လုပ်ကြံခံရတဲ့ ရှေ့နေကြီး ဦးကိုနီ အတွက် အမှတ်တရ ပြောစကားများ

ဇန်နဝါရီ ၃၁ ၊ ၂၀၁၇
M-Media
သီဟ& မိုးစက်

အမျိုးသားဒီမိုကရေစီ အဖွဲ့ချုပ်ပါတီက ဥပဒေအကြံပေး တရားလွှတ်တော်ရှေ့နေ ဦးကိုနီဟာ ၂၀၁၇ ခုနှစ် ဇန်နဝါရီလ ၂၉ ရက်နေ့ ညနေပိုင်းမှာ ရန်ကုန်လေဆိပ် နိုင်ငံတကာဆိုက်ရောက်ဆောင်ရှေ့့ တက္ကစီ စတန်းမှာ အကြမ်းဖက်လူသတ်သမား တစ်ဦးမှ ဦးခေါင်းကို သေနတ်ဖြင့် အနီးကပ်ပစ်ခတ်ပြီး လုပ်ကြံမှုကြောင့် ကွယ်လွန်ခဲ့ရပါတယ်။

လုပ်ကြံမှုကြောင့် ကွယ်လွန်ခဲ့တဲ့ အစ္စလာမ်ဘာသာဝင်တစ်ဦးဖြစ်သူ ရှေ့နေကြီး ဦးကိုနီအတွက် မြန်မာမွတ်စလင်မ် အသိုင်းအဝိုင်းမှ ခေါင်းဆောင်အချို့နှင့် နယ်ပယ်အသီးသီး ဦကိုနီကို လေးစားချစ်ခဲ့ကြတဲ့ နယ်ပယ်အသီးသီးမှ ပြည်သူများရဲ့  ဝမ်းနည်းကြေကွဲမှုအထိမ်းအမှတ် ရင်တွင်းဖြစ် စကားများကို M-Media မှ ဆက်သွယ်မေးမြန်း၍ စုစည်း ဖော်ပြလိုက်ရပါတယ်။

xxxxxxxxxxxxxxxxxxxxxxxxxxxxxxx
ဆရာ ဦးကိုနီလုပ်ကြံခံရတယ်ဆိုတာ ဘာသာကို ခုတုံးလုပ်ပြီး နိုင်ငံရေး ဆူပူအောင်လုပ်နေတာပါ။ လုပ်တဲ့သူက အခု သတင်းတွေကြားတော့လည်း သူကအခြေအမြစ်မရှိတဲ့လူ၊ ဘုရားဆင်းတုခိုးတဲ့လူ ဒါမျိုးဟာတွေကို မြှောက်ပေးပြီး လုပ်ခိုင်းတာပါ။

ဦးကိုနီဟာ နိုင်ငံတော်ကို ကောင်းတဲ့ဥပဒေအမွေ ပေးခဲ့ချင်တယ်။ အခု ရှိနေတဲ့ ဥပဒေကြီးဟာ ကျွန်တော်တို့အားလုံးအတွက် မသင့်တော်သလို အဲ့ဒါကို တတ်သိနားလည်တဲ့သူကို လုပ်ကြံလိုက်တာလို့ပဲ ကျွန်တော်ကတော့ နားလည်ပါတယ်။

အာဏာတည်မြဲအောင် ဒီမိုကရေစီမရရှိအောင် လုပ်နေတာပါ။ ဦးကိုနီဟာ ကိုယ်စားလှယ်လောင်းနေရာလည်း မယူခဲ့ပါဘူး။ လွှတ်တော် အမတ်နေရာလည်း မယူခဲ့ပါဘူး။ ဝန်ကြီးနေရာလည်း မယူခဲ့ပါဘူး။ ဒါပေမယ့် သူဟာ နိုင်ငံတော်အတွက် အသက်ကိုစတေးပေးခဲ့တဲ့

အာဇာနည်ပါ။ ရှေးမြန်မာမင်းများ လက်ထက်ကတည်းက နိုင်ငံအတွက် မြန်မာမွတ်စလင်တွေက အသက်ပေးခဲ့တာပါ။ အခုချိန်ထိလည်း နိုင်ငံတော်အတွက် အသက်ပေးရဲတယ်ဆိုတာ ဦးကိုနီက သက်သေပြသွားတာပဲ ဖြစ်ပါတယ်။

ကျွန်တော်တို့ အားလုံးအတွက် အစားထိုးမရတဲ့ ဝမ်းနည်းမှု ဖြစ်ပါတယ်။ ဦးကိုနီဟာ အာဏာကို မမက်မောခဲ့ပါဘူး၊ နေရာကို မယူခဲ့ပါဘူး။ ဘာအကျိုးမှ မမျှော်ကိုးခဲ့ပဲ နိုင်ငံတော်အတွက် အသက်ကိုစတေးပြီး ချစ်လှစွာသော မိသားစုနဲ့ အားလုံးကို ခွဲခွာပြီးသွားတဲ့အတွက်

ကျွန်တော်ဟာ အခုချိန်ထိအောင် အလွန်အင်မတန်မှ ဝမ်းနည်းခံစားမိပါတယ်။

ခလီဖွာ ဦးသိန်းဝင်းအောင် (အစ္စလာမ် ပရမတ္တ မိသားစု ဂိုဏ်းချုပ်ဆရာတော်)
—————————————————–
ဦးကိုနီကို ဆုံးရှုံးသွားတာက နိုင်ငံတော်က အားထားရတဲ့ နိုင်ငံရေးသမားတစ်ယောက် ဆုံးရှုံးသွားတာပါပဲ။ ဒီမိုကရေစီ ဘက်တော်သားတစ်ယောက်၊ ဥပဒေပညာရှင်တစ်ယောက် ဆုံးရှုံးသွားတဲ့အတွက် စိတ်မကောင်းဖြစ်ရပါတယ်။

ဒီမိုကရေစီ နိုင်ငံတည်ဆောက်ရေးအတွက် ဥပဒေအရရော နိုင်ငံရေးအရပါ ထိထိရောက်ရောက် အထောက်အကူပြုနေတဲ့ ခေါင်းဆောင်တစ်ယောက်ဖြစ်နေတော့ တစ်နိုင်ငံလုံးအတွက် ကြီးမားတဲ့ ဆုံးရှုံးမှု တစ်ခုဖြစ်ပါတယ်။ အရင်ကတည်းက

နိုင်ငံရေးခေါင်းဆောင်တွေနဲ့ အယူအဆမတူတဲ့လူတွေကြားမှာ လက်နက်အားကိုးနဲ့  အကြမ်းဖက်ဖြေရှင်းတာတွေ ရှိခဲ့ပါတယ်။ အရင်ဒီလိုရှိခဲ့တဲ့အတွက်လည်း တိုင်းပြည်က နစ်နာခဲ့တာပဲ ရှိပါတယ်။ အခုလည်း တိုင်းပြည်ရဲ့ နစ်နာမှုတစ်ခုပါပဲ။ နိုင်ငံတွင်းရော

နိုင်ငံပြင်ပမှာရော ကျွန်တော်တို့အနေနဲ့ အကြမ်းဖက်တယ်ဆိုတာကို ဆန့်ကျင်ပါတယ်။ အကြမ်းဖက်တာကို ချုပ်ငြိမ်းစေချင်ပါတယ်။

ဦးတင်မောင်သန်း (အစ္စလာမ်သာသနာရေးရာကောင်စီ အတွင်းရေးမှူးချုပ်)
—————————————————–
ဆရာဦးကိုနီ လို သူရဲကောင်း တွေ များမြောင်စွာ မွေးဖွားပေးဖို့ ကျနော်တို့မှာ တာဝန်ကျန်ခဲ့ပြီ

ခေတ်တခေတ်မှာ တယောက်သာ ပေါ်ထွန်းတတ်တဲ့ မြန်မာ နိုင်ငံ အတွက် ၊ မြန်မာ မွတ်စလင် ကွန်မြူ နတီ အတွက် မတထောင် တကောင်ဘွား အာဂ ဇာနည် ဥာဏ သူရဲကောင်း တယောက်အတွက် ထာဝရ ဂုဏ်ယူနေမှာပါ။
ကိုဇင်ဘိုအောင်(Singapore)
————————————————-
နိုင်ငံရေးကို အကြမ်းဘက်မှုနဲ့ လုပ်ကြံသတ်ဖြတ်သူတွေဟာ သူရဲဘောကြောင်သူတွေပါဆရာ၊

ဆရာကတော့ယုံကြည်ရာကို အသေခံရပ်တည်သွားတဲ့ကျနော်တို့ရဲ့သူရဲကောင်းပါ

ထင်လင်းသန့်
————————————————-
ဆရာဦးကိုနီကိုလုပ်ကြံတာနာဂစ်ခြေဥ ၂၀၀၈ ဖွဲ့စည်းပုံစာအုပ်စိမ်းကြီးကိုမပြုပြင်လိုသူလူမသာလူ့မိုက်ရိုင်းအောက်တန်းစားစိတ်ဓာတ်ပိုင်များ၏စိတ်ဓာတ်နှင့်လုပ်ရပ်များသည်မြန်မာပြည်နိုင်ငံရေးအားလုပ်ကြံလေခြင်းဖြစ်သည်။

သန့်ဇင်ဦး ( မိုးမိုး )
————————————————-
ဆရာဦးကိုနီ လုပ်ကြံခံရမှုက မြန်မာပြည်အတွက် ဥပဒေလောကအတွက် အစားထိုးမရတဲ့ ဆုံးရှုံးမှုကြီးပါ။

တန်းတူညီမျှမှုနှင့်တရားဥပဒေစိုးမိုးမှု အားနည်းကြောင်း ဆရာဦးကိုနီက သွေးမြေကျ၍ သက်သေပြုခဲ့ပါပြီ။

မြန်မာပြည်ကြီး နိုးကြားပါတော့

မမီဇာန်
————————————————-
ဆရာတာဝန်ကြေခဲ့ပါပြီ။  ငြိမ်းချမ်းစွာအနားယူပါတော့ဆရာ။

မျိုးအောင်
————————————————-
မိသားစုတစ်​စု၊ လူနည်းစုတစ်​စုရဲ့ နစ်​နာမှုမဟုတ်​ခဲ့ဘူး။
တစ်​နိုင်ငံလုံးအတွက်​ နစ်​နာဆုံးရှုံးမှုပါ။
ဆရာဦးကိုနီရဲ့ အသက်​တစ်​​ချောင်းကို အ​ကြောင်းခံလို့ နစ်​နာဆုံးရှုံးခဲ့ရသူ နိုင်​ငံသားတိုင်း ​သွေးစည်းညီညွတ်​မှုကို ရနိုင်​ပါ​စေ။

အိစန္ဒီချို
————————————————-
နောက်ထပ်ဦးကိုနီတွေဖြစ်အောင်ကြိုးစားကြစို့။

ဘုန်းမြင့်ကို
————————————————
ဦးကိုနီအတွက်ဂုဏ်ယူပါတယ် …

ဒီမိုကရေစီ အစိုးရသစ်လက်ထက်မှာ
မြန်မာ့ဒီမိုကရေစီ အရေးအတွက်
ပထမဆုံးအသက်ပေးသွားသူသည်
မြန်မာနိုင်ငံသား အစ္စလာမ်ဘာသာဝင်အဖြစ်
သမိုင်းမော်ကွန်းတင်ကျန်ရစ်ပါပြီ ။

JuneGio®
————————————————
ဦးကိုနီကိုသေအောင်လုပ်ကြံသတ်ဖြတ်
လိုက်တာနဲ့တပြိုင်နက်
ဦးကိုနီဟာထာဝရရှင်သန်သွားတော့တာဘဲဗျာ။

တင့်ဆွေအောင်
————————————————
ဦးကိုနီ လုပ်ကြံခံလိုက်ရတာ တိုင်းပြည်ရဲ့ နစ်နာမှု ပါ။ တိုင်းပြည်ရဲ့  လုံခြုံရေးကို ထိပါးမှု နိုင်ငံတကာ အလယ်မှာ မြန်မာ နိ်ုင်ငံ ရဲ့  ဆယ်မရတဲ့ သိက္ခာပါ။ ဒါကြောင့် ဒီသိက္ခာကို တစ်သက် လုံး အတွက် ပြန်ဆယ်ပေးပါ။

Hate speech ကို ပြောင်ပြောင်တင်း တင်း လုပ်နေတဲ့ အရေခြုံ ဘုန်းကြီးများအဖွဲ့ အစည်းများ အားလုံးကို အရေး ယူပေးပါ။ ဘယ်ဘာသာ ဘယ်လူမျိုးကို မဆို ဘာသာရေး လွတ်လပ်ခွင့် ပေးပါ။ ထိပါးစော်ကားသူ အားလုံးကို တရား ဥပဒေနဲ့ အညီ အရေးယူပေးပါ။
ဒါမှ ငြိမ်းချမ်းမှာ။ ဒီမိုကရေစီ အစစ် ရ တယ်လို့  ကမ္ဘာမှာ ပွဲ လယ်တင့်မှာပါ။

မသက်ထွေး
————————————————
မိမိပတ်ဝန်းကျင် အသိုင်းအ၀ိုင်းအတွက်
ကောင်းကျိုးပြုဖို့ သွန်​သင်​ထားတဲ့
အစ္စလာမ် သာသနာရဲ့ အဆုံးအမကို
လိုက်နာရင်း….
ဒီလောကမှ ထွက်ခွာသွားသူမို့ ဂုဏ်ယူမိပါတယ်။

အဖိုးတန် အစ္စလာမ့်သားကောင်း အာဇာနည်တဦးရဲ့
ပုံရိပ်ကောင်းကို ပြခဲ့တဲ့အတွက်လည်း ကျေးဇူးတင်ပါတယ်…..လို့။

မတီ
————————————————
ဒီမိုက‌ရေစီနိုင်‌ငံ‌တော်‌ကြီး၏ ကြီးမား‌သော ဆုံးရှုံးမှု တစ်ရပ်‌ပါ။ ထို့အတွက်‌ ‌ဖော်‌ပြစရာ စကားလုံးမရှိ‌အောင်‌ စိတ်‌မကောင်းဖြစ်မိပါသည်‌။

စိုးရာဇာ (L.LB)
————————————————
မြန်မာမွတ်စလင်တွေအနေနဲ့ နိုင်ငံရေးနဲ့ကင်းကင်းနေပြီး စီးပွားရေးတောင့်တင်းခိုင်မာအောင်အားယူသင့်ပြီမြန်မာနိုင်ငံအတွက် နောက်ကွယ်က ပိုမိုခိုင်မာတဲ့ အကူညီပေးနိုင်ပါတယ်။ လူလုံးထွက်ပြတဲ့ အနေထားတွေကို တတ်နိုင်သလောက်

သတိထားပြီးဆင်ခြင်သင့်တယ်လို့ ယူဆပါကြောင်း။

ညီလင်းထိုက်
————————————————
ဦးကိုနီ ဆုံးရှုံးမူက မြန်မာနိုင်ငံကို စစ်မှန်တဲ့ ဒီမိုက‌ရေစီနိုင်ငံ ဦးတည်းရေးကို အဟန့်အတားဖြစ်သွားတယ်လို့ ယူဆပါတယ်။ ဥပဒေကြောင်းအရ ရဲရဲဝံ့ဝံ့ ပြောဆိုရဲတဲ့ သတ္တကလည်း သူ့မှာ အပြည့်ရှိ တယ်။ နိုင်ငံရဲ့ ဆုံးရှုံးမှုကြီးလို့ပဲ မြင်ပြီး စိတ်မကောင်းများစွာ ဖြစ်မိတယ်။

ဦးတင်မောင်ထွန်း
————————————————
မြန်မာနိုင်ငံတော်ကြီးအတွက်နစ်နာမှုတရပ်ပါ။

Tin Zew Than
————————————————
ဆရာဦးကိုနီ စင်ကာပူဟောပြောပွဲ ၂ ကြိမ် လာတာ ၂ ကြိမ်လုံး တက်ရောက်နားထောင်ခဲ့ပါတယ်။

ပထမ ၁ ကြိမ်က ” အနာဂတ်မြန်မာနိုင်ငံတော်ကို ထု ဆစ်ခြင်း” ဆရာကိုနီ က ဆရာဖေမြင့် ကိုနေဘုန်းလတ် တို့ နှင့်အတူ ဟောခဲ့တာပါ။

အဲမှာ ထူးထူးခြားခြား ဆရာတော်တွေပါ လာတက်ပါတယ်။ မေးသမျှ မေးခွန်းတွေ ကို ပညာရှင်ပီသစွာ ဖြေကြား ခဲ့ပါတယ်။

ဒုတိယအကြိမ် နောက်ဆုံး ပါ ၈၈ ကိုမင်းကိုနိုင် ရယ် ဆရာဦးကိုနီ ရယ် လာဟောပါတယ် ခေါင်းစဉ်က “ခေတ်သစ်ရောင်နီ မြန်မာပြည် ”

စစချင်း ဆရာဦးကိုနီ က စင်ကာပူက မြန်မာတွေ မဲပေး တဲ့ခါ မှာ တက်တက်ကြွကြွမဲ ပေးခဲ့ကြတာ ပလက်ဖောင်း ပေါ်အိပ် မဲပေးခဲ့တာကြတာ ကို ကျေးဇူးတင်ကြောင်းပြောပါတယ်။

ကိုမင်းကိုနိုင် က ဆရာဦးကိုနီကို အချိန်များများ ပေးပြောစေခဲ့တာ respect တအားရှိတာကို မြင်တွေ့ခဲ့ပါတယ်။

ဆရာ ချည်းပဲ အချိန်တော်တော်များများပြောသွားတာပါ။ ဆရာ တကယ့်ကို ပညာ သဘာ ရင့်ကျက်ပါတယ်။

NUS တို့ လို တက္ကသိုလ် တွေက ပြုလုပ်တဲ့ law forum တွေမှာလာ တက်လေ့ရှိတာ လည်း သိရပါတယ်။

အဖိုးအဖြတ်နိုင်တဲ့ ပညာရှင် ပရိုတစ်ယောက် ပါ တိုင်းပြည်အတွက် အရမ်းနစ်နာပါတယ်။
မိသားစုအတွက် ဆုံးရှုံးမှု၊ လူငယ်တွေအတွက် ဆုံးရှုးံမှု တိုင်းပြည်အတွက် ဆုံးရှုံးမှုပါ။

“လူသေ သော်လည်း နာမည် ဘယ်တော့မှ မသေ” ပါဘူး

#MMC
————————————————
အလှဆုံးပန်းတစ်ပွင့်ဆိုတာ အမြန်ဆုံးခူး ခြွေခံရတာပဲလေ။
အဲဒီလိုပဲ အမြင့်ဆုံး သစ်ပင်ဟာလည်း မိုးကြိုးပစ်ချခံရတာပါပဲ။
ဦးကိုနီ ဒွန်နယာ အာခေရသ် နှစ်ဌာနအတွက် တာဝန်ကြေပါတယ်။
အလ္လာဟ်ရှင်မြတ်က ဂျန္နသ် နဆီစ်ပေး ချင်လို့ အချိန်ကိုက် ခေါ်သွားတယ်လို့ပဲ ဖြေသာရပေမဲ့ အမှန်တရားအတွက် စကားသံတိတ်သွားရခြင်းကတော့ ကမ္ဘာ ကြီး တစ်ခုလုံးအတွက် မိုးမှောင်ကျသွား တဲ့ Black Sunday နေ့ပါပဲ။

ဆရာ့ အသက်သွေးနဲ့ ရေးထိုးထားပေးခဲ့ တဲ့ မြန်မာ့သမိုင်းကတော့ ပင်ယံထက်မှာ မွှေးကြူနေအုံးမှာပါဘဲ။

ဒါပေမဲ့ အကြမ်းဖက်လုပ်ရပ်ဆိုပြီး ပြင်းပြင်းထန်ထန် ဝေဖန်ရှုပ်ချသူမတွေ့ရသလောက်ရှိတဲ့ အတွက်တော့ ရှုံချချင်ပါ တယ်ဗျာ။

ရဲခေါင်ထွေး
————————————————
အမှန်တရားရဲ့ဘက်​​တော်သား ဆရာဦးကိုနီ အသက်​​​ပေးခဲ့ရ​ပေမယ့်​ နာမည်နဲ့ဆန္ဒ​တွေ ​မ​သေပါဘူး ဆရာ့ရဲ့ဆန္ဒနဲ့ နိုင်ငံတွက်ကြိုးစားမှု​တွေ ​​​​အထ​မြောက်​​စေဖို့ ​အတွက်က​​တော့နိုင်ငံကိုချစ်တဲ့ ​နိုင်ငံသားတိုင်​ လူသားဆို့တဲ့​ခေါင်းစဉ်​​အောက်​က​နေ သွေးစည်း​ညီညွတ်​

ဖို့လိုပါတယ်​ ။ ဆရာ့နှင့်​ နိုင်​ငံအတွက်​ လက်​နက်​ကိုင်​အကြမ်းဖက်​ကို ဖမ်းဆီနိုင်​ရန်​ အသက်​​ပေးကြိုးစားခဲ့တဲ့ ဦး​နေ၀င်း​စိတ်​ဓါတ်​မျိုး ကိုလည်း​​လေးစားစွာဂုဏ်ပြု​အတုယူ လို့ ဆက်​လက်​ကြိုးစားဖို့လိုပါတယ်​

မြတ်သူသူအောင်
————————————————
ဆရာပြောဘူးတယ်
သန်းကောင်ထက်ညဥ့်မနက်တော့ပါဘူးတဲ့
ဟုတ်တယ်ဆရာ
အခုတော့ ညတာရှည်လွန်းလှပါတယ်

ပသီဇော်မင်းထွန်း(မန္တ​လေး)
————————————————
ဆရာ့ပြောစကားတစ်ခု မှတ်ထားမိတာက

“ကျနော်က သိနေရဲ့နဲ့ မပြောမိရင် အပြစ်မကင်းဘူးဖြစ်နေမယ်… ဒီတော့ ကိုယ်မြင်သိနေတဲ့ တရားဥပဒေအရေးရာမှာ ပြောပြပေးတာပါ” တဲ့…. ပညာရှင်တွေ ပညာရှိမဆန်တော့တဲ့အရပ်မှာ မိုးခါးရေကို ပါးစပ်ပိတ်ခဲ့တဲ့ ပညာရှိပါ…

TSP
————————————————
မွတ်စလင်တွေကို ခိုးဝင် ဧည့်သည်အဖြစ် ပုံဖေါ်ခြင်တဲ့ဖိနှိပ်ချင်တဲ့လူတွေ။
နိုင်ငံတိုးတက်မူ့ကို မလိုလားတဲ့ လူတွေ။
အာဏာမောင်ပိုင်စီချင်တဲ့ လူတွေ။
အဟိတ်တိရစ္ဆာန်စိတ်သာရှိတဲ့လူတွေက ဆရာကို သတ်သွားတာ။
ဆရာဟာ ကျုပ်အတွက် ရင်ထဲက ထာဝရ ခေါင်းဆောင်ပါ။

ကျော်မင်းအာကာ

————————————————

ဆရာ မသေပါဘူး ဘယ်တော့မှမသေပါဘူး သူထာဝရ ရှင်သန်သွားတာပါ မြေခ ခဲ့တဲ့သူ့ သွေးတွေက ထာဝရရှင်သန်ဖို့ မျိုးစေ့တည်သွားခဲ့တာပါ
(အာကာဦး – မေတ္တာလက်ကမ်းအဖွဲ့  – မြိတ်)

ဆရာ နိုင်​ငံ​တော်​ ​ပေါ် အသက်​နဲ့ရင်းပြီး တာဝန်​​ကျေခဲ့ပါတယ်​။
အမှန်​တရားသူရဲ​ကောင်း အဖြစ်​ ကျ​နော်​တို့​တွေ အတွက်​ အတုယူစရာ ဂုဏ်​ယူစရာဖြစ်​ခဲ့ပါတယ်​ ဆရာ
Thuyazaw Annawar
————————————————
တ်​လိုက်​တာမဟုတ်​ပါဘူး.
နှစ်​ဘဝရဲ့​အာဇာနည်​အဖြစ်​မိတ်​ဆက်​​
ပေးလိုက်​တာပါ…
..​အောင်​ဆန်းလင်း..
————————————————
အိုင်စစ်တို့ ကုလားအကြမ်းဖက်တို့နဲ့ တိုင်းပြည်ကိုသတင်းအမှားတွေနဲ့ ကြိုတင်ဝါဒဖြန့် တကယ်အကြမ်းဖက်ခံနေရတဲ့ ပစ်မှတ်က အစ္စလာမ်ဘာသာဝင်တွေဖြစ်နေတယ်။

(မြန်မာပြည်သားအစ္စလာမ်ဘာသာဝင်တစ်ဦး)
————————————————
နေရာမယူခဲ့ပေမယ့်
အသက်ပေးခဲ့တဲ့
ဆရာဦးကိုနီ
ကျွန်မတို့ရင်ထဲမှာအမြဲရှင်သန်နေမှာပါ။

ဆွေမာဦး