ရုရှားမှ ကမ္ဘာ့ပထမဆုံး ရေခဲစာကြည့်တိုက်

ဖေဖော်ဝါရီ ၈၊ ၂၀၁၇
M-Media

– ရုရှားနိုင်ငံတောင်ပိုင်း ဆိုက်ဘေးရီးယားဒေသက ဘိုင်ကာလ် ရေကန်ကြီးထဲမှာ ရုရှားက ရေခဲစာကြည့်တိုက်တစ်ခုကို ဖွင့်လှစ်ခဲ့ပြီး ဒါဟာ ကမ္ဘာ့ပထမဆုံး ရေခဲစာကြည့်တိုက်လည်း ဖြစ်ပါတယ်။

Ice Library of Wonders (အံ့သြစရာများနှင့် ရေခဲစာကြည့်တိုက်) လို့ အမည်ပေးထားတဲ့ အဲဒီနေရာကို တန် ၂၀၀ လောက်ရှိတဲ့ ရေခဲတွေနဲ့ တည်ဆောက်ထားတာပါ။ အဲဒီအဆောက်အဦးကို ရေခဲတုံး တစ်ခုချင်းစီနဲ့ ဖွဲ့စည်းထားပြီး အဲဒီရေခဲတုံးတွေဟာလည်း စာအုပ်တွေလည်း ဖြစ်ပါတယ်။

လူတွေဟာ သူတို့ရဲ့ စိတ်ကူးစိတ်သန်းတွေကို ရေခဲတုံးတွေအပေါ်မှာ ထွင်းထုကြပြီး လက်ရှိအချိန်အထိ ဘာသာစကားပေါင်း များစွာနဲ့ ထွင်းထုထားတဲ့ စိတ်ကူးယဉ်အိပ်မက်တွေက ၁၀၀ လောက် ရှိနေပါပြီ။ ဒီရေခဲစာကြည့်တိုက်ဟာ ရေခဲတုံးတွေ အရည်ပျော်သွားမယ့် နွေဦးရာသီအထိ ရှိနေမှာ ဖြစ်ပါတယ်။

ရုရှားကတော့ ဒီ ရေခဲစာကြည့်တိုက်ကို နှစ်စဉ်ပွဲတော်တစ်ခုအဖြစ် ပြက္ခဒိန်ထဲ ထည့်သွားမယ်လို့ ကြေငြာထားပါတယ်။

Ref: Press TV