အာဖဂန်မှ အမေရိကန်တပ်များ ဆုတ်ခွာရန် တာလီဘန်က ထရမ့်ကို တောင်းဆို

ဇန်န၀ါရီ ၂၆၊ ၂၀၁၇
M-Media

– အာဖဂန်နစ္စတန်နိုင်ငံမှ အမေရိကန်တပ်များ ထွက်သွားရန် တာလီဘန်တို့က သမ္မတ ဒေါ်နယ်ထရမ့်ကို တောင်းဆိုလိုက်ပြီး ၁၅ နှစ်အတွင်း သွေးမြေကျမှု၊ ထိုခိုက်ပျက်ဆီးမှုတို့မှလွဲ၍ အမေရိကန်မှာ မည်သည့်အောင်မြင်မှုမှ ရရှိခြင်း မရှိဟု ပြောကြားလိုက်သည်။

တာလီဘန်၏ ၀ဘ်ဆိုက်များတွင် လွှင့်တင်ထားသည့် ဒေါ်နယ်ထရမ့်သို့ အိတ်ဖွင့်ပေးစာတွင် ယခုကဲ့သို့ တောင်းဆိုလိုက်ခြင်းဖြစ်ပြီး အမေရိကန်မှာ ဆုပ်လည်းဆူး၊ စားလည်းရူးဖြစ်နေသည့် အခြေအနေတွင် ဒေါ်လာ ထရီလီယံပေါင်းများစွာ သုံးစွဲခဲ့ပြီးနောက် ယုံကြည်မှုလည်း ဆုံးရှုံးသွားခဲ့ပြီဟု ဆိုသည်။

“ဒါ့ကြောင့် ဒီစစ်ပွဲကို အဆုံးသတ်ဖို့တာဝန်ဟာ ခင်ဗျားရဲ့ ပခုံးပေါ်မှာပါ” ဟု အဆိုပါ စာတွင် ဖော်ပြထားသည်။

အမေရိကန်မှာ ၂၀၀၁ ခုနှစ်က အာဖဂန်နစ္စတန်ကို ကျူးကျော်တိုက်ခိုက်ခဲ့ပြီး ဗီယက်နမ်စစ်ပွဲပြီးနောက် အမေရိကန်၏ အရှည်ကြာဆုံးစစ်ပွဲ ဖြစ်လာခဲ့သည်။ ထို့ပြင် ကန်ဒေါ်လာ ဘီလီယံ ၁၀၀ ကျော်သုံးစွဲခဲ့ရကာ အကုန်အကျအများဆုံး စစ်ပွဲလည်းဖြစ်သည်။

တာလီဘန်ကမူ ၎င်းတို့၏ သူပုန်ထမှုများမှာ ဘာသာရေးအရ၊ အသိပညာအရ၊ အမျိုသားရေးအရ တရားဝင်ပြီး ဥပဒေဘောင်အတွင်းရှိ စံချိန်စံညွှန်းများအားလုံးနှင့် ညီညွတ်သည်ဟုလည်း ဖော်ပြခဲ့သည်။

အာဖဂန်၌ လက်ရှိတွင် နေတိုးအဖွဲ့ဦးဆာင်ပြီး အာဖဂန် လုံခြုံရေးတပ်ဖွဲ့များကို လေ့ကျင့်ပေးခြင်း၊ သီးခြား အကြမ်းဖက်တိုက်ဖျက်ရေး လုပ်ငန်းများ ဆောင်ရွက်ခြင်းတို့ ရှိနေပြီး အမေရိကန်တပ်ဖွဲ့ဝင်များမှာ ၈၄၀၀ ၀န်းကျင် ရှိသည်။

ထရမ့်ကမူ လက်ရှိတွင် အာဖဂန်နစ္စတန်နှင့်ပတ်သက်၍ မည်သည့် မှတ်ချက်မှမပေးသေးပေ။

တာလီဘန်၏ ယခု အိတ်ဖွင့်ပေးစာတွင် ဗိုလ်ချုပ်များက တင်ပြသော အခြေအမြစ်မရှိသည့် သတင်းများကို မှီခိုအားထားခြင်းမပြုရန် ထရမ့်ကို သတိပေးခဲ့ပြီး၊ စစ်ပွဲရှိမှ အမေရိကန်မှာ အမြတ်ထွက်ကာ အခြေအနေကောင်းမည်ဖြစ်သောကြောင့် အာဖဂန်တွင် ဆက်လက်တိုက်ခိုက်ရေး၊ ဆက်လက်သိမ်းပိုက်ရေးတို့ကို ဗိုလ်ချုပ်များက အဓိကထား တင်ပြသွားမည်ဖြစ်ကြောင်း၊ ၃၈ နှစ်ကြာ စစ်ပွဲများနှင့် ကြုံတွေ့ခဲ့ရသည့် အာဖဂန်ပြည်သူများမှာ စစ်ပွဲများကို လုံးဝ အဆုံးသတ်ချင်နေပြီဖြစ်ကြောင်း ထည့်သွင်းဖော်ပြခဲ့သည်။

အာဖဂန်တွင် တာလီဘန်နှင့် အစိုးရတပ်များ အသီးသီး ထိန်းချုပ်ထားသည့် နယ်မြေပြ မြေပုံ

Ref: Aljazeera