တက္ကဆက်ရှိ မီးသင့်ဗလီ ပြည်ဆောက်ရေး ကန်ပြည်သူများ ဒေါ်လာ ၁ သန်းကျော် လှူဒါန်း

ဖေဖော်ဝါရီ ၂၊ ၂၀၁၇
M-Media

မီးလောင်ပြီးနောက်တွေ့ရသည့် ဗစ်တိုးရီးယား ဗလီဝတ်ကျောင်းတော်

– အမေရိကန်ပြည်ထောင်စု တက္ကဆက်ပြည်နယ် ဗစ်တိုးရီးယားမြို့တွင် စနေနေ့က မီးလောင်ခဲ့သည့် ဗလီဝတ်ကျောင်းတော် ပြုပြင်ရေးအတွက် အမေရိကန်ပြည်သူများမှ လှူဒါန်းငွေမှာ မျှော်မှန်းသည်ထက် များပြားခဲ့ပြီး ဒေါ်လာ ၁ သန်းကျော် ရရှိခဲ့သည်ဟု သိရသည်။

အခင်းဖြစ်ပွားပြီးနောက် ‘ဗစ်တိုးရီးယား အစ္စလာမ့်စင်တာ’ က အွန်လိုင်းမှတစ်ဆင့် အလှူခံခဲ့ခြင်းဖြစ်ပြီး ကန်ဒေါ်လာ ၈၅၀၀၀၀ ရရှိရန်သာ ရည်ရွယ်ခဲ့သော်လည်း ၃ ရက်အကြာ ဗုဒ္ဓဟူးနေ့တွင် စုစုပေါင်း လူ ၂၀၀၀၀ ကျော်မှ လှူဒါန်းငွေ ၁ သန်းကျော် ရရှိခဲ့ပြီး မွတ်စလင်ခေါင်းဆောင်များက အံ့အားသင့်ခဲ့ရသည်။

စင်တာ၏ ဥက္ကဌဖြစ်သူ ရှာဟစ် ဟက်ရ်ှမီက “ဒီလောက် မြန်မြန်ဆန်ဆန် ထည့်ဝင်လာကြတဲ့အတွက် ကျွန်တော် ပျော်ရွှင်မိပါတယ်” ဟု ပြောကြားခဲ့သည်။

စနေနေ့မနက် အစောပိုင်းက လောင်ကျွမ်းခဲ့သည့် အဆိုပါမီးကြောင့် ဗစ်တိုးရီးယား ဗလီဝတ်ကျောင်းတော်မှာ ဆိုးဆိုးဝါးဝါး ပျက်ဆီးခဲ့ပြီး မီးလောင်ရသည့် အကြောင်းအရင်းကို သိရှိရခြင်း မရှိသေးပေ။ တာဝန်ရှိသူများက အခင်းဖြစ်ပွားရာနေရာမှ အထောက်အထားများကို စုဆောင်းခဲ့ပြီးနောက် ဒေသခံမွတ်စလင်များကို ဗလီဝတ်ကျောင်းတော်အသစ် ပြန်လည်တည်ဆောက်နိုင်ရန် ထိုနေရာကို လွှဲပြောင်းပေးခဲ့သည်။

လက်ရှိတွင် မီးလောင်ရသည့် အကြောင်းအရင်းအတွက် ဒေသခံနှင့် ဖက်ဒရယ်တာဝန်ရှိသူများ၊ FBI တို့ ပူးပေါင်း စုံစမ်း စစ်ဆေးနေကြသည်။

ဟက်ရ်ှမီက မိမိအနေဖြင့် ၁၉၈၄ ခုနှစ်ကတည်းက ဗစ်တိုးရီးယား မွတ်စလင်လူ့အဖွဲ့အစည်း၏ အစိတ်အပိုင်းဖြစ်ခဲ့ပြီး ဗလီဝတ်ကျောင်းတော်ကို ၂၀၀၀ ခုနှစ်က တည်ဆောက်ခဲ့ခြင်းဖြစ်ကာ လူပေါင်း ၁၄၀ ခန့် ၀န်ပြုဆုတောင်းနိုင်သည်ဟု ပြောကြားခဲ့သည်။

၂၀၁၃ ခုနှစ် ဇူလိုင်လတွင် အဆိုပါဗလီဝတ်ကျောင်းတော်၏ နံရံ၌ အမုန်းကို ကိုယ်စားပြုသည့် ‘H8’ သင်္ကေတ ရေးသားခြင်း ခံခဲ့ရပြီး ယခုနှစ် ဇန်န၀ါရီ ၂၁ ရက်နေ့တွင် ဖောက်ထွင်းသမားတစ်ဦးမှာ ဗလီဝတ်ကျောင်းတော်အတွင်းသို့ ၀င်ရောက်ကာ လျှပ်စစ်ပစ္စည်းများကို ခိုးယူခဲ့သည်။

ဗလီဝတ်ကျောင်းတော် မီးလောင်ပြီး နောက်တစ်ရက် တနင်္ဂနွေနေ့တွင် မြို့နေပြည်သူများက ဗလီဝတ်ကျောင်တော်အနီး ချီတက်လာကြပြီး မွတ်စလင်များနှင့် တစ်သားရှိကြောင်း ပြသခဲ့ကာ ဘာသာပေါင်းစုံခေါင်းဆောင်များ ပါဝင်သည့် ဘာသာပေါင်းစုံ ဆုတောင်းမှုကို ပြုလုပ်ခဲ့ကြသည်။

ထို့ပြင် ဗလီဝတ်ကျောင်းတော် ပြန်ဆောက်နိုင်ရေး တိုက်တွန်းသည့် ဆိုင်းဘုတ်တစ်ခုကို အခင်းဖြစ်ပွားရာအနီး စိုက်ထူခဲ့ကြပြီး အမုန်းတရားကို ဆန့်ကျင်သည့် ပိုစတာများ၊ စာသားများ၊ အမှတ်အသားများကိုလည်း ချထားခဲ့ကြသည်။

ဗလီဝတ်ကျောင်းတော် ပြန်လည်ဆောက်လုပ်ရန် အားပေးတိုက်တွန်းထားသည့် ပိုစတာ

Ref: Huffingtonpost