လက်ယာစွန်းရောက် ပါတီများ၏ ဆွေးနွေးပွဲကို ဂျာမန်ပြည်သူများ ဆန္ဒပြ

ဇန်န၀ါရီ ၂၁၊ ၂၀၁၇
M-Media

– လက်ယာစွန်းရောက် ပါတီများ၏ ဆွေးနွေးပွဲကို ဆန့်ကျင်သည့်အနေဖြင့် ဂျာမနီနိုင်ငံ ကိုဘလန့်ဇ်မြို့၌ ယနေ့တွင် လူထောင်ပေါင်းများစွာ ဆန္ဒပြခဲ့ကြသည်ဟု သိရသည်။

ဂျာမနီ၊ ပြင်သစ်၊ အီတလီနှင့် အခြားသောနိုင်ငံများမှ လက်ယာစွန်းရောက် ပါတီခေါင်းဆောင်များမှာ ယနေ့တွင် ကိုဘလန့်ဇ်မြို့၌ စုဝေးကာ ညီလာခံ ကျင်းပးခြင်းဖြစ်သည်။

၎င်းတို့အား ဆန့်ကျင်ဆန္ဒပြသူများမှာ ၃၀၀ ခန့်ရှိပြီး အချို့မှာ အစည်းအဝေးပွဲပြုလုပ်မည့် အဆောက်အဦးအရှေ့တွင် ထိုင်သပိတ် ပြုလုပ်ခဲ့ကြသည်။ ထို့ပြင် ‘နယ်စည်းမရှိ၊ နိုင်ငံမရှိ၊ နှင်ထုတ်မှုရပ်’ စသည့် ကြွေးကြော်သံများကိုလည်း ကြွေးကြော်ခဲ့ကြသည်။

ဆန္ဒပြမှုမပြုလုပ်ခင် မြို့တွင်၌ ရဲတပ်ဖွဲ့ဝင်ပေါင်း ၁၀၀၀ ကျော်ကို တပ်ဖြန့်ချထားခဲ့သည်။

AVAAZ တက်ကြွလှုပ်ရှားမှုအဖွဲ့မှ ဆန္ဒပြသူများက ကိုင်ဇာဝီလီယံ၏ ရုပ်ထုရှေ့တွင် အဒေါ့ဖ် ဟစ်တလာ၊ ဘီနီတို မူဆိုလီနီ၊ ဂျိုးဆက်ဖ်စတာလင်တို့နှင့် အခြားသော ကမ္ဘာ့အာဏာရှင်များ၏ ရုပ်ထုများကို သွားရောက် ချထားခဲ့ကြသည်။

အဖွဲ့မှ ဦးဆောင်စီစဉ်သူ ပါစကယ် ဗိုလန်ဝိုင်းဒါးက အာဏာရှင်များ၏ အဆိုပါ ရုပ်ထုများမှာ ‘ကမ္ဘာ့နိုင်ငံသားများက ၎င်းတို့၏ အန္တရာယ်ရှိသော အယူအဆဟောင်းများအား ဆန့်ကျင်သည်ဆိုသည်ကို အမျိုးသားရေး နိုင်ငံရေးသမားများအား’ ခိုင်ခိုင်မာမာ သတင်းပေးခြင်းဖြစ်သည်ဟု ပြောကြားခဲ့သည်။

ဆန္ဒပြမှုတွင် ဂျာမနီ ဆိုရှယ် ဒီမိုကရက်တစ်ပါတီ (SPD) မှ ခေါင်းဆောင် ဆစ်ဂ်မာ ဂါဘရီယဲလ်လည်း ပါဝင်ခဲ့သည်။ ဂျာမနီ ဂရင်းပါတီ၏ ဒုတိယဥက္ကဌဖြစ်သူ အမျိုးသမီး ဂျီယန် အက်ဆဲလ် ဘွန်းလည်း ဆန္ဒပြပွဲတွင် ပါဝင်ရန် စီစဉ်ထားသည်ဟု သတင်းများက ဖော်ပြကြသည်။

Ref: Aljazeera