အစ္စလာမ့်နိုင်ငံဟု ခေါ်ဆိုမှုအား ဂမ်ဘီယာ သမ္မတသစ် ပယ်ဖျက်

ဇန်န၀ါရီ ၂၉၊ ၂၀၁၇
M-Media

– အာဏာရှင် ယဟ်ယာ ဂျာမေဟ်လက်ထက်က ‘ဂမ်ဘီယာ အစ္စလာမ့် ပြည်သူ့ သမ္မတနိုင်ငံ’ ဟု သတ်မှတ်ထားမှုတွင် ‘အစ္စလာမ်’ ဆိုသည့် စကားလုံးကို သမ္မတသစ် အဒါမာ ဘာရိုးက ပယ်ဖျက်လိုက်ပြီး နိုင်ငံအတွင်း မတူကွဲပြားသော လူမျိုးများ၊ ဘာသာများနှင့် တစ်သားတည်းရှိကြောင်း ပြသလိုက်ခြင်းလည်း ဖြစ်သည်။

လူဦးရေ ၂ သန်းခန့်ရှိသည့် ဂမ်ဘီယာနိုင်ငံတွင် ၉၀ ရာခိုင်နှုန်းမှာ အစ္စလာမ်ဘာသာကို သက်ဝင်ယုံကြည်သူများဖြစ်ပြီး ကျန်သည့် ၁၀ ရာခိုင်နှုန်းက ခရစ်ယာန်နှင့် ရိုးရာအယူဝါဒများကို လက်ခံကျင့်သုံးကြသည်။ ၁၉၉၄ ခုနှစ်က အာဏာသိမ်းပြီးနောက် တိုင်းပြည်အား အုပ်စိုးလာခဲ့သည့် သမ္မတဟောင်း ဂျာမေဟ်မှာ ၂၀၁၅ ခုနှစ်တွင် ‘အစ္စလာမ့်ပြည်သူ့သမ္မတနိုင်ငံ’ အဖြစ် ကြေငြာခဲ့သည်။

သို့သော်လည်း အာဏာရယူပြီးနောက် ကြာသာပတေးနေ့တွင် ပထမဆုံးပြုလုပ်သည့် သတင်းစာရှင်းလင်းပွဲ၌ ဘာရိုးက တိုင်းပြည်၏အမည်တွင် ‘အစ္စလာမ်’ ဟူသော စကားလုံးကို နောက်ထပ် အသုံးပြုသွားမည်မဟုတ်ဟု ဆိုပြီး မိမိတို့တိုင်းပြည်မှာ ‘ပြည်သူ့သမ္မတနိုင်ငံ’ သာ ဖြစ်သည်ဟု ပြောကြားခဲ့သည်။

ထို့ပြင် ဂျာမေဟ်၏ လက်ကိုင်တုတ်ဖြစ်ခဲ့ပြီး နိုင်ငံအတွင်း တက်ကြွလှုပ်ရှားသူများ၊ အတိုက်အခိုက်များကို ပြင်းပြင်းထန်ထန် နှိပ်ကွပ်ခဲ့သည်ဟု နာမည်ဆိုးဖြင့် ကျော်ကြားသည့် အမျိုးသား ထောက်လှမ်းရေးအေဂျင်စီ (NIA) ကို အမည်ပြောင်းသွားမည် ဖြစ်ကြောင်း၊ စာနယ်ဇင်းလွတ်လပ်ခွင့်ကို ပေးမည်ဖြစ်ကာ နိုင်ငံအတွင်း ပြုပြင်ပြောင်းလဲရေး လုပ်ငန်းများကို လုပ်ဆောင်သွားမည်ဖြစ်ကြောင်း ထည့်သွင်းပြောကြားခဲ့သည်။

ဘာရိုးမှာ လာမည့်တစ်ပတ် အစောပိုင်းတွင် ကတ်ဘိနတ်ဝန်ကြီးများ အမည်စာရင်းကို ထုတ်ပြန်ရန် ရှိနေပြီး ရာထူးမယူခင် ထိုဝန်ကြီးများ၏ ပိုင်ဆိုင်မှုများကို တရားဝင် ကြေငြာခိုင်းသွားမည်ဟု ဆိုသည်။

Ref: Aljazeera