တောင်တရုတ်ပင်လယ်ကိစ္စ ၀င်မစွက်ရန် အမေရိကန်ကို တရုတ် သတိပေး

ဇန်န၀ါရီ ၂၄၊ ၂၀၁၇
M-Media

တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟွာချွင်ယင်း

– တောင်တရုတ်ပင်လယ် ပိုင်နက်အငြင်းပွားမှုကိစ္စနှင့် ပတ်သက်၍ အလျင်စလို မှတ်ချက်မပေးမိရန် တရုတ်က အမေရိကန်ကို သတိပေးလိုက်ပြီး၊ ၀င်ရောက်မစွက်ဖက်ရန်လည်း တိုက်တွန်းခဲ့သည်။

“တောင်တရုတ်ပင်လယ် အငြင်းပွားမှုမှာ အမေရိကန် မပါဝင်ပါဘူး။ သမိုင်းအချက်အလက်တွေကို လေးစားဖို့၊ တောင်တရုတ်ပင်လယ်ရဲ့ ငြိမ်းချမ်းရေးနဲ့ တည်ငြိမ်အေးချမ်းရေး မထိခိုက်ဖို့အတွက် ပြောဆိုတာတွေ၊ လုပ်ဆောင်တာတွေမှာ သတိထားဖို့ ကျွန်မတို့ တိုက်တွန်းပါတယ်” ဟု တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟွာချွင်ယင်းက ယမန်နေ့တွင် ဘေဂျင်း၌ ပြုလုပ်ခဲ့သည့် အကျဉ်းချုံး သတင်းစာရှင်းလင်းပွဲ၌ သတင်းထောက်များ အား ပြောကြားခဲ့သည်။

တရုတ်၏ ထိုသတိပေးမှုမှာ ထရမ့်အစိုးရ၏ အိမ်ဖြူတော် သတင်းထုတ်ပြန်ရေး ရှောင် စပိုက်စာက တောင်တရုတ်ပင်လယ်အား တရုတ်က သိမ်းပိုက်နေမှုကို ရပ်တန့်ရန် မိမိတို့ ဆန္ဒရှိသည်ဟု ယမန်နေ့က ပြောကြားမှုကို တုန့်ပြန်ခြင်းလည်းဖြစ်သည်။

ဟွာချွင်ယင်းက ကျွန်းတုများအပါအ၀င် တောင်တရုတ်ပင်လယ်၏ ပိုက်နက်များအားလုံးကို တရုတ်နိုင်ငံက ပိုင်ဆိုင်ခြင်းမှာ အငြင်းပွားဖွယ်ရာ မရှိကြောင်း၊ မိမိတို့အနေဖြင့် နိုင်ငံတကာ ရေပိုင်နက်တွင် လွတ်လပ်စွာ သွားလာခွင့်ကို ကာကွယ်သွားမည်ဖြစ်ကာ ပိုင်ဆိုင်မှုအငြင်းပွားသည့်ကိစ္စတွင် ပါဝင်သည့် နိုင်ငံများနှင့် တိုက်ရိုက်ဆွေးနွေးရန် လမ်းဖွင့်ထားကြောင်း ထည့်သွင်းပြောဆိုခဲ့သည်။

Ref: Press TV