ထရမ့်ကို ဂုဏ်ပြုသည့် ဘာသာပေါင်းစုံ ဆုတောင်းပွဲတွင် အာဇန်ဆိုမည်

ဇန်န၀ါရီ ၂၁၊ ၂၀၁၇
M-Media

All Dulles Area Muslim Society စင်တာမှ အီမာမ် မိုဟာမက် မာဂျစ်

– သမ္မတသစ် ဒေါ်နယ်ထရမ့် အာဏာရယူမှု အထိမ်းအမှတ်အဖြစ် ယနေ့တွင် ပြုလုပ်ရန်ရှိနေသည့် ဘာသာပေါင်းစုံ ဆုတောင်းပွဲအခမ်းအနားတွင် မွတ်စလင် ရှေ့ဆောင်အီမာမ်တစ်ဦးက အာဇန် (၀တ်ပြုရန်နှိုးဆော်မှု) ကို ဟစ်ကြွေးသွားမည်ဟု အာဏာလွှဲပြောင်းရေးကော်မတီက ဆိုသည်။

အာဇန်ဆိုမည့် အီမာမ်မှာ ဗာဂျီးနီးယားပြည်နယ် စတာလင်မြို့ရှိ All Dulles Area Muslim Society စင်တာမှ မိုဟာမက် မာဂျစ်ဖြစ်ပြီး၊ သမ္မတသစ် ကျမ်းကျိန်ပြီးနောက်ပိုင်း ပြုလုပ်နေကြဖြစ်သည့် ဘာသာပေါင်းစုံ ဆုတောင်းပွဲသို့ တက်ရောက်မည့် ဘာသာရေးခေါင်းဆောင် ၂၆ ဦးထဲမှ တစ်ဦးလည်းဖြစ်သည်။

Washington National Cathedral ဘုရားကျောင်းတွင် ပြုလုပ်မည့် အဆိုပါအခမ်းအနားတွင် ဘာသာရေးခေါင်းဆောင်များမှာ ဆုမွန်ကောင်းတောင်းခြင်း၊ ကျမ်းစာအသီးသီးမှ ကျမ်းချက်များ ဖတ်ကြားခြင်းတို့ကို ပြုလုပ်မည်ဖြစ်သည်။

ထရမ့်က မိမိမှာ ‘အစွန်းရောက် အစ္စလာမ်ဝါဒ’ ကို ပြင်းပြင်းထန်ထန်ဆန့်ကျင်သည်ဟုဆိုပြီး အချို့သော မွတ်စလင်အသင်းအဖွဲ့များက ၎င်း၏ ထိုစကားကြောင့် အစ္စလာမ်ဘာသာဝင်အားလုံး ပစ်မှတ်ထား ခံနေရသည်ဟု ပြောကြားခဲ့သည်။ ထရမ့်ကမူ မိမိမှာ အမေရိကန်မွတ်စလင်လူ့အဖွဲ့အစည်းနှင့် နက်ရှိုင်းသော ဆက်ဆံရေးရှိသည်ဟုလည်း ပြောကြားထားသည်။

အီမာမ်မာဂျစ်မှာ IS က သိမ်းသွင်းသော မွတ်စလင်လူငယ်များအား ကယ်တင်ရေးလုပ်ငန်းကို လုပ်ဆောင်နေပြီး All Dulles Area Muslim Society စင်တာမှာလည်း အပြန်အလှန် ပူးပေါင်းဆောင်ရွက်မှု တိုးမြှင့်ရန်နှင့် အများပြည်သူ ဘေးအန္တရာယ်ကင်းရှင်းရန်အတွက် မွတ်စလင်လူ့အဖွဲ့အစည်းနှင့် တရားဥပဒေစိုးမိုးရေး အဖွဲ့အကြား မိတ်ဖက်ဆက်ဆံရေး တည်ဆောက်ရာတွင် ခေါင်းဆောင်မှု အခန်ကဏ္ဍ၌ ပါဝင်မှုအတွက် FBI ၏ ချီးကျူးမှုကို ခံထားရသည်။

ဗလီဝတ်ကျောင်းတော်များမှ တစ်နေ့လျှင် ၅ ကြိမ် ဟစ်ကြွေးနေသည့် မွတ်စလင်တို့၏ ၀တ်ပြုရန်နှိုးဆော်မှု စာသား၏ အာရဘီအသံထွက်နှင့် အဓိပ္ပါယ်

Ref: CNN