ဂမ်ဘီယာအာဏာရှင် အာဏာစွန့်ရန် သဘောတူပြီ

ဇန်န၀ါရီ ၂၁၊ ၂၀၁၇
M-Media

အာဏာစွန့်ရန် သဘောတူခဲ့သည့် ယဟ်ယာ ဂျာမေဟ်

– ဒေသတွင်းနိုင်ငံများက စစ်ရေးအရ အရေးယူရန် နောက်ဆုံး ရာဇသံပေးပြီးနောက် ဂမ်ဘီယာအာဏာရှင် ယဟ်ယာဂျာမေဟ်မှာ ရာထူးမှဆင်းပေးရန် သဘောတူခဲ့သည်ဟု သမ္မသစ် ဘာရိုးက ပြောကြားလိုက်သည်။

ဒီဇင်ဘာ ၁ ရက်နေ့ ရွေးကောက်ပွဲတွင် ဘာရိုးအား ရှုံးနိမ့်ခဲ့သော်လည်း ဂျာမေဟ်မှာ သမ္မတရာထူးကို မစွန့်လွှတ်သောကြောင့် ဒေသတွင်းနိုင်ငံများအဖွဲ့မှ စစ်တပ်က ကြာသာပတေးနေ့တွင် ဂမ်ဘီယာနိုင်ငံအတွင်းသို့ ၀င်ရောက်ခဲ့သည်။ ထို့နောက် ဂျာမေဟ်အား သောကြာနေ့ မွန်းတည့်ချိန် နောက်ဆုံးထား၍ ရာထူးမှဆင်းပေးရန် ရာဇသံပေးခဲ့သည်။

ကြာသာပတေးနေ့က အိမ်နီးချင်း ဆီနီဂေါနိုင်ငံ မြို့တော် ဒါကာရ်ရှိ ဂမ်ဘီယာသံရုံးတွင် ကျမ်းကျိန်ခဲ့သည့် သမ္မတသစ် ဘာရိုးက ဂျာမေဟ်မှာ နိုင်ငံမှ ထွက်သွားလိမ့်မည်ဟု Twitter စာမျက်နှာတွင် ရေးသားခဲ့သည်။

“ယဟ်ယာဂျာမေဟ်ဟာ ရာထူးကနေဆင်းဖို့ သဘောတူညီခဲ့ပြီလို့ အသိပေးချင်ပါတယ်။ သူ ဒီနေ့မှာ ဂမ်ဘီယာကနေ ထွက်သွားမှာပါ”

မြို့တော်ဘန်ဂျူလ်ရှိ လေဆိပ်တွင် ဂျာမေဟ် မိန့်ခွန်းပြောကြားရန်နှင့် ထွက်ခွာသွားရန် စီစဉ်ထားရှိသည်ဟု သတင်းများက ဖော်ပြခဲ့သည်။

ယမန်နေ့က ဂမ်ဘီယာ၏ လက်နက်ကိုင်တပ်ဖွဲ့များအကြီးအကဲ အူစ်မနီ ဘဒ်ဂျီက သမ္မတသစ်အပေါ် သစ္စာခံကြောင်း ကြေငြာခဲ့ပြီး၊ ထိုသို့ကြေငြာမှုကာ ဂျာမေဟ် အာဏာစွန့်ရေး ညှိနှိုင်းရာတွင် အဓိကအပြောင်းအလဲ ဖြစ်ခဲ့သည်။

Ref: Aljazeera