ဆော်ဒီသူနာပြုက ကလေးငယ်တစ်ဦးအတွက် အသည်းအစိတ်အပိုင်း လှူဒါန်း

ဇန်န၀ါရီ ၂၀၊ ၂၀၁၇
M-Media

အသည်းရောဂါ ခံစားခဲ့ရသည့် ကလေးငယ် ဘက်စ်ဟာယီရ်

– အသည်း ကောင်းမွန်စွာ အလုပ်မလုပ်သည့်ရောဂါ ခံစားနေရသော ကလေးငယ်တစ်ဦး၏ ဓာတ်ပုံအား တွေ့မြင်ပြီးနောက် ဆော်ဒီ သူနာပြုတစ်ဦးမှာ သနားဂရုဏာသက်ကာ ၎င်း၏ အသည်းအစိတ်အပိုင်းအား လှူဒါန်းခဲ့သည်ဟု သိရသည်။

“ဘက်စ်ဟာယီရ်ရဲ့ ဓာတ်ပုံက ကျွန်မရဲ့စိတ်ကို ထိခိုက်စေပါတယ်။ သူ့ကို ကျွန်မ စာနာသနားခဲ့ပါတယ်။ သူဟာ ဘယ်လောက်ခံစားနေရလဲဆိုတာ မပြောပြနိုင်တဲ့ ကလေးလေးပါ။ အဲဒီအချိန်မှာပဲ ကျွန်မ (အသည်းလှူဖို့) ဆုံးဖြတ်ချက်ချလိုက်တယ်။ သူ့ရဲ့ အဖေကို ကျွန်မ ဆက်သွယ်ခဲ့ပြီး ဆုံးဖြတ်ချက်ကို ပြောလိုက်ပါတယ်။ ဒါဟာ လွန်ခဲ့တဲ့ ၄ ပတ်က အဖြစ်အပျက်ပါ” ဟု အသည်းအစိတ်အပိုင်း လှူဒါန်းခဲ့သည့် သူနာပြု အဘီရ် အတ္တာလာဟ် အလ်-အန်ဇီက ပြောကြားခဲ့သည်။

အစားထိုးခွဲစိတ်မှုကို ရီယာဒ်မြို့ရှိ ဖာဟဒ် အလ်-အဟ်မာရီဆေးရုံတွင် ဒီဇင်ဘာ ၂၈ ရက်နေ့က ပြုလုပ်ခဲ့ခြင်းဖြစ်ပြီး ဆေးရုံ၏ အင်္ဂါအစိတ်အပိုင်း လှူဒါန်းမှုဌာနမှ ညှိနှိုင်းရေးမှူးနှင့် ခွဲစိတ်ဆရာဝန်များက လိုအပ်သည်များကို အသိပေးရှင်းပြခဲ့သည်ဟု အလ်-အန်ဇီက ပြောကြားခဲ့သည်။

“မေမေက ကျွန်မရဲ့ ဆုံးဖြတ်ချက်အတွက် အားပေးခဲ့တယ်။ ကျွန်မရဲ့ အစ်ကိုလည်း ကြိုဆိုခဲ့ပါတယ်။ ကျွန်မဟာ ရီယာ့ဒ်ကိုသွားပြီး ဆေးစစ်မှုမခံယူခင်မှာ မေမေနဲ့အတူ အွမ္မရာဟ်တစ်ခေါက် လုပ်ခဲ့တယ်။ ပြီးတော့ ဂျဝဖ်မြို့ကို ပြန်လာတယ်။ ရီယာ့ဒ်ကို နောက်တစ်ခေါက်သွားပြီး CT Scan တွေရိုက်တာ လုပ်ခဲ့တယ်။ တတိယတစ်ခေါက်ကတော့ ခွဲစိတ်ကုသမှုလုပ်ဖို့ပါ။ ဆေးရုံမှာ တစ်ပတ်လောက် နေလိုက်ရပြီး ကျွန်မ အိမ်မပြန်ခင်မှာ ဘက်စ်ဟာယီရ်လေးနဲ့ တွေ့ခဲ့ရပါတယ်” ဟု အလ်-အန်ဇီက ၎င်း၏ အတွေ့အကြုံများကို ပြန်လည် ပြောပြခဲ့သည်။

ဘက်စ်ဟာယီရ်၏ ဖခင်ဖြစ်သူ နာဖီ အလ်-ရာရှီဒီက အလ်-အန်ဇီက ပထမဆုံး ဖုန်းခေါ်မှုနှင့်ပတ်သက်၍ ဤသို့ ဖွင့်ဟခဲ့သည်။

“သူက တည်တည်ငြိမ်ငြိမ်အသံနဲ့ တစ်ကယ်ကို ပြောတာဗျ။ ပြီးလည်းပြီးရော ကျွန်တော့ဇနီးကို ဒီသတင်းကောင်းကို သွားပြောပြလိုက်တယ်။ သူက ရီယာ့ဒ်ကို ကုန်းတစ်တန်၊ လေတစ်တန်နဲ့ လာရတာ။ နောက်ပြီး ကုန်ကျစားရိတ်ကို ကျွန်တော်ပြန်ပေးမယ်ဆိုတော့လည်း သူက လက်မခံဘူး ဆုံးဖြတ်ချက်ပြတ်သားပြီး ရက်ရောမှုရဲ့ သရုပ်သကန်ပါပဲ”

အလ်-အန်ဇီ၏ ထိုကဲ့သို့ လှူဒါန်းမှုအတွက် ဆော်ဒီအစိုးရက ဂုဏ်ပြုဆု ချီးမြှင့်ခဲ့သည်။

အသည်းအစိတ်အပိုင်းလှူဒါန်းခဲ့သည့် အလ်-အန်ဇီကို ဆော်ဒီတာဝန်ရှိသူတစ်ဦးက ဂုဏ်ပြုဆုတံဆိပ် ပေးအပ်နေစဉ်

Ref: english.alarabiya