ပါလက်စတိုင်းမှ အစ္စရေး၏ ကျူးကျော်အိမ်ယာအတွက် အီးယူက ပြင်းပြင်းထန်ထန် ရှုတ်ချ

ဖေဖော်ဝါရီ ၂၊ ၂၀၁၇
M-Media

– ပါလက်စတိုင်းပိုင်နက်များတွင် တရားမ၀င် အခြေချအိမ်ယာများ ဆောက်လုပ်ရန်အတွက် အစ္စရေး၏ လတ်တလော အတည်ပြုမှုများကို ဥရောပသမဂ္ဂက ရှုတ်ချလိုက်ပြီး စိုးရိမ်စရာကောင်းသော၊ နှစ်နိုင်ငံအဖြေ မရနိုင်သော အန္တရာယ်မျိုးဖြစ်သည်ဟု ပြောကြားလိုက်သည်။

ယမန်နေ့က ထုတ်ပြန်သည့် နိုင်ငံခြားရေးပေါ်လစီအကြီးအကဲ ဖက်ဒရီကာ မော့ဂ်ဟီရီနီ၏ ကြေငြာချက်တွင် ယခုကဲ့သို့ ရှုတ်ချလိုက်ခြင်းဖြစ်ပြီး နိုင်ငံတကာဥပဒအောက်တွင် တရားမ၀င်သော အဆိုပါ ကျူးကျော်အိမ်ယာများ တိုးချဲ့မှုအတွက် ပြင်းထန်သော စကားလုံးများကို အသုံးပြုခဲ့သည်။

“နိုင်ငံတကာက အလွန်အမင်းစိုးရိမ်ပြီး၊ ကန့်ကွက်တယ်လို့ တစ်စိုက်မတ်မတ် ပြောလာပေမယ့် အစ္စရေးက ဒါကို ဆောင်ရွက်နေမှုအတွက် ဥရောပသမဂ္ဂအနေနဲ့ အလွန်အမင်း စိတ်ပျက်မိပါတယ်။ အခြေအနေတိုင်းမှာ ဒီကိစ္စက အမြဲအရှေ့ရောက်နေတာပါ” ဟု ကြေငြာချက်တွင် ဖော်ပြထားသည်။

အင်္ဂါနေ့က အစ္စရေးမှာ ပါလက်စတိုင်းပိုင် အနောက်ဖက်ကမ်းတွင် တရားမ၀င် အခြချအိမ်ယာ ၃၀၀၀ ဆောက်လုပ်မည်ဟု ကြေငြာခဲ့ပြီး ဒေါ်နယ်ထရမ့် သမ္မတဖြစ်ပြီးနောက်ပိုင်း ၂ ပတ်အတွင်း ပါလက်စတိုင်းပိုင်များတွင် ကျူးကျော်အိမ်ယာများ ဆောက်လုပ်ရန် ၄ ကြိမ်မြောက် ကြေငြာခြင်းဖြစ်သည်။

ထရမ့် သမ္မတဖြစ်ပြီး ရက်ပိုင်းအတွင် အရှေ့ဂျေရုစလင်တွင် အိမ်ယာ ၅၆၆ ခု၊ အနောက်ဖက်ကမ်းတွင် ၂၅၀၂ ခု၊ ပြီးခဲ့သည့်တစ်ပတ် ကြာသာပတေးနေ့က ရှေ့ဂျေရုစလင်တွင် ၁၅၃ ခု ဆောက်လုပ်ရန် အစ္စရေးက အသီးသီး ခွင့်ပြုခဲ့သည်။

Ref: Aljazeera