တူရကီအစိုးရ၏ ဘွဲ့လွန်ပညာတော်သင်ဆု မည်သူမဆို လျှောက်ထားနိုင်

ဇန်န၀ါရီ ၂၅၊ ၂၀၁၇
M-Media

– ကမ္ဘာတစ်ဝှမ်းက မဟာဘွဲ့တက်ချင်သူတွေ၊ ဒေါက်တာဘွဲ့တက်ချင်သူတွေအတွက် တူရကီအစိုးရက ပညာတော်သင်တွေ ခေါ်ယူနေတယ်လို့သိရပါတယ်။

တူရကီအစိုးရဲ့ www.turkiyeburslari.gov.tr ၀ဘ်ဆိုက်မှာ သွားရောက်လျှောက်ထားရမှာဖြစ်ပြီး ခွင့်ပြုရက်ကိုတော့ ၂၀၁၇ ခုနှစ် ဇန်န၀ါရီ ၁၆ ရက်ကနေ၊ ဖေဖော်ဝါရီ ၁၆ ရက်နေ့အထိ သတ်မှတ်ထားပါတယ်။ လိုအပ်တဲ့ အချက်အလက်တွေနဲ့ စာရွက်စာတမ်းတွေကို ၀ဘ်ဆိုက်မှပဲ တစ်ခါတည်း ဖြည့်သွင်းတာ၊ upload တာမျိုး ဆောင်ရွက်ရမှာပါ။

ဒီပညာတော်သင်အစီအစဉ်အတွက် မည်သည့် တစ်ဦးတစ်ယောက်၊ တစ်သင်းတစ်ဖွဲ့ကိုမှ ကိုယ်စားလှယ်မပေးထားဘူးလို့လည်း အဲဒီဝဘ်ဆိုက်မှာ ဖော်ပြထားပါတယ်။

တူရကီနိုင်ငံတစ်ဝှမ်း မြို့ပေါင်း ၅၅ မြို့က တက္ကသိုလ်ပေါင်း ၁၀၅ ခုဟာ နှစ်စဉ် ပညာသင်ဆုပေါင်း ၁၆၀၀၀ လောက်ကို ပေးလေ့ရှိပြီး အခု ဘွဲ့လွန် ပညာသင်ဆုလျှောက်ထားရာမှာ သက်ဆိုင်ရာ တက္ကသိုလ်က သတ်မှတ်ထားတဲ့ GRE၊ GMAT၊ TOEFL၊ DELF၊ YDS နဲ့ ALES တို့လို အင်္ဂလိပ်အရည်အချင်းစစ် အမှတ်တွေနဲ့ ကိုက်ညီဖို့တော့ လိုပါတယ်။

မဟာဘွဲ့ လျှောက်ထားချင်သူတွေအနေနဲ့ ၁၉၈၇ ခုနှစ် ၁ လပိုင်း ၁ ရက်နေ့ မတိုင်ခင် မွေးဖွားသူတွေ ဖြစ်ရမှာဖြစ်ပြီး၊ ဒေါက်တာဘွဲ့အတွက်ကတော့ ၁၉၈၂ ခုနှစ် ဇန်န၀ါရီ ၁ ရက်နေ့မတိုင်ခင် မွေးဖွားသူ ဖြစ်ရမှာပါ။

မဟာဘွဲ့အတွက် လျှောက်ထားသူဟာ လျှောက်ထားမယ့် ဘာသာရပ်အတွက် ဘွဲ့ရထားရမှာဖြစ်ပြီး၊ ဒေါက်တာဘွဲ့ လျှောက်ထားသူကတော့ သက်ဆိုင်ရာဘာသာရပ်နဲ့ မဟာဘွဲ့ ရထားရမှာဖြစ်ပါတယ်။

လျှောက်ထားသူအနေနဲ့ အွန်လိုင်းလျှောက်လွှာမှာ ဖော်ပြထားတဲ့ တက္ကသိုလ်တွေမှာသာ ပညာသင်ဆု လျှောက်ထားနိုင်မှာဖြစ်ပြီး တစ်ခြားတက္ကသိုလ်တွေမှာတော့ ရမှာမဟုတ်ပါဘူး။

အသေးစိတ်သိလိုသူတွေအနေနဲ့ www.turkiyeburslari.gov.tr အင်တာနက်စာမျက်နှာမှာ ၀င်ကြည့်နိုင်သလို 0 850 455 0 982 နံပါတ်ကိုလည်း ဆက်သွယ် မေးမြန်းနိုင်ပါတယ်။ အီးမေးလ်နဲ့ မေးမြန်းချင်တယ်ဆိုရင်တော့ [email protected] လိပ်စာကို ဆက်သွယ်နိုင်ပါတယ်။

တက္ကသိုလ်ကျောင်းသားတွေရဲ့ တူရကီအစိုးရအတွက် ပညာသင်ဆုလည်း မကြာမီ ကြေငြာမယ်လို့ သိရပါတယ်။