ချန်ပီယံဘွဲ့အတွက် မျှော်လင့်ချက်မကုန်သေးဟု ယာယာတိုးယေးပြော

ဖေဖော်ဝါရီ ၃၊ ၂၀၁၇
M-Media

– ပရီးမီးယားလိဂ် ချန်ပီယံပြေးလမ်းကြောင်းမှာ အဆုံးမသတ်သေးဘဲ မိမိတို့အနေဖြင့် ချယ်ဆီးကို အမှီလိုက်သွားမည်ဟု မန်စီးတီးကွင်းလယ်လူ ယာယာတိုးယေးက ပြောကြားလိုက်သည်။

ဗုဒ္ဓဟူးနေ့က ၀က်စ်ဟမ်းအသင်းအား ၄ ဂိုးပြတ်ဖြင့် အနိုင်ရပြီးနောက် မန်စီးတီးမှာ ထိပ်ဆုံးမှ ချယ်ဆီးနှင့် ၁၀ မှတ်ကွာဟသွားခဲ့ပြီး ယာယာတိုးယေးက ထိုပွဲတွင် ပင်နယ်တီမှတစ်ဆင့် တစ်ဂိုး သွင်းယူပေးခဲ့သည်။

နည်းပြ ဂွာဒီယိုလာကမူ ချယ်ဆီးနှင့် အမှတ်ကွာဟမှုမှာ များပြားသွားခဲ့ပြီဟု ထိုပွဲအပြီးတွင် ပြောကြားခဲ့သော်လည်း တိုးယေးကမူ ထိုအယူအဆကို လက်မခံခဲ့ချေ။

“ကျွန်တော့်ကိုကြည့်ပါ။ ကျွန်တော် ဘယ်တော့မှ အရှုံးမပေးပါဘူး။ ဒါပေမယ့် ဘောလုံးဟာ အပြင်မှာ ရောက်တတ်ရာရာပြောရတဲ့ ကိစ္စမဟုတ်ပါဘူး။ ကွင်းအတွင်းမှာ လုပ်ရတဲ့ကိစ္စပါ။ ကျွန်တော်တို့ ကောင်းရမယ်။ ကျွန်တော်တို့အတွက် တော်တော်လေး ခက်ခဲပါမယ်။ ချယ်ဆီးက တစ်ပတ်မှာ တစ်ပွဲပဲ ကစားရပြီး ကျွန်တော်တို့ကတော့ ပြိုင်ပွဲတော်တော်များများကို ကစားရပါတယ်။ ဒါ့ကြောင့် တော်တော် ခက်ခဲပါတယ်” ဟု တိုးယေးက ပြောကြားခဲ့သည်။

ထို့ပြင် လီဗာပူးလ်အား အနိုင်ကစားခဲ့သည့် ချယ်ဆီး၏ စည်းလုံးညီညွတ်မှုကလည်း မိမိတို့အတွက် အခက်တွေ့စေမည်ဖြစ်ကြောင်း မိမိတို့အနေဖြင့် ချယ်ဆီးအသင်းအကြောင်း မစဉ်းစားဘဲ၊ ကိုယ့်အကြောင်းကိုယ်သာ စဉ်းစားကြောင်း ထည့်သွင်းပြောဆိုခဲ့သည်။

Ref: Goal