ထရမ့်၏ ခွဲခြားမှုပေါ်လစီကို ခရစ်ယာန်ခေါင်းဆောင်များ ရှုတ်ချ

ဖေဖော်ဝါရီ ၂၊ ၂၀၁၇
M-Media

– အမေရိကန်သမ္မတ ဒေါ်နယ်ထရမ့်အနေဖြင့် ၎င်းယုံကြည်သော ခရစ်ယာန်သာသနာ၏ သွန်သင်မှုများကို လေးစားရန် ခရစ်ယာန်ခေါင်းဆောင် ၈၀၀ ကျော်က တောင်းဆိုလိုက်ပြီး ထရမ့်၏ ဒုက္ခသည်ပိတ်ပင်ရေး အမိန့်ထုတ်မှုကို တုန့်ပြန်လိုက်ခြင်းလည်းဖြစ်သည်။

ဖေဖော်ဝါရီ ၂ ရက်နေ့တွင် ပြုလုပ်မည့် National Prayer Breakfast အခမ်းအနားမတိုင်ခင် ခရစ်ယာန်ဘာသာရေးခေါင်းဆောင်များက လက်မှတ်ရေးထိုးထားပြီး ထရမ့်သို့ လိပ်မူသော စာတစ်စောင်တွင် ထိုကဲ့သို့ တောင်းဆိုလိုက်ခြင်းဖြစ်ပြီး အဖိနှိပ်ခံ နင်းပြားများနှင့် ပြောင်းရွှေ့အခြေချသူများကို ကာကွယ်ရန် တိုက်တွန်းခဲ့သည်။

“ဘုရားသခင်ရဲ့ နှုတ်ကပတ်တော်က ရွှေပုံပေါ်မှာစံဖို့ မဟုတ်ပါဘူး။ ဆင်းရဲသူဆင်းရဲသားတွေအတွက် သတင်းကောင်းပါ။ အဲဒီ ဆင်းရဲသားတွေထံမှာ ကျွန်တော်တို့ဟာ ခရစ်တော်ကို တွေ့ရှိခဲ့တာပါ” ဟု အဆိုပါစာတွင် ထည့်သွင်းဖော်ပြခဲ့သည်။

National Prayer Breakfast အခမ်းအနားတွင် ထရမ့်အပါအ၀င် နိုင်ငံရေးသမားများ၊ ဂုဏ်သရေရှိ ပုဂ္ဂိုလ်များ၊ ဘာသာရေးခေါင်းဆောင်များ တက်ရောက်မည်ဖြစ်ပြီး ၁၉၅၃ ခုနှစ်က စတင်ခဲ့သည့် ထိုအခမ်းအနားကို သမ္မတအဆက်ဆက် တက်ရောက်ခဲ့ကြသည်။ အခမ်းအနား၏ ရည်ရွယ်ချက်မှာ နိုင်ငံရေးသမားများအချင်းချင်း ဘာသာရေးဆိုင်ရာ ခံယူချက်ကို မျှဝေရန်ဖြစ်သည်။

ကယ်လီဖိုးနီးယားရှိ Saddleback ဘုရားကျောင်းမှ သင်းအုပ်ဆရာ ရစ်ဝါရန်က မိမိအနေဖြင့် ထိုအခမ်းအနားတွင် မိန့်ခွန်းပြောမည်ဟု အင်္ဂါနေ့က Facebook ၌ လွှင့်တင်ခဲ့သည့် ဗီဒီယိုတွင် ပြောကြားခဲ့သည်။

“ပြီးခဲ့တဲ့နှစ်က ကိစ္စတွေနောက်ပိုင်း အခုအချိန်မှာ ဒီအခမ်းအနားဟာ အရေးပါတယ်လို့ ကျွန်တော်ထင်ပါတယ်။ ပြီးခဲ့တဲ့နှစ် ရွေးကောက်ပွဲနဲ့ မဲဆွယ်မှုတွေက အမေရိကကို သွေးကွဲစေခဲ့ပါတယ်” ဟု ၀ါရန်ကဆိုပြီး သမ္မာကျမ်းစာက ခရစ်ယာန်များကို ငြိမ်းချမ်းရေး ဆောင်ရွက်သူအဖြစ် သွန်သင်ထားကြောင်း၊ သဘောထားမတိုက်ဆိုင်သူများကို ရင်ကြားစေ့ရေးအလုပ် လုပ်ရမည်ဖြစ်ကြောင်း ထည့်သွင်းပြောကြားခဲ့သည်။

ထရမ့်မှာ အာဏာရပြီးကတည်းက တိုင်းပြည်အား စည်းလုံးရန် လုပ်ဆောင်မှု မရှိသေးဘဲ ပထမတစ်ပတ်အတွင်းမှာပင် မွတ်စလင်နှင့် ဒုက္ခသည်မျာကို ပစ်မှတ်ထားသော အမိန့်၊ နယ်စပ်ခြံစည်းရိုးကာရန် အမိန့်နှင့် ကျန်းမာရေးစောင့်ရှောက်မှု အစီအစဉ်ကို ဖျက်သိမ်းသည့် အမိန့်များကို လက်မှတ်ရေးထိုးခဲ့သည်။

National Prayer Breakfast အခမ်းအနားတွင် ဘာသာရေးခေါင်ဆောင်များမှာ ဘာသာရေးဆိုင်ရာ အမှန်တရားများကို ပြောကြားလေ့ရှိခြင်းကြောင့် ထရမ့်မှာ ထိုအခမ်းအနားတွင် ဝေဖန်မှုများနှင့် ရင်ဆိုင်ရနိုင်သည်။

Ref: Huffingtonpost