ရာထူးမစွန့်မီ နောက်ဆုံးအချိန်မှာ ပါလက်စတိုင်းကို သန်း ၂၀၀ ကျော်ပေးသွားတဲ့ အိုဘားမား

ဇန်န၀ါရီ ၂၅၊ ၂၀၁၇
M-Media

– အမေရိကန်သမ္မတဟောင်း အိုဘားမားဟာ ရာထူးမစွန့်လွတ်မီ နောက်ဆုံးအချိန် သောကြာနေ့မှာ ပါလက်စတိုင်းအတွက် လူသားချင်းစာနာထောက်ထားမှုဆိုင်ရာ အကူအညီအဖြစ် ကန်ဒေါ်လာ ၂၂၁ သန်း ပေးသွားခဲ့တယ်လို့ သိရပါတယ်။

အိုးဘားမားအစိုးရရဲ့ ဒီဆုံးဖြတ်ချက်ကို နိုင်ငံခြားရေးဝန်ကြီးဟောင်း ဂျွန်ကယ်ရီက အောက်လွှတ်တော်မှာ တင်ပြခဲ့ပြီး လွှတ်တော်ကလည်း လက်ခံခဲ့ပါတယ်။ ဒါပေမယ့် လက်တလော ငွေကိုတော့ ပါလက်စတိုင်းအာဏာပိုင်အဖွဲ့ထံ လွှဲမပေးသေးပါဘူး။

ဒီငွေတွေကို ပါလက်စတိုင်းပိုင်နက်တွေဖြစ်တဲ့ ဂါဇာနဲ့ အနောက်ဖက်ကမ်းတွေမှာ လူသားချင်း စာနာထောက်ထားမှုဆိုင်ရာ အကူအညီတွေအတွက် အသုံးပြုရမှာ ဖြစ်ပါတယ်။

အိုဘားမားအစိုးရလက်ထက်မှာ အစ္စရေးကို သမိုင်းတစ်လျှောက် အများဆုံး စစ်ရေးထောက်ပံ့ကြေးပေးဖို့ သဘောတူခဲ့ပေမယ့် အစိုးရသက်တမ်းကုန်ကာနီးမှာ အစ္စရေးနဲ့ ဆက်ဆံရေးဟာ အဆင်မပြေခဲ့ပါဘူး။ ၂၀၁၅ ခုနှစ်က အောက်လွှတ်တော်မှာ အီရန်နျူအရေး သဘောတူညီချက် ရရှိခဲ့မှုနဲ့ပတ်သက်ပြီး အစ္စရေးဝန်ကြီးချုပ် နေတန်ယာဟုရဲ့ နင်ဘဲငဆ ပြောကြားမှုကလည်း ဆက်ဆံရေး ချို့ယွင်းရခြင်းရဲ့ အကြောင်းအရင်းတစ်ခု ဖြစ်ခဲ့ပါတယ်။

ဒီဇင်ဘာမှာတော့ ပါလက်စတိုင်းပိုင်နက်တွေမှာ အစ္စရေးက ကျူးကျော်အိမ်ယာတွေ ဆောက်လုပ်နေမှုကို ရှုတ်ချတဲ့ ကုလလုံခြုံရေးကောင်စီရဲ့ ဆုံးဖြတ်ချက်ကို အမေရိကန်က ယခင်ကလို ဗီတိုသုံးမပယ်ချဘဲ ခွင့်ပြုပေးခဲ့ပါတယ်။

အစ္စရေး-ပါလက်စတိုင်းကိစ္စနဲ့ပတ်သက်ပြီး နိုင်ငံခြားရေးဝန်ကြီးဟောင်း ဂျွန်ကယ်ရီရဲ့ နောက်ဆုံးမှတ်ချက်မှာ အစ္စရေးရဲ့ ကျူကျော်အိမ်ယာတွေအတွက် ပြင်းပြင်းထန်ထန် ရှုတ်ချခဲ့ပြီး၊ နှစ်နိုင်ငံအဖြေကို လက်မခံဘဲနဲ့တော့ အစ္စရေးဟာ ဂျူးနိုင်ငံ၊ ဒီမိုကရေစီနိုင်ငံ ဘယ်တော့မှ ဖြစ်မှာမဟုတ်ဘူးလို့ ပြောကြားခဲ့ပါတယ်။

အိုဘားမားကလည်း ပါလက်စတိုင်းပိုင်နက်မှာ အစ္စရေးက တရားမ၀င် ကျူးကျော်အိမ်ယာတွေ ဆောက်လုပ်တာဟာ ကောင်းကျိုးဖြစ်ထွန်းမှာမဟုတ်ဘဲ၊ ထရမ့်အနေနဲ့ အမေရိကန်သံရုံးကို ဂျေရုစလင်ကိုရွှေ့မယ်ဆိုရင်လည်း အခြေအနေတွေကို ဆိုးရွားသွားစေနိုင်တယ်လို့ သက်တမ်းမကုန်ခင် ၂ ရက်အလိုမှာ ပြောကြားခဲ့ပါတယ်။

Ref: Middle East Eye