ ပါဝင်သည်။

ပထမအဆင့်တွင် မသန်စွမ်းသူများ ချောမွေ့စွာ သွားလာနိုင်ရေး ၀န်ဆောင်မှုများ စီစဉ်ပေးရန်နှင့် နောက်ပိုင်းအဆင့်များတွင် လမ်းမများ၊ ရထားဘူတာများနှင့် Jamarat တံတားတို့ အပါအ၀င် မသန်စွမ်းသူများ အသုံးပြုနိုင်ရန် အခြေခံအဆောက်အဦးများ အဆင့်မြှင့်တင်ပေးခြင်းတို့ ပါဝင်မည်ဖြစ်သည်။

တ၀ါးဖ်လှည့်သည့် နေရာများတွင် မသန်စွမ်းသူများအတွက် သီးသန့်နေရာများ၊ မြင့်မြတ်ရာနယ်မြေတွင်း နားနေဆောင်များတွင် သီးသန့်နားနေခန်းများ၊ မသန်စွမ်းသူများအတွက် လမ်းညွှန်ဆိုင်းဘုတ်များ တပ်ဆင်မှုလည်း စီမံကိန်းတွင် ပါဝင်မည်ဖြစ်သည်။

နောက်ပိုင်းတွင် မသန်စွမ်းသူများအတွက် ဘတ်စ်ကားသီးသန့်လည်း စီစဉ်ပေးသွားရန် ရှိနေပြီး တာဝန်ရှိသူများအနေဖြင့် ဟဂ်ျနှင့် အွမ္မရာဟ်ရာသီများတွင် မသန်စွမ်းခရီးသည်များ၏ အရေအတွက်ကို ၀န်ကြီးဌာနသို့ အတိအကျ တင်ပြရမည်ဖြစ်သည်။

မြင့်မြတ်သော ဗလီဝတ်ကျောင်းတော်နှစ်လုံးအား စောင့်ရှောက်မှုဆိုင်ရာ အကြံပေးဖြစ်ပြီး ဗဟိုဟဂ်ျကော်မတီ၏ ဥက္ကဌလည်းဖြစ်သူ မက္ကာဟ်အုပ်ချုပ်ရေးမှူး မင်းသား ခါလစ် အလ်-ဖိုက်ဆယ်ထံသို့ ပေးပို့ခဲ့သည့် ၀န်ကြီးဌာန၏ အကြံပြုချက်များတွင် ဟဂ်ျကာလအတွင်း အသုံးပြုမည့် ဟိုတယ်များ၊ အဆောက်အဦးများတွင် မသန်စွမ်းသူများအတွက် သီးသန့်နေရာများ စီစဉ်ပေးထားရမည်ဟုလည်း ဖော်ပြထားသည်။

Ref : Alarabiya