အာဖဂန်တွင် အရပ်သား သေဆုံး၊ ဒဏ်ရာရမှု စံချိန်တင်မြင့်တက်

ဖေဖော်ဝါရီ ၇၊ ၂၀၁၇
M-Media

– ၂၀၁၆ ခုနှစ်အတွင်း အာဖဂန်နစ္စတန်၌ အရပ်သားများ ထိခိုက်သေဆုံးမှု အရေအတွက်မှာ စံချိန်တင်အမြင့်ဆုံးအဖြစ် ၁၁၅၀၀ ဦး ရှိခဲ့ပြီး ထိုအထဲမှ ၃ ပုံတစ်ပုံမှာ ကလေးငယ်များဖြစ်သည်ဟု ကုလသမဂ္ဂက ပြောကြားလိုက်သည်။

နေတိုးအဖွဲ့၏ စစ်ဆင်ရေးပြီးဆုံးပြီးနောက် ၂ နှစ်ကျော် ကြာမြင့်လာသည့်အချိန်တွင် အာဖဂန်၌ အရပ်သားများ သေဆုံးမှု၏ အဓိက အကြောင်းအရင်းမှာ လူနေထူထပ်သည့် နေရာများတွင် လုံခြုံရေးတပ်ဖွဲ့များနှင့် လက်နက်ကိုင်များအကြား တိုက်ခိုက်မှုကြောင့် ဖြစ်သည်ဟု အာဖဂန်ဆိုင်ရာ ကုလသမဂ္ဂ အကူအညီပေးရေးအဖွဲ့ (UNAMA) က ဆိုသည်။ ထိုအဖွဲ့မှာ ၂၀၀၉ ခုနှစ်ကတည်းက အရပ်သားများ သေဆုံးမှုကို စောင့်ကြည့်ခဲ့ခြင်းဖြစ်သည်။

၂၀၁၆ ခုနှစ်အတွင်း အာဖဂန်၌ အရပ်သား စုစုပေါင်း ၃၄၉၈ ဦး သေဆုံးခဲ့ပြီး ဒဏ်ရာရရှိသူမှာ ၇၉၂၀ ဦး ရှိခဲ့ကာ ၂၀၁၅ ခုနှစ်ကထက် ၃ ရာခိုင်နှုန်း တက်လာခြင်းဖြစ်သည်။

UNAMA ၏ လူ့အခွင့်အရေးဌာနမှ ဒါရိုက်တာဖြစ်သူ ဒန်နီယဲလ် ဘဲလ်ကမူ ပဋိပက္ခတွင် ပါဝင်နေသူများအနေဖြင့် စစ်မြေပြင်တွင် ထိခိုက်မှုကို လျော့ချရန် ပိုမိုထိရောက်သည့် ဆောင်ရွက်မှုများ ပြုလုပ်ရန် တိုက်တွန်းခဲ့သည်။

“သူတို့တွေဟာ ကတိက၀တ်တွေပေးပြီး၊ သူတို့ပေးထားတဲ့ ဒီကတိက၀တ်တွေကို စစ်မြေပြင်မှာ အမှန်တကယ် ကျင့်သုံးဖို့ စလုပ်ရပါမယ်။ အရပ်သားတွေ ထိခိုက်ဒဏ်ရာရတာကို တားဆီးဖို့ ဒါဟာ တစ်ခုတည်းသော လုပ်ရမယ့် နည်းလမ်းပါပဲ” ဟု သူမက ပြောကြားခဲ့သည်။

သေဆုံးသူအရပ်သားများ၏ ၆၁ ရာခိုင်နှုန်းမှာ တာလီဘန်နှင့် IS တိုကဲ့သို့ လက်နက်ကိုင်အဖွဲ့များကြောင့် ဖြစ်ပြီး၊ ၂၀၁၆ ခုနှစ်တွင် တာလီဘန်ကြောင့် သေဆုံးသူ ၄၉၅၃ ဦး ရှိခဲ့သည်ဟု ကုလက အတည်ပြုခဲ့သည်။ ရှီအာမွတ်စလင်လူ့ အဖွဲ့အစည်းကို မကြာခဏ ပစ်မှတ်ထား တိုက်ခိုက်လေ့ရှိသည့် IS ကြောင့် ထိခိုက်ဒဏ်ရာရသူစာရင်းမှ ၁၀ ဆတက်လာသည်ဟု စုံစမ်းစစ်ဆေးသူများက တွေ့ရှိခဲ့ရသည်။

ယခင်က အဖွဲ့ငယ်သာဖြစ်ခဲ့သော IS မှာ ၂၀၁၆ ခုနှစ်အတွင်း အသေခံတိုက်ခိုက်မှုများကို တိုးမြှင့် ပြုလုပ်လာခဲ့ပြီး အနည်းဆုံး ၈၉၉ ဦး သေဆုံး၊ ဒဏ်ရာရခဲ့သည်။ ကုလက အရပ်သားသေဆုံးမှုများကို စာရင်းကောက်ယူပြီးနောက်ပိုင်း ၂၀၁၆ ခုနှစ်မှာ အသေခံဗုံးခွဲမှုများကြောင့် အရပ်သားများ ထိခိုက်သေဆုံးမှု အမြင့်ဆုံးဖြစ်ခဲ့သည်။

Ref: Aljazeera