အမုန်းဆန့်ကျင်ရေးလှုပ်ရှားမှုတစ်ခုကို ကုလ ပြုလုပ်မည်

ဇန်န၀ါရီ ၁၈၊ ၂၀၁၇
M-Media

ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်

– မွတ်စလင်ဆန့်ကျင်ရေး အမုန်းရာဇ၀တ်မှုများနှင့် အခြားသော အမုန်စကားများမှာ မြင့်တက်လာနေသည်ဟု အစ္စလာမ်ကြောက်ရောဂါတိုက်ဖျက်ရေး ထိပ်သီးဆွေးနွေးပွဲတစ်ခုတွင် ကုလအတွင်းရေးမှူးချုပ် အန်တိုနီယို ဂူတာရက်စ်က ပြောကြားလိုက်ပြီး အမုန်းဆန့်ကျင်ရေး လှုပ်ရှားမှုတစ်ခုကိုလည်း ဆောင်ရွက်သွားမည်ဟု ဆိုသည်။

ကုလ၊ အမေရိကန်၊ ကနေဒါ၊ အိုအိုင်စီနှင့် ဥရောပသမဂ္ဂတို့ ပူးပေါင်းက ယမန်နေ့က ပြုလုပ်ခဲ့သည့် အဆိုပါ ဖိုရမ်မှာ တစ်ရက်တာ ကြာမြင့်ခဲ့ပြီး အစိုးရများ၊ အရပ်ဖက်နှင့် ပုဂ္ဂလိကအဖွဲ့များမှ ကိုယ်စားလှယ်များ တက်ရောက်ခဲ့ကြသည်။

ကုလအတွင်းရေးမှူးချုပ်ကမူ နိုင်ငံခြားသားကြောက်ရောဂါ၊ လူမျိုးရေးခွဲခြားမှုနှင့် ဂျူးဆန့်ကျင်ရေးဝါဒများ မြင့်တက်လာကြောင်း၊ မတည်ငြိမ်မှုများ မြင့်တက်လာသည့်အချိန်တွင် မတူညီသော လူ့အဖွဲ့အစည်းများမှာ ဓားစာခံဘ၀ကို လွယ်လွယ်ကူကူ ရောက်ရှိကြောင်း သတိပေးခဲ့သည်။

ထို့ပြင် ခွဲခြားဆက်ဆံမှုမှာ လူတိုင်းကို သေးသိမ်စေပြီး၊ ပြည်သူများနှင့် လူ့အဖွဲ့အစည်းများ၏ အလားအလာကောင်းများကို အတားအဆီးဖြစ်စေသည်ဟု ဆိုကာ မတူကွဲပြားမှုကို ခြိမ်းခြောက်မှုတစ်ခုဟု မမြင်ဘဲ၊ ကြွယ်ဝမှုတစ်ခုအဖြစ် ရှုမြင်ရန်လည်း ဂူတာရက်စ်က တိုက်တွန်းခဲ့သည်။

“လူ့အဖွဲ့အစည်းတွေက လူမျိုးစုံ၊ ဘာသာစုံ ပိုပြီး ဖြစ်လာတယ်။ ကျွန်တော်တို့အနေနဲ့ နိုင်ငံရေး ယဉ်ကျေးမှု၊ စီးပွားရေးဆိုင်ရာ ရင်းနှီးမြှုပ်နှံမှုတွေမှာ အစေးကပ်ဖို့လိုတယ်။ ဒါမှသာ မတူကွဲပြားမှုကို ခြိမ်းခြောက်မှုလို့ မမြင်ဘဲ၊ ကြွယ်ဝမှုလို့ မြင်မှာပါ။ ကုလအနေနဲ့ လူတိုင်းအပေါ် လေးစားမှု၊ လုံခြုံမှုနဲ့ ဂုဏ်ပေးမှုတို့ကို မြှင့်တင်ဖို့အတွက် ဆောင်ရွက်သွားမှာပါ။ ဒီလှုပ်ရှားမှုကို Together လှုပ်ရှားမှုလို့ခေါ်ပါတယ်။ အမုန်းတရားကို ဆန့်ကျင်ဖို့နဲ့ လူ့အခွင့်အရေးအတွက် ကျွန်တော်တို့ အတူတကွ ရပ်တည်ကြပါစို့။ အတူတကွ ပေါင်းကူးကြပါစို့။ ကြောက်ရွံ့မှုတွေကို မျှော်လင့်ချက်အဖြစ် အတူတကွ ပြောင်းလဲကြပါစို့။ ကျွန်တော်တို့ မွတ်စလင် ညီအစ်ကိုမောင်နှမတွေနဲ့ လူသားအားလုံးအတွက်ပေါ့ဗျာ” ဟု အတွင်းရေးမှူးချုပ်က ပြောကြားခဲ့သည်။

Ref: unmultimedia.org