ပြန်ပေးဆွဲမှုဖြစ်ပြီးနောက် မြန်မာဘက်သို့မသွားရန် ထိုင်းက နိုင်ငံသားများကို သတိပေးထား

ဇန်န၀ါရီ ၂၂၊ ၂၀၁၇
M-Media

ပြန်ပေးဆွဲခံရမှုမှ လွတ်မြောက်ပြီးနောက် တွေ့ရသည့် ထိုင်းခရီးသွားများ

– ကရင်နယ်ခြားစောင့်တပ်ဖွဲ့က ခရီးသွား ၃၇ ဦးကို ပြန်ပေးဆွဲမှု ဖြစ်ပွားခဲ့ပြီးနောက် နိုင်ငံသားများအနေဖြင့် မြန်မာနယ်စပ်သို့ သွားရောက်ခြင်းမပြုရန် ထိုင်းက သတိပေးထားသည်ဟု သိရသည်။

ခရီးသွားများမှာ ကရင်ပြည်နယ်ရှိ ဘုရားသုံးဆူဒေသသို့ ၀င်ရောက်လာစဉ် ယမန်နေ့အစောပိုင်းက ပြန်ပေးဆွဲ ခံခဲ့ရခြင်းဖြစ်ပြီး အဆိုပါ နယ်ခြားစောင့်တပ်ဖွဲ့ ထိန်းချုပ်ထားသော ဒေသတွင် သက်ငယ် လိင်လုပ်သားများကို ထိုင်းအာဏာပိုင်များက ဖမ်းဆီးမှုအား လက်တုန့်ပြန်ခြင်းဖြစ်မည်ဟု ယူဆရသည်။

နောက်ပိုင်းတွင် ထိုင်းရဲတပ်ဖွဲ့၊ စစ်တပ်၊ ဒေသအာဏာပိုင်များနှင့် ညှိနှိုင်းဆွေးနွေးမှုများ ပြုလုပ်ခဲ့ပြီးနောက် အဆိုပါ ကမ္ဘာလှည့်ခရီးသွားများကို ပြန်လွှတ်ပေးခဲ့သည်။ သို့သော်လည်း နောက်ထပ် ပြန်ပေးဆွဲခံရနိုင်သည့် အလားအလာ ရှိသဖြင့် ထိုင်းခရီးသွားများအနေဖြင့် ဘုရားသုံးဆူဒေသသို့ သွားရောက်ခြင်းမပြုရန် သတိပေးထားသည်။

ထိုင်းစစ်တပ်မှ တာဝန်ရှိသူ ကာနယ် Banyong Thongnuem က လက်ရှိတွင် ထိုင်း-မြန်မာနယ်စပ် အခြေအနေမှာ ပုံမှန်အတိုင်းရှိနေပြီး ခရီးသွားများမှာလည်း အန္တရာယ်ကင်းကြောင်း၊ နယ်စပ်ကိုလည်း ပြန်လည်ဖွင့်ထားကြောင်း ပြောကြားခဲ့သည်။

“ကရင်လက်နက်ကိုင်အုပ်စုက သူတို့လူတွေ ဖမ်းခံထားရတယ်ဆိုတာ ထိုင်းအာဏာပိုင်တွေ သိစေချင်တာကြောင့် ဒီလိုဖြစ်သွားတာပါ။ ဒါပေမယ့် အဲဒီအုပ်စုနဲ့ စကားပြောပြီးနောက်ပိုင်းမှာတော့ နှစ်ဖက်စလုံး နားလည်မှုကောင်းတစ်ခု ရရှိခဲ့ပါတယ်။ ထိုင်းခရီးသွားအားလုံးကို လွှတ်ပေးဖို့ သဘောတူခဲ့ပြီး နယ်စပ်ကနေ ဘေးအန္တရာယ်ကင်းစွာ ပြန်ခွင့်ပေးခဲ့ပါတယ်”

Ref: nationmultimedia